"ღამის შოუს" წამყვანი გიორგი გაბუნია სოციალურ ქსელში წერს, თუ რატომ გადაიდო ბაბი კირკიტაძის დაკითხვა და რომ ამ ფაქტს კვლავ მოჰყვა კამპანიის აგორება ბაბის წინააღმდეგ:
"გამომდინარე იქედან, რომ ჩემი მეგობარი ბაბი საკმაოდ მძიმე ემოციური წნეხის ქვეშაა, ჩავთვალე მე დავწერო ეს პოსტი!! დღეს გახდა ადამიანი ცუდად (ალბათ არ მკითხავთ რატომო? ) და ჩვენების მიცემა გადაიდო ორშაბათისთვის, რაც ზუსტად ვიცი... მაგრამ ამის გამო დაიწყო ახალი, მორიგი "სასიამოვნო" კამპანია ბაბის წინააღმდეგ, თითქოს რაღაცას გაურბის.
გუშინ ყველა ერთად მხარში ვედექით, ვამხნევებდით და დღეს ეგრევე ვცვალეთ პოზიცია საწინააღმდეგოდ!!? ანუ ცუდად გახდომა, როდესაც ამდენი დღის ნანერვიულები ხარ, არ შეიძლება? და როცა თავი არ გაქვს სადმე მიუსვლელობით ასე უნდა გავილანძღოთ? მე არ მესმის მსგავსი მიდგომა და ქცევა, ოღონდ მართლა!!! ან დედა არ გყავთ ან მამა ან ნათესავი? რა გიყვართ საერთოდ? რას ცემთ პატივს? ვერ გავიგე!!! მოკლედ ორშაბათს ეს გამოძიება დაიწყება!!! ბოლომდეც მივა!!! დამნაშავეც დაისჯება!! და ისე ნუ იზამს ნურავინ, რომ თანამონაწილე გახდეს ამ დანაშაულის! ჩემი რჩევაა".