რა ასაკიდან და როგორი პური მივცეთ ბავშვს, რომ პატარამ მისგან მაქსიმალური სარგებელი მიიღოს - მშობლები

ალბათ, არ არსებობს ადამიანი, ვისაც პური არ უყვარს. თუმცა კიდევ უფრო ძალიან პური პატარებს უყვართ. მათ შეუძლიათ, მთელი დღის განმავლობაში პური ხელში ეჭიროთ და ჭამონ ისე, თითქოს ეს გემრიელი დესერტი იყოს. სწორედ ამიტომ მშობლებისთვის ძალიან აქტუალურია კითხვა, შეიძლება თუ არა ბავშვებისთვის პური, რა ასაკიდან და საერთოდ, რა სასარგებლო თვისებები აქვს მას.

მსოფლიო ჯანდაცვის ორგანიაციის მიერ მოწოდებული ბავშვთა კვების პირამიდის მიხედვით ბავშვთა კვებაში მთავარი ადგილი უკავია მარცვლეულს, პურს, ორცხობილას. სწორედ ეს პროდუქტები წარმოადგენს ენერგიის წყაროს. თუმცა ბავშვისთვის პურის მიცემა ასეთი მარტივი საკითხიც არაა, რადგან მასაც ისევე დიდი ყურადღებით სჭირდება შერჩევა, როგორც ბავშვთა კვების სხვა ნებისმიერ პროდუქტს.

რატომ არის პური ბავშვისთვის აუცილებელი?

პური მეტად სასარგებლო პროდუქტია, თუმცა მისგან სარგებელი რომ მიიღოთ, აუცილებლად უნდა დაიცვათ ზომიერება. ეს არის ერენგეტიკულად ღირებული, მაღალკალორიული პროდუქტი, რომელიც დიდი რაოდენობით მიკროელემენტებსა და მინერალებს შეიცავს. მათ შორისაა: ნახშირწყლები, მცენარეული ცილა, ცხიმები, უჯრედისი, B ჯგუფის ვიტამინები და ბიოტინი.

B ჯგუფის ვიტამინების წყალობით, პური ნერვული სისტემის რეგულაციას ახდენს და უზრუნველყოფს სტრესისგან დაცვას. გარდა ამისა ის ხელს უწყობს თმის, კანის, ფრჩხილების სიჯანსაღეს. ხორბლის პურში შემავალი ცილები დიდი რაოდენობით შეიცავს გლუტამინის მჟავას, რომელიც აუცილებელია სწავლის უნარისა და მეხსიერების განვითარებისთვის.

პურს საჭმლის მომნელებელი წვენის გამომუშავების სტიმულირებაც შეუძლია, რაც ხელს უწყობს მონელების და შეთვისების პროცესების გააქტიურებას.

რა ასაკიდან მივცეთ ბავშვს პური?

ამ საკითხზე ერთგვარი მოსაზრება არ არსებობს და პედიატრების ნაწილი პურის მიცემსა 6–7 თვიდან უწევენ რეკომენდაციას. თუმცა უფრო გამყარებული და დასაბუთებული მოსაზრებით, პური ბავშვს 10 თვის ასაკიდან უნდა მისცეთ. პური დიდი რაოდენობით გლუტეინს შეიცავს, რაც ალერგიული ნივთიერებაა. სწორედ ამიტომ არ არის რეკომენდებული უფრო პატარა ასაკში პატარასთვის პურის მიცემა. ამავდროულად 10 თვიდან ბავშვს ღეჭვის უნარი უფრო ჩამოყალიბებული აქვს და პურის ჭამის დროს სხვადასხვა სახის გართულებისგან დაცული იქნებით.

როგორ შევარჩიოთ პური ბავშვისთვის?

პური ცალსახად სასარგებლო პროდუქტია, მაგრამ მის შერჩევას გარკვეული ყურადღება სჭირდება. პატარას 10 თვის ასაკში უნდა მისცეთ თეთრი პური, რომელიც აუცილებლად კარგად გამომშრალი იქნება და დამზადებისას არ უნდა იყოს გამოყენებული მავნე მინარევები. ცომი უნდა მოიზილოს 100%-ით ნატურალური ფქვილით.

პურს, რომელსაც ბავშვს შესთავაზებთ, არ უნდა ჰქონდეს შენახვის დიდი ვადა. პროდუქტი, რომელსაც დიდი ხნის შენახვის ვადა აქვს, ქიმიურ დანამატებს შეიცავს. აუცილებლად შეიძინეთ შეფუთული პური და კარგად გაეცანით მის ეტიკეტზე განთავსებულ ინფორმაციას. მაგალითად, პურ „მზეთამზეს“ ეტიკეტზე ვკითხულობთ, რომ მის შემადგენლობაში შედის მხოლოდ 100%-ით ნატუალური ხორბალი, მარილი, წყალი და ბუნებრივი საფუარი ე.წ. პურის დედა. ამ მეთოდით დამზადებული პური არ არის ზედმეტად აფუებული და ბავშვის, ისევე როგორც ზრდასრულის, კუჭ-ნაწლავისთვის მარტივი მოსანელებელია. „მზეთამზე“ ყველა სხვა პურისგან იმით გამოირჩევა, რომ ის მასიური წარმოების ერთადერთი პურია, რომელიც პურის დედაზე მზადდება. ეს ბუნებრივი საფუარი არის ბაქტერია, რომელიც ფქვილის და წყლის შერევით და გარკვეული მოვლის წესით წარმოიქმნება და მასში ჭარბად გვხვდება ვიტამინები. სწორედ ეს აქცევს პურს სასარგებლო პროდუქტად, რომელზეც ბევრს საუბრობენ. არასწორი დამზადების შემთხვევაში კი პური იმ სასარგებლო თვისებების ნახევარსაც არ შეიცავს, რასაც უნდა შეიცავდეს.

როდის და რა რაოდენობის პური უნდა მივცეთ ბავშვს?

საწყის ეტაპზე პატარას პური მცირე რაოდენობით უნდა გაასინჯოთ. 10 თვის ბავშვს ყოველდღიურად შეგიძლიათ მისცეთ 25 გრამი პური და ზრდასთან ერთად პურის რაოდენობაც გაზარდოთ. 25 გრამი პური დაახლოებით ერთი ნაჭერია. 2 წლის ასაკში უკვე შეგიძლიათ 2 ნაჭერი მისცეთ. ახლად გამომცხვარი, ჭვავის, ან ქატოს პურის შეტანა ბავშვის კვების რაციონში 3 წლამდე არ არის სასურველი.

იდეალურია, თუ პურს მისცემთ საუზმეზე ან დღის პირველ ნახევარში.

ბევრი და არასწორად შერჩეული პურის მიცემით ხელს შეუწყობთ ბავშვის წონაში მატებას და ნივთიერებათა ცვლის დარღვევას, რაც საბოლოოდ თავს ზრდასრულ ასაკში იჩენს.