საჯარო სკოლებში ზამთრის არდდეგები 30 დეკემბერს დაიწყება და 15 იანვრის ჩათვლით გაგრძელდება. 2022-2023 სასწავლო წლის დასრულებამდე კი შემდეგი უქმე დღეები დარჩა:
საგაზაფხულო არდადეგები 8 მარტიდან დაიწყება და 14 მარტის ჩათვლით გაგრძელდება.
ოფიციალურად, სააღდგომო დღეებში დასვენებაა: დიდი პარასკევი, დიდი შაბათი, აღდგომა, მიცვალებულთა მოხსენიების დღე. წელს აღდგომა 16 აპრილსაა. შესაბამისად, მოსწავლეები 14 აპრილიდან 17 აპრილის ჩათვლით დაისვენებენ.
რაც შეეხება სასწავლო წლის დასასრულს, ოფიციალურად 15 ივნისია განსაზღვრული. თუმცა, მე-12 კლასი 20 მაისს, პირველი კლასი კი - 27 მაისს დაასრულებს სწავლას. თუ აღნიშნული თარიღები უქმე დღეს დაემთხვევა, მაშინ სწავლა წინა სამუშაო დღეს სრულდება. 2023 წელს 20 და 27 მაისი შაბათი დღეა, შესაბამისად, მე-12 კლასი სწავლას 19 მაისს, ხოლო პირველი კლასი, 25 მაისს დაასრულებს, რადგანაც 26 მაისი ოფიციალურად უქმე დღეა.