პერის ჰილტონმა შვილი დაიცვა: "ჩემი ანგელოზი სრულიად ჯანმრთელია... უბრალოდ, ცოტა მოზრდილი ტვინი აქვს" - მშობლები

ცოტა ხნის წინ ვწერდით იმის შესახებ, რომ ცნობილმა მოდელმა და ჰილტონების დიდი დინასტიის წარმომადგენელმა პერის ჰილტონმა პირველად გაასაჯაროა 9 თვის ვაჟის ფოტოები და მოულოდნელად საკმაოდ ნეგატიური გამოხმაურებაც მოჰყვა ამას. ადამიანები არწმუნებდნენ, რომ ბავშვი არაჯანსაღად გამოიყურება, ზედმეტად დიდი ზომის თავი აქვს და ალბათ, ავად არის.

მოდელმა გადაწყვიტა, გამოხმაურებოდა კომენტარებს. ერთ-ერთს იქვე, კომენტარში უპასუხა: "ამ სამყაროში არიან ავადმყოფი ადამიანები, თუმცა ჩემი შვილი სრულიად ჯანმრთელია". 42 წლის პერისმა დასძინა, რომ სპეციალისტებს უკვე მიმართა ამ თემაზე და დაარწმუნეს, რომ ყველაფერი კარგად არის. "დიახ, რა თქმა უნდა, ვიყავი ექიმთან და მას უბრალოდ დიდი ტვინი აქვს".

ბიზნესვუმენი აღტაცებულია თავისი შვილით. კარტერ რუმთან ქორწინების შემდეგ მან რამდენჯერმე სცადა დაორსულება, თუმცა წარუმატებლად და შემდეგ სუროგატი დედის მომსახურებით ისარგებლა. "ყოველთვის ვოცნებობდი დედობაზე და ძალიან ბედნიერი ვარ, რომ მე და კარტერმა ვიპოვეთ ერთმანეთი და ერთად ვქმნით ჩვენს ოჯახს, ვიზიარებთ სიყვარულს ჩვენი ბიჭუნასადმი".

მილიარდერების შთამომავალი ვარსკვლავის 9 თვის შვილის ფოტოს ნეგატიური გამოხმაურება მოჰყვა - ბიჭუნას გარეგნობის გამო აკრიტიკებენ