ჰერპეტოლოგი - კოტე ფხაკაძე მოსახლეობას მნიშვნელოვან რჩევებს აძლევს "ყველას მოვუწოდებ, ნუ ხოცავენ გველებს! ეს გამოსავალი არ არის! თაგვი უფრო გამრავლდება და შესაბამისად, გველებიც მეტი მოვლენ! მოვაწესრიგოთ ეზოები, სისუფთავე გვქონდეს და გველი იქ არასოდეს დაიბუდებს!" ზოოპარკის ეგზოტარიუმის ხელმძღვანელი, ჰერპეტოლოგი - კოტე ფხაკაძე მოსახლეობას მნიშვნელოვან რჩევებს აძლევს, რათა გველები ეზოებში არ გამოჩნდნენ!
- ყოველ წელს ვრცელდება ინფორმაცია, თითქოს თბილისში გველების შემოსევა მატულობს. ეს მცდარი ინფორმაციაა. წელს არანაირი გველების შემოსევა თბილისში არ არის, პირიქით, გველების რაოდენობა მცირდება. ხალხი დიდი რაოდენობით გველს ხოცავს, მტაცებელი ცხოველებიც ანადგურებენ... თბილისში ბვრი ახალი დასახლებული პუნქტი გაჩნდა ქალაქგარეთ და ამ შემთხვევაში გველი კი არ მივიდა ხალხთან, პირიქით ხალხი მივიდა იმ ადგილზე, სადაც ტყეა და გველები არიან... სამწუხაროდ, გველხოკერაც გველი ჰგონიათ ხალხს, რომელიც იგივე უფეხო ხვლიკია. გველხოკერა პატარა ზომის ხვლიკებს ანადგურებს და აუცილებელია მათი არსებობა! ხალხო გველხოკერები არ დახოცოთ!
არასოდეს ადამიანი არ უნდა ეცადოს გველის დაჭერას! კბენის 98 პროცენტი ზუსტად მაშინ ხდება! სპეციალისტი თუ არ არის, დაუშვებს შეცდომას დაჭერის დროს და უკბენს! როცა გველს დავინახავთ, ერთი ნაბიჯი უკან უნდა გადავდგათ და გავეცალოთ! გველი არაფრით არ გამოგვეკიდება!
ყველას მოვუწოდებ, ნუ ხოცავენ გველებს! ეს გამოსავალი არ არის! თაგვი უფრო გამრავლდება და შესაბამისად, გველიც მეტი მოვლა! მოვაწესრიგოთ ეზოები, სისუფთავე გვქონდეს და გველი იქ არასოდეს დაიბუდებს!
მანანა გაბრიჭიძე