პროგესტერონი და ესტროგენი ქალის ორგანიზმისთვის ყველაზე მნიშვნელოვანი ჰორმონებია.
პოლინ კოქსი, დიეტოლოგი და წიგნის „მშიერი ქალი: საკვები კარგი ჯანმრთელობისთვის, ბედნიერებისთვის და ჰორმონებისთვის“ ავტორი, თვლის, რომ ყველაფრის საფუძველი ესტროგენსა და პროგესტერონს შორის ბალანსია. "როდესაც პროგესტერონის დონე დაბალია, ესტროგენი დომინანტური ხდება, რამაც შეიძლება PMS და მტკივნეული პერიოდები გამოიწვიოს ", - ამბობს კოქსი.
პაულინ კოქსის აზრით, არსებობს კვების ხუთი პრინციპი, რომლითაც ქალებს შეუძლიათ საკვები ჰორმონების დასაბალანსებლად გამოიყენონ.
„ესტროგენი ზრდის ჰორმონია“, ამბობს დიეტოლოგი და მაგალითად გაზონზე მოყვანილი ბალახი მოჰყავს. „პროგესტერონი კი გაზონის სათიბია. ის აკონტროლებს ბალახის სიმაღლეს და როცა მას ვკარგავთ, ესტროგენი კონტროლიდან გამოდის, შესაბამისად ბალახიც ზომაზე მაღალი იზრდება.
ამ ბალანსისთვის ძალიან მნიშვნელოვანია, რომ ღვიძლი ჯანმრთელი შეინარჩუნოთ და მიირთვათ საკვები, რომელიც აუმჯობესებს მის მუშაობას. დიეტოლოგი გირჩევს რაც შეიძლება მეტი ყვავილედური საკვების დამატებას რაციონში: ყვავილოვანი კომბოსტო, ბროკოლი, ბრიუსელის კომბოსტო.
„ჩვენი ნაწლავების მრავალფეროვნება ასაკთან ერთად ქვეითდება, მიკრობიომის მრავალფეროვნება კი პირდაპირ კავშირშია სიცოცხლის ხანგრძლივობასა და ჯანმრთელობასთან“, - ამბობს დიეტოლოგი, რომელიც თვლის, რომ ერთი სუფრის კოვზ მჟავე კომბოსტოს ან ერთ ჭიქა იოგურტს შეუძლია მნიშვნელოვანი როლი შეასრულოს ორგანიზმის ჯანმრთელობაში.
მჟავე კომბოსტო და მაწონი ბევრ სხვა სარგებელს იძლევა. ისინი შეიცავს დიდი რაოდენობით C ვიტამინს, ასევე A და E ვიტამინებს და ფოლიუმის მჟავას.
ულტრა დამუშავებული საკვები, რომელიც შაქარს შეიცავს, კორტიზოლის დონის მატებას იწვევს, რაც შემდგომში პროგესტერონის დონეზე ახდენს გავლენას. ამიტომ მნიშვნელოვანია ასეთი საკვების მოხმარება შეზღუდოთ. მათ შორისაა ბევრი საკონდიტრო ნაწარმი, ჩიფსები, ცხიმიანი ცომეული.
ასეთი საკვები დაბალი კვებითი ღირებულებისაა, ამიტომ ბალანსის დაცვა მნიშვნელოვანია: გაითვალისწინეთ, რომ მისგან მიღებული ვიტამინებისა და მინერალების რაოდენობა მინიმალური იქნება, ხოლო მისი კალორიული შემცველობა შეიძლება საკმაოდ მაღალი იყოს. არავინ ამბობს, რომ სულ უარი თქვათ საყვარელ საჭმელებზე, მაგრამ გახსოვდეთ, რომ მთავარი ზომიერების დაცვაა.
კოქსი გვირჩევს, ბოლო კვება ძილის წინ 3-4 საათით ადრე მივიღოთ. ძილის წინ ჭამა აუარესებს ძილის ხარისხს, რაც ჰორმონებზე ძალიან უარყოფითად იმოქმედებს.
დღის მენიუს შედგენისას დარწმუნდით, რომ თქვენი საკვები ნოყიერი და დამაკმაყოფილებელია. დააკვირდით ნახშირწყლების რაოდენობას (დღეში ისინი უნდა მიირთვათ მთელი საკვების მინიმუმ 60%) და ასევე გაზარდეთ ცილების მიღება, რაც ხელს უწყობს დანაყრების ხანგრძლივ შეგრძნებას.
„თუ გრძნობთ სისავსეს და თქვენმა სხეულმა ყველა საჭირო ამინომჟავა მიიღო, გაცილებით ნაკლები საკვებით დაკმაყოფილდებით და არ მოგინდეთ ჩიფსები ან სხვა რამ“, - ამბობს დიეტოლოგი.
"ქალების უმეტესობას მაგნიუმის სუბკლინიკური დეფიციტი აქვს", - ამბობს დიეტოლოგი. მაგნიუმის დეფიციტი იწვევს შფოთვას, კუნთების კრუნჩხვას, უძილობას და გაღიზიანებას.
ჩართეთ მეტი მაგნიუმით მდიდარი საკვები თქვენს მენიუში. მათ შორის: ხორბლის ქატო, გოგრის თესლი, სეზამის თესლი, ნუში, კეშიუ.
თუ მაგნიუმის დეფიციტის სიმპტომები შეატყვეთ თავს, შესაძლოა საკვებმა ვეღარ შეძლოს მისი შევსება, ამიტომ აუცილებლად მიმართეთ ექიმს პირველ რიგში სხვა დაავადების გამორიცხვის მიზნით და იმ შემთხვევაში, თუ დადასტურდება მაგნიუმის დეფიციტი, მაშინ ხელოვნურად მოგიწევთ მისი დამატებით მიღება.