მსახიობი იუნა შაფათავა ჩოგბურთელ ნიკოლოზ ბასილაშვილსა და მის ყოფილ მეუღლეზე პოსტს აქვეყნებს. როგორც ამერიკაში მყოფი მსახიობი წერს, ნეკა დოროყაშვილი შემჩნეული იყო სხვა კაცებთან ურთიერთობაში და ჩოგბურთელებში არაფერი იმალება. როგორც ცნობილია, იუნას და სოფია შაფათავა ცნობილი ჩოგბურთელია და ამიტომ აქვს მას აღნიშნული ინფორმაცია.
"პირველ რიგში, ნიკას ვულოცავ გამარჯვებას; და ბოდიშს ვითხოვ წინასწარ, რომ მის სახელს მესამე პირში და სტატუსად ვწერ, მაგრამ ჩემი შინაგანი განწყობა ითხოვს ამას და სამართლიანობა.
ნიკას ბავშვობიდან ვიცნობ. დედასაც, მამასაც. მახსოვს, ძალიან ცუდად
გამომივიდა, წლების წინ “წლის სპორტსმენად” დასახელება არ ეკუთვნის-მეთქი, საქართველოს ნაკრებში არ ჰქონდა ნათამაშები და მეზიზღება ჩემი თავი ამაზე.
უდავოა, ნიკამ ქართული ჩოგბურთის ყველაზე დიდი ისტორია შექმნა, უკვე, დიდი შეჯიბრებების მოგებით და მთავარია, იყოს ჯანმრთელად, უფრო მეტს მოუგებს, ღმერთი შენკენ და ღარიბი საქართველოს მორალური მხარდაჭერა, საქართველოსი, რომელმაც ასე გაწამა ბავშვობაში დაფინანსებაზე და კაპიკებს არ იმეტებდა, მადლობა შენი სურვილისთვის, იყო მაგარი და მადლობა, შენს მშობლებს, გიჟი მხარდაჭერისთვის (ეს ჩვენი ჩიგბურთულია, ვინც არ იცის, რას ნიშნავს ჩოგბურთელის ოჯახი, ვერ მიხვდება).
ნიკამ ცოლი რომ მოიყვანა, იყო სიურპრიზი.
არ ვიცი, თუ გახსოვთ ნეკას “მხარდაჭერა” და ფოტოსესია, კორტზე, ნიკასთან, ბურთებით და ჩოგნებით.
ნიკა არ აკლებდა ნეკას არც მოვლას, არც ზრუნვას, არც Hermes-ს, არც Dolce Gabbana-ს და სხვა ძალიან ძვირ ბრენდებს; მაშინაც კი, როდესაც მისი საპრიზო თანხის მეათედი მაინც ღირდა ნეკას კაპრიზები; გარდა ამისა, ნეკა დაყვებოდა შეჯიბრებებზე - ძალიან დიდი ხარჯია, ამალით შეჯიბრზე სიარული და რამდენად გამართლებულია, ცოლის შოპინგი ქმრის უმძიმესი დატვირთვის დღეებში, ეს ცალკე თემაა; მაგრამ ნეკას “მხარდაჭერა” ასე გამოიხატებოდა. ეს დეტალები ჯანდაბას;
შვილი რომ გაჩნდა, ნიკას ბედნიერი სახე ყველას გახსოვთ ფოტოებზე;
ბავშვიც დაყავდა შეჯიბრებებზე, როცა შეეძლო.
მე წყვილი ერთად US Open-ზე ვნახე; 2014 წელს, ჩემი და რომ თამაშობდა, მოთამაშეების სასადილოში ვისხედით, სხვა ჩოგბურთელებთან ერთად და დარბაზში უცხო სახე შემოვიდა- დიდი პროფების სამყაროში ყველა ერთმანეთს იცნობს, ოჯახებიანად; ეს ვინ არის-მეთქი - გამიკვირდა, იმიტომ, რომ ძალიან ცხვირაწეული იყო და უაზრო აპლომბი ჰქონდა სახეზე. ბასილაშვილის ცოლიაო.
სერენა უილიამსის და შარაპოვას ფონზე ასეთ კეკელკურ სახეს სხვა ვინ შეკერავდა.
მეორედ, ნეკა ვნახე ეკო გორგოძის მატჩზე, 2018 მგონი, ნიკა არ მინახავს, იგივე US Open-ზე, გვერდში მეჯდა, მშვიდად, თამი მილევსკაიასთან, მოსაწევად გარბოდნენ მატჩის გადასვლებზე. ეკო ჟენი ბუშართან თამაშობდა იმ დღეს.
რისი თქმა მინდა.
მესმის, ცოლის კარიერა გაიკეთე და შენებურად “მხარს უჭერდი” ნიკას, მისი მაშინ ჯერ კიდევ მწირი ბიუჯეტის უაზრო და ეგოისტური ხარჯვით; ოჯახი გააჩერე და შენ დაყვებოდი ყველგან;
შვილი გააჩინე და არც შენ, არც შვილს სახლში არ ტოვებდა, მაშინ მეტად ნაკლებს იგებდა და მაინც მსოფლიო მოგატარა ასეთ დონეზე, სხვა რომ ოცნებობს და არასოდეს ჰქონია; 5-ვარსკვლავიანი სასტუმროებით და პროფესიონალი ჩოგბურთელის ცოლობის;
და ამ ყველაფრის შემდეგ, შენი გოიმური ეგო მოსვენებას არ გაძლევს, შენი ქმრის ფულით ტანზე და ყველგან tunings იკეთებ, რაღაც კეკელკურ ფოტოსესიებს იღებ, რომ ქმრის ხარჯზე “მოდელის კარიერა” აიწყო, ულიმიტოდ ხარჯავ მისი ოფლის და ჯანმრთელობის ხარჯზე გამომუშავებულ ფულს და მერე, ამ ყველაფერს ირგებ, მხოლოდ იმიტომ, რომ სიგიჟემდე უყვარხარ, მივცემ თავს უფლებას, დავამატებ - რაღაც უაზრო ტრაკის ქიცინს ჰქონდა ადგილი სხვა კაცებთან, მეტს არ მივცემ თავს უფლებას, ვთქვა - კი, ჩიგბურთელებში ეს არ იმალება - და მერე ატრიალებ ყველაფერს ისე, რომ შენ ხარ “მსხვერპლი”, რადგან არ გინდა ამ ზღაპრული რეალობის დაკარგვა, ისტერიკებს და დებოშებს უწყობ ამ არაჩვეულებრივ ადამიანებს - ძალიან ინტელიგენტი მშობლები ყავს ნიკას - და აბრალებ რაღაც საძაგლობებს და შვილით იწყებ სპეკულირებას, უბანძესი სცენარით?