ბავშვთა კვება ხშირად მშობლების ნერვიულობის მიზეზი ხდება. პრობლემა კი უფრო მეტად დილით, საუზმეზე იქმნება, რადგან ბევრ ბავშვს სკოლაში წასვლამდე უჭირს საკვების მიღება და ცოტა მოგვიანებით, 11-12 საათისთვის სკოლაში მიირთმევენ სახლიდან წაღებულ პროდუქტებს. მისაღებია ეს ქცევა, თუ ჯობს, მშობელმა ძალდატანებით, თუნდაც რამდენიმე ლუკმა შეაჭამოს ბავშვს დილით და ზოგადად, რატომაა აუცილებელი საუზმე ნორმალური ზრდა-განვითარებისთვის, თემაზე პედიატრი, ბავშვთა ენდოკრინოლოგი, იაშვილის სახელობის ბავშვთა ცენტრალური საავადმყოფოს ენდოკრინოლოგიური სამსახურის ხელმძღვანელი ნინო ხელაძე გვესაუბრება;
- ძალდატანება არასოდესაა კარგი გამოსავალი. თუ ბავშვს სხვანაირად ვერ დავარწმუნებთ, რომ სკოლაში წასვლამდე ისაუზმოს, ის მაინც უნდა ვუთხრათ, რომ როცა უკვე სკოლაში მიირთმევს, ხარისხიანი საკვები მიიღოს და არა ტკბილეული და სწრაფი კვების პროდუქტები.
- გაღვიძებიდან 2 საათის ინტერვალში, 7- დან 9 საათამდე.
- მიზეზი არასწორად ჩამოყალიბებული ჩვევა და დღის რეჟიმია. ბავშვებს მუდმივად სჭირდებათ "საწვავი" სწრაფი ზრდისა და განვითარებისათვის. ამავე დროს, ენერგიის მარაგი მათ ბევრად მწირი აქვთ. დილით თუ დროულად არ მიიღეს საკვები, ირღვევა ჰორმონალური ბალანსი, მათი სხეული სტრესულ რეჟიმშია, რაც გაღიზიანებით და კონცენტრაციის დაქვეითებით გამოვლინდება.
- საუზმე მართალაც დღის ყველაზე მნიშვნელოვანი კვებაა. ის ბალანსირებული უნდა იყოს, სასურველია მოიცავდეს ბურღულეულს, ჯანსაღ ცხიმს, ცილას, ხილს. მაგალითად, რძით დამზადებული შვრიის ფაფა ცოცხალი ხილით, ომლეტი რუხი პურით, ხაჭოს კვერები, ხილის სალათი და აშ.
- სკოლის ასაკის ბავშვი დღეში 3-ჯერ უნდა მიირთმევდეს და ხემსი 1-2- ჯერ ჰქონდეს. 4 საათზე მეტი პერიოდის განმავლობაში შიმშილი არაა სასურველი. პირველ რიგში, ეს კონცენტირების უნარზე იმოქმედებს. მშიერი ბავშვის დასწავლის უნარი მნიშვნელოვნად დაქვეითდება.
- ბევრი რამ პროდუქტის ხარისხსა და რაოდენობაზეა დამოკიდებული, თუმცა სისტემატურად ასეთი ტიპის კვება წონის მატების მნიშვნელოვან რისკს შეიცავს.
- ხორცი ცილის, რკინის, კალციუმის, ბ ჯგუფის ვიტამინების ძალინ კარგი წყაროა. სასურველია, კვრაში 2-ჯერ მაინც მიიღოს ბავშვმა მუქი ფერის ხორცი. შესაძლებელია ღუმელში შეწვა, ნაკლები ცხიმის დანამატით.
- მხოლოდ ექიმის მეთვალყურეობის და შესაბამისი დანამატების მიღების პირობებშია დასაშვები.
- დიახ, მათ აქვთ რკინის, ცილის და ვიტამინების დეფიციტის მაღალი რისკი, რაც ზრდა-განვითარებაში ჩამორჩენის მიზეზი შეიძლება იყოს.
- ყოველთვის უპირატესობა მიანიჭონ სეზონურ და არა შენახულ პროდუქტს. მაქსიმალურად აარიდონ თავი კონსერვანტებით, ტრანს ცხიმებით და შაქრით გაჯერებულ საკვებს. თუ საკვებს შენახვის ვადა თვეები და წლები აქვს, შეეცადეთ, თქვენი შვილების რაციონში ნაკლებად გამოიყენოთ. ჯანსაღი სახამებელი ბურღულეულის სახით, ცილა , ჯანსაღი ცხიმი, რძის პროდუქტი, ხილი და ბოსტნეული ყოველდღე უნდა იყოს ბავშვის რაციონში.
თამარ იაკობაშვილი