"გიზიარებთ ჩემს კუწკუწა ხინკლებს..." - ნუცა ცისკარიშვილის ცნობილი ხინკლის რეცეპტი - მშობლები

ნუცა ცისკარიშვილი დასთან ერთად პროექტ "სამზარეულოს ომებში" მონაწილეობს. პროექტში მის მიერ მოხვეულმა ხინკალმა დიდი მოწონება დაიმსახურა და ნუცა სოციალურ ქსელში აზიარებს რეცეპტს:

კულინარიულ პროექტში მონაწილეობის მიღებას, რა თქმა უნდა, მოჰყვება ვიდეო რეცეპტებიც, ჰოდა, ისევ გიზიარებთ ჩემს კუწკუწა ხინკლებს:

ხინკლის რეცეპტი

1 კილო ფქვილი + 1 კილო ფარში = 35-40 ცალი ხინკალი (გააჩნია, რა ზომის ხინკალს მოახვევთ)

ცომი:

• 1 კილო უმაღლესი ხარისხის ფქვილი
• 460 მლ. ცივი წყალი
• 1 სუფრის კოვზი მარილი

გულსართი:

• 1 კილო გატარებული საქონლის (70%) და ღორის (30%) ხორცი
• 2 საშუალო ზომის ხახვი
• 450-500 მლ. ცივი წყალი
• მარილი
• ძირა
• დაღერღილი წითელი წიწაკა

ცომის გადაზელვის შემდეგ აუცილებლად უნდა დაასვენოთ რომ უფრო მორჩილი და ელასტიური გახდეს, სასურველია მაცივარში 1-2 საათი, თუ არადა ნახევარი საათი მაინც შეასვენეთ.