ამაღამ, 2023 წლის 27 დეკემბერს ცივი სავსე მთვარეა - რატომაა ეს დღე განსაკუთრებული და რა არ უნდა გააკეთოთ, თუ გსურთ, პრობლემები თავიდან აირიდოთ - მშობლები

2023 წლის 27 დეკემბერს ამ წლის ბოლო სავსე მთვარეა და როგორც ასტროლოგები ამბობენ, ეს დღე განსაკუთრებული ემოციურობით გამოირჩევა. ამავდროულად, თითოეულ ადამიანს მომატებულ ინტუიცია და გაზრდილ წინათგრძნობა ექნება. ეს დღე დაგეხმარებათ, საბოლოოდ მიუხუროთ კარი ყველაფერ ძველს და ცხოვრების განახლებული, ბევრად უფრო წარმატებული ეტაპი დაიწყოთ. ვინაიდან, ეს წლის ბოლო სავსე მთვარეა, მას "ცივსაც" უწოდებენ.

2023 წლის ბოლო სავსე მთვარე კირჩხიბის ნიშანშია. კირჩხიბი კი ასტროლოგიაში ერთ-ერთი ყველაზე ემოციური ნიშანია. ამიტომაც, ნუ გაგიკვირდებათ, თუ დღის განმავლობაში მომატებულ შფოთვას იგრძნობთ, საქმეებზე კონცენტრირება გაგიჭირდებათ, ნოსტალგია შემოგიტევთ. ეს პერიოდი მალე გადაივლის და კვლავ იგრძნობთ შემართებას.

სავსე მთვარის დროს, როგორც წესი, ქვეითდება ენერგია, გართულებულია კომუნიკაცია და შესაძლოა, სრულიად უწყინარმა ფრაზებმაც კი, არასწორი ინტერპრეტაციისა და აღქმის გამო, კონფლიქტურ სიტუაციამზე მიგიყვანოთ. ამ დღეს სამყარო აღიქმება გრძნობებითა და ემოციებით და არა გონებით.

ასევე, 27 დეკემბერს, როგორც უკვე აღვნიშნეთ, გაზრდილ ინტუიციას იგრძნობთ და შეძლებთ, მოვლენები, გარკვეული საკითხები წინასწარ ზუსტად განსაზღვროთ.

სავსემთვარეობის დროს და მის შემდეგ მომდევნო დღეებში თქვენი ოჯახისა და მეგობრების ცხოვრებისეულ გამოცდილებასა და მოუსმინოთ შინაგან ხმას უნდა ენდოთ.

ჯობს, 27 დეკემბერს ახალი საქმე არ წამოიწყოთ და არც მნიშვნელოვანი გადაწყვეტილებები მიიღოთ. ფოკუსირდით არსებულ საქმეებზე. აღნიშნული დღე განსაკუთრებით ემოციურია სასწორის, თხის რქისა და ვერძის ნიშნის წარმომადგენლებისათვის, ამიტომ ასტროლოგები გირჩევენ, რომ შედარებით მეტი ყურადღება გამოიჩინოთ.

მათივე თქმით, სავსე მთვარის პერიოდში ადამიანების ქმედებები ნაკლებად ლოგიკურია და ქვეცნობიერი კარნახობს, რა უნდა გააკეთონ. გაძლიერდება თვითგადარჩენის ინსტინქტი და შესაძლოა, გარკვეული პრობლემები, შფოთვის მიზეზი თავადაც გამოიგონოთ და რეალურად პრობლემა სულ არ არსებობდეს.

კარგი დროა ოჯახური და პარტნიორული ურთიერთობების გასაუმჯობესებლად. კირჩხიბი ასტროლოგიაში ერთ-ერთ ყველაზე მეოჯახე და მოსიყვარულე ნიშნად ითვლება. შესაბამისად, რაკი სავსე მთვარე აღნიშნულ ნიშანშია, კარგ შანსს გაძლევთ, რომ არსებულ უთანხმოებაზე დაილაპარაკოთ და შეთანხმებას მიაღწიოთ.

რა არ უნდა გააკეთოთ 27 დეკემბრის სავსე მთვარის დროს?

• შეეცადეთ, აღნიშნულ დღეს დაუგეგმავი და სპონტანური შესყიდვებისაგან თავი შეიკავოთ, რადგანაც, როგორც ასტროლოგები ამბობენ, შესაძლოა, ფინანსების ხარჯვა თქვენს შინაგან ემოციებს დაუკავშირდეს და იყიდოთ ის, რაც სინამდვილეში არ გჭირდებათ.
• გარდა ამისა, არ ჩაერთოთ კონფლიქტურ სიტუაციაში. შესაძლოა, მცირე კამათიც კი დიდ დაპირისპირებაში გადაიზარდოს. მომდევნო დღეებში კი, როცა ემოციური ფონი დასტაბილურდება, შედეგი ძალიან ინანოთ.
• არ მიიღოთ სპონტანური, ნაჩქარევი გადაწყვეტილებები. დიდი შანსია, რომ ემოციურმა ფაქტორმა გავლენა მოახდინოს და მოსალოდნელი შედეგები ზუსტად ვერ განსაზღვროთ.
• არ მიიღოთ სამსახურის დატოვების გადაწყვეტილება. თუ მსგავსი გეგმა გაქვთ, ჯობს ეს შემდეგ დღეებში განახორციელოთ.
• ნუ გადაწყვეტთ იმიჯის, ვარცხნილობის რადიკალურად შეცვლას, სილამაზის პროცედურების ჩატარებას. ამ შემთხვევაშიც, შესაძლოა, შედეგითა და გადაწყვეტილებით უკმაყოფილო დარჩეთ.

რა უნდა გააკეთოთ 27 დეკემბრის სავსე მთვარის დროს?

• შეეცადეთ, დრო მშვიდად გაატაროთ და ოჯახის წევრებთან, საყვარელ ადამიანებთან ერთად იყოთ, მოუსმინოთ, სასიამოვნო საღამო დაგეგმოთ, რაიმეს ერთად უყუროთ და გაერთოთ.
• ჩამოწერეთ იდეები, გეგმები - ყველაფერი, რისი განხორციელებაც მთელი გულით გსურთ. იფიქრეთ სამომავლო მიზნებზე. ეს განსაკუთრებით დაგეხმარებათ, რომ შემდეგ ეტაპებზე წარმატებას მიაღწიოთ და გეგმას მიჰყვეთ.
• საფუძვლიანად დაალაგეთ სახლი - მოიშორეთ ყველაფერი, რაც ზედმეტი და არასაჭიროა.
• დაფიქრდით არსებულ ურთიერთობებზე და შეეცადეთ, მენტალურადაც გათავისუფლდეთ იმ ურთიერთობებისაგან, რომლებიც ბედნიერებას აღარ განიჭებთ და თქვენზე ცუდად მოქმედებს.