რამდენიმე დღეა, სოციალურ ქსელში, სხვადასხვა ჯგუფში მშობლები აქვეყნებენ ინფორმაციას, რომ თბილისში თუ რეგიონებში, ანთებული ნაძვის ხეების ქვეშ ბავშვები ძვრებიან, ვიდეოებს იღებენ და არც უფროსების შენიშვნას ითვალისწინებენ და უსაფრთხოების ზომებსაც უგულებელყოფენ.
საკითხზე თბილისის მერიას მივმართეთ, სადაც აღნიშნეს:
"თბილისის მთავარი ნაძვის ხე შემოსაზღვრულია ჯებირებით და უსაფრთხოების სამსახური აკონტროლებს..."
რაც შეეხება შპს თბილსერვის ჯგუფს, რომელიც საახალწლო განათებებისა და ილუმინაციების მოწყობაზეა პასუხისმგებელი, როგორც ცხელ ხაზზე გვითხრეს, ყველა სამუშაო უსაფრთხოების ნორმების დაცვითაა განხორციელებული, თუმცა დამატებითი ინფორმაციის მისაღებად, ოფიციალური წერილით მიმართვა გვირჩიეს.
მშობლებს მაინც ვთხოვთ, მეტი ყურადღება და სიფრთხილე გამოიჩინონ და შვილები კიდევ ერთხელ გააფრთხილონ, რომ მსგავსი "გასართობი" არ არის უსაფრთხო.