როგორ გახსნათ წარმოსახვის ჯადოსნური სამყაროს კარი ბავშვებისთვის ლექსების წიგნით - მშობლები

ბავშვებისთვის პოეზიის კითხვა არა მხოლოდ სასიამოვნო აქტივობა, არამედ მძლავრი ინსტრუმენტია ენობრივი უნარებისა და წარმოსახვის გასავითარებლად. ბავშვებისთვის პოეზიის კითხვა არის ღირებული და სასარგებლო გამოცდილება, რომელიც ხელს უწყობს წარმოსახვას, შემოქმედებით აზროვნებას, ენის უნარებსა და კულტურულ კავშირს. ის აფართოებს პატარების სამყაროს და აღებს ჯადოსნურ კარს სიტყვებისა და ლიტერატურის მდიდარ სამყაროში.

რა კრიტერიუმებს უნდა აკმაყოფილებდეს ლექსების საბავშვო წიგნი? - მოდით, განვიხილოთ მარიამ წიკლაურის ახალი საბავშვო ლექსების წიგნის - „ჩვენი სახლი“ მიხედვით:

ენობრივი უნარების განვითარება

ბავშვებისთვის ლექსების კითხვა მნიშვნელოვან როლს თამაშობს მათი ენობრივი უნარების განვითარებაში. პოეტურ სტრიქონებს აქვს რიტმი, რითმა და მელოდია, რაც ეხმარება ბავშვებს ენის ბგერების, ინტონაციებისა და რიტმის დაუფლებაში. ისინი სწავლობენ ბგერების მოსმენას და გარჩევას, იმეორებენ რითმულ სტრუქტურებს და აფართოებენ თავიანთ ლექსიკას. ბავშვებს პოეზიის კითხვა ეხმარება ენის სხვადასხვა ასპექტის გაგებაში, რაც მათი ენის განვითარების საფუძველია.

წიგნში „ჩვენი სახლი“ - თავმოყრილია ავტორის ლექსები, რომელთა სათაურებიც კი გარითმულია. „მამა-მამიკო, სახელად გური, არის ოჯახის სული და გული“ ; „დედა-დედუკა, სახელად ინო, რომელსც უყვარს ფრანგული კინო“ და სხვ.

წარმოსახვისა და შემოქმედებითი აზროვნების განვითარება

ლექსები წარმოსახვითი და ემოციურია, რაც ხელს უწყობს ბავშვებში წარმოსახვის განვითარებას. მათ შეუძლიათ გააცოცხლონ ნათელი სურათები და სცენები, პერსონაჟები და შექმნან საკუთარი სამყარო პოეზიის კითხვისას. ეს ხელს უწყობს პატარების შემოქმედებით აზროვნებას, წარმოსახვას და ასოციაციურად აზროვნების უნარს. ბავშვები იწყებენ გარემო სამყაროს უფრო საინტერესოდ დანახვას, აფართოებენ თავიანთ შინაგან სამყაროს და შემოქმედებით შესაძლებლობებს. მნიშვნელოვანია, რომ ლექსების წიგნი იყოს ილუსტრირებული იმგვარად, რომ ბავშვს ლექსის სიუჟეტის აღქმა გაუადვილდეს.

რიტმი და ინტონაცია

პოეზიის კითხვა საშუალებას აძლევს ბავშვებს დაიჭირონ ენის რიტმი და ინტონაცია. პოემის რიტმი ბავშვებში ქმნის მუსიკისა და მელოდიის განცდას, რაც ასტიმულირებს მათ აღქმასა და მუსიკალურ შესაძლებლობებს. ისინი იწყებენ ენის რიტმული სტრუქტურის შეგრძნებას და უფრო ადვილად აღიქვამენ მას მეტყველებაში და სიმღერებში. პოეზიის კითხვისას გადაცემული ინტონაცია ეხმარება ბავშვებს ემოციების გაგებაში და გამოხატვაში, ასევე აუმჯობესებს მათ კომუნიკაციის უნარს.

სახალისო ისტორიები

რა თქმა უნდა, საბავშვო ლექსში არ არის მთავარი რიტმი. მნიშვნელოვანია ლექსის შინაარსი, სიუჟეტი და სახალისო ისტორიები, რომლებიც დააინტერესებს პატარა მკითხველს და გაუჩენს ლექსების წაკითხვის სურვილს.

საბავშვო ლექსების წიგნი - „ჩვენი სახლი“ გამომცემლობა „პალიტრა L“-მა გამოსცა. წიგნში შესულია მარიამ წიკლაურის 109 ლექსი. ილუსტრაციების ავტორი - ნანიკო ბურდული გახლავთ. წიგნის შეძენა შესაძლებელია „ბიბლუსის“ მაღაზიათა ქსელში და ონლაინ. საიტზე www.palitral.ge

R