როგორები არიან და რას საქმიანობენ ოდრი ჰეპბერნის, ალენ დელონის, გრეის კელის და სხვა ცნობილი ვარსკვლავების შვილიშვილები - მშობლები

ამ ცნობილმა ადამიანებმა თავიანთი შემოქმედებითა და საქმიანობით თავი მთელ მსოფლიოს დაამახსოვრეს. მათი მემკვიდრეებიდან კი ზოგიერთმა ბებია-ბაბუის გზა აირჩია, ზოგიც საზოგადოების წინაშე სრულიად განსხვავებული ფორმით წარდგა. დღეს მოგიყვებით, როგორ გამოიყურებიან და რას საქმიანობენ ოდრი ჰეპბერნის, ალენ დელონისა და სხვა ცნობილი ვარსკვლავების შვილიშვილები:

შარლოტა კაზირაგი, გრეის კელის შვილიშვილი

გრეის კელი არა მხოლოდ ჰოლივუდში, არამედ მონაკოში ერთ-ერთ ყველაზე ლამაზ და გამორჩეულ ქალად ითვლებოდა და უამრავი გულშემატკივარი ჰყავდა. მან წარმატებულ სამსახიობ კარიერაზე ოჯახის გამო უარი თქვა და მონაკოს პრინც რენიეზე დაქორწინდა. რაც შეეხება შარლოტას, ის ახლა მონაკოს სამთავროს მთავარ ლამაზმანად ითვლება. გოგონას, გამორჩეული გარეგნობის გამო, მოდელობა ბავშვობიდან უწინასწარმეტყველებდნენ. შარლოტა პოდიუმებზე არ გამოდის, თუმცა არაერთ ცნობილ ბრენდთან თანამშრომლობს და უკვე მრავალი წელია, Gucci-ს საპატიო ელჩია.

სელა მარლი, ბობ მარლის შვილიშვილი

ბობ მარლი მუსიკის ნამდვილ ლეგენდად აღიარეს და მასაც მსოფლიოს მასშტაბით უამრავი გულშემატკივარი ჰყავდა. მეტიც, ქალებში განსაკუთრებით პოპულარული იყო და სექსსიმბოლოსაც უწოდებნდნენ. ამიტომ, გასაკვირი არ არის, რომ მომღერალს 11 შვილი ჰყავდა, აქედან 6 ოფიციალური ქორწინების გარეშე დაიბადა. ჯერჯერობით მისი შვილებიდან და შვილიშვილებიდან ამხელა მასშტაბის წარმატებას ვერც ერთმა მიაღწია, თუმცა სელა მარლი საზოგადოების ყურადღებას სულ უფრო მეტად იპყრობს. გოგონა მოდელია, თანამშრომლობს ისეთ ბრენდებთან, როგორებიცაა Dior, Ivy Park და ჩანთების წარმოების ცნობილი ბრენდის AGL-ის მუზაა.

პატრიკ დისნეი მილერი, უოლტ დისნეის შვილიშვილი

ცნობილი ბაბუისგან განსხვავებით, რომელიც მრავალი ანიმაციური ფილმის პროდიუსერი და რეჟისორი, უამრავი ბავშვის გამხარებელი და Disney Company-ს დამაარსებელი იყო, მისმა შვილიშვილმა და ერთ-ერთ მემკვიდრემ, პატრიკ დისნეი მილერმა საზოგადოებას თავი კრიმინალით გააცნო. ბიჭი 2009 წელს ლოს-ანჯელესში ცეცხლსასროლი იარაღისა და საბრძოლო მასალის უკანონო შენახვისთვის დააკავეს. მაშინ საერთაშორისო მედია წერდა, რომ ბიჭის გათავისუფლებისთვის ოჯახმა 70 ათასი დოლარი გადაიხადა. ახლა პატრიკის შესახებ ბევრი არაფერია ცნობილი.

შონ ჰემინგუეი, ერნესტ ჰემინგუეის შვილიშვილი

ერნესტ ჰემინგუეი ოთხჯერ იყო დაქორწინებული. ცნობილი ამერიკელი მწერლის ერთ-ერთი შვილიშვილი, შონი, არქეოლოგი და ნიუ-იორკის მეტროპოლიტენის ხელოვნების მუზეუმის ბერძნული და რომაული ხელოვნების განყოფილების კურატორია. შონმა ცნობილი ბაბუის წიგნები არაერთხელ დაარედაქტირა. თავადაც არაერთი ნაშრომის ავტორია. ძველი საბერძნეთის ხელოვნებას კი წიგნი მიუძღვნა.

ემა ფერერი, ოდრი ჰეპბერნის შვილიშვილი

ემას ცნობილ ბებიას ხშირად ადარებენ, თუმცა გოგონას ინდივიდუალური, გამორჩეული გარეგნობა აქვს და ადამიანების ყურადღებას ხშირად იპყრობს. ის 20 წლისაა, ფლორენციის ხელოვნებათა აკადემიაში სწავლობს და პარალელურად, მოდელიცაა. ემა პოპულარულ დასავლურ ჟურნალებში არაერთხელ გამოჩნდა.

უნა ჩაპლინი, ჩარლი ჩაპლინის შვილიშვილი

უნამ სახელი ბებიის, უნა ო'ნილის, ჩაპლინის ცოლის პატივსაცემად მიიღო. კომიკოსს სულ ოთხი ცოლი ჰყავდა. გოგონა, ბაბუის მსგავსად, შემოქმედებით სფეროშია. მან რამდენიმე ფილმში ითამაშა, 2014 წელს კი კინომსახიობთა გილდიის ჯილდოზე იყო ნომინირებული. უნას ერთ-ერთი ცნობილი როლი სერიალში "სამეფო კარის თამაშები" აქვს. ის ტალისა სტარკს ასახიერებს.

ელისონ ლე ბორჟი, ალენ დელონის შვილიშვილი

ალენ დელონის შვილიშვილმა ცნობილი ბაბუისაგან მემკვიდრეობით არა მხოლოდ გამორჩეული გარეგნობა, არამედ ნიჭიც მიიღო. გოგონა სამსახიობო კარიერის აგებას ცდილობს და სხვადასხვა ფილმში მონაწილეობს. მათ შორისაა, "ცისფერი კუნძული" და "ნეონის ანგელოზი". მართალია, ჯერჯერობით ამ სფეროში ბაბუის მსგავსი აღიარება არ აქვს, თუმცა, ელისონი უკვე დიდი ხანია, წარმატებული მოდელია და პოპულარულ ჟურნალებშიც ხშირად ჩნდება.

რაილი კიო, ელვის პრესლის შვილიშვილი

რაილი კიო პოდიუმზე 14 წლის ასაკიდან დგას, კინოკარიერა კი 20 წლიდან დაიწყო. მას არაერთი წარმატებული როლი აქვს. განსაკუთრებით ცნობილი კი ფილმით "შეშლილი მაქსი:მრისხანების გზა" გახდა. გადასაღებ მოედანზე გოგონამ ბენ-სმიტ პეტერსონი გაიცნო, რომელსაც მოგვიანებით ცოლად გაჰყვა.

ტუკი ბრანდო, მარლონ ბრანდოს შვილიშვილი

მარლონ ბრანდომ არაერთი მაყურებლის გულის დაიპყრო. მისი შვილიშვილი ბაბუის გზის გაყოლას არ აპირებს, თუმცა ბიჭი წარმატებული მოდელი და VERSACE-ს მოდის სახლის სახეა.

დაკოტა ჯონსონი, ტიპი ჰედრენის შვილიშვილი

ფილმის "გრეის 50 ელფერი" გამოსვლის შემდეგ, დაკოტა ჯონსონის შესახებ მთელი მსოფლიო ალაპარაკდა. მას დღემდე წარმატებული კარიერა აქვს. მისი ბებია, ტიპი ჰედრენი კი კინოს ერთ-ერთ ყველაზე თვალსაჩინო წარმომადგენლადაა აღიარებული.

ჯეკ ჰიუსტონი, ჯონ ჰიუსტონის შვილიშვილი

ჯეკ ჰიუსტონი ჩვენი დროის ერთ-ერთი პერსპექტიული მსახიობია. მისი მონაწილეობით ყველაზე ცნობილი ფილმებია: "ღამის მატარებელი ლისაბონში" და "ამერიკული აფიორა." ჯეკი ოსკაროსანი რეჟისორის, მსახიობის და სცენარისტის, ჯონ ჰიუსტონის შვილიშვილია.