გიორგი გასვიანი და მარიტა მელიქიშვილი სულ ცოტა ხნის წინ პატარა გალაკტიონის მშობლები გახდნენ. წყვილმა სოციალურ ქსელში უამრავი მილოცვა მიიღო. მათ ახალშობილის არაერთი ფოტო განათავსეს, თუმცა ბავშვის გაცნობას საზოგადოებისათვის ნათლობის შემდეგ აპირებენ.
ამჯერად მარიტა მელიქიშვილი "ინსტაგრამგამომწერებს" რთული პერიოდის შესახებ ესაუბრა. როგორც "სთორებიდან" ვიგებთ, მარიტას ზაფხულში კოვიდი ჰქონდა და კლინიკაში მკურნალობა დასჭირდა: „ზაფხულში, 5 თვის რომ ვიყავი, მაშინ მომაკითხა მეც კოვიდმა. დადასტურებიდან მეორე დღეს ისე ცუდად ვიყავი, რომ ბატონ ლევან რატიანთან ვამჯობინეთ დაწოლა და მადლობა მათ. მსუბუქად
გადავიტანე, მაგრამ ძალიან დიდი ნერვიულობა გამოვიარეთ. 10 დღე გიორგის გარეშე მომიწია ყოფნა და ამას ყველაზე ძალიან განვიცდიდი. კლინიკიდან რომ გამოვედი, თითქოს ახლიდან დავიბადე. ყველა წუთი მინდოდა, ჩემს ძვირფას ადამიანებთან გამეტარებინა." მარიტა ასევე ასაჯაროებს გიორგი გასვიანის ემოციურ მიმოწერას - „უშენოდ როგორ ვარ, მიკვირს"