ნუგზარ მოლაშვილი უკვე მრავალი წელია, მასწავლებელია. ისტორიას ასწავლის და არაერთ საინტერესო პროექტშია ჩართული. ხანგრძლივი პედაგოგიური გამოცდილების პარალელურად, ის უამრავი სტატიისა და გამოცემის ავტორია და მრავალი ჯილდო და აღიარებაც დაიმსახურა. ნუგზარ მოლაშვილი საკუთარ გამოცდილებას გვიზიარებს და გვესაუბრება, რამდენად მნიშვნელოვანია მოსწავლეებისათვის საქართველოსა და მსოფლიოს ისტორიის სწავლება:
- ზოგადად, ისტორიის შესწავლა, ლიტერატურასა და ხელოვნებასთან ერთად, აქცევს ადამიანს "ადამიანად". ერთადერთი ადამიანია, რომელსაც გააჩნია "ხსოვნის" განცდა, "დროის" შეგრძნება...ბოლოსდაბოლოს - "სამშობლოს" ცნება.
- სწავლის პროცესი როგორც სირთულეების, ისე "სიამოვნებების" მხრივ იმდენად მრავალფეროვანია, რამდენი მოსწავლე, მასწავლებელი და გაკვეთილი არსებობს. ძირითადი სირთულეა, დაარწმუნო მოსწავლე იმის "საჭიროებაში", რასაც ასწავლი, არ უქციო პროცესი "ისწავლე-ჩამაბარედ", შეეცადო, გახადო ის ამა თუ იმ მოვლენის თანამონაწილედ... ეს ადვილი არ არის!
- მოსწავლეს არ უყვარს ერთფეროვნება..."დასწავლასა" და "შესწავლას" სხვადასხვა დანიშნულება აქვს. კარგია, თუ მასწავლებელი ახერხებს, მოსწავლეს "აღმოაჩენინოს" ის, რის თქმასაც თვითონ აპირებს.
ისტორიის "ცოდნა" ადამიანის ერთ-ერთი მოთხოვნილებაა! ყველაფერი, რაც ჩვენ ირგვლივ ხდებოდა და ხდება, ისტორიის კუთვნილებაა! თქვენ წარმოიდგინეთ, ყველა ის ჭორიც კი, ასე სწრაფად რომ ვრცელდება დღეს, ისტორიის შესწავლის საგანი გახდება.
- მას, ვისაც ისტორიის შესწავლა აინტერესებს, შეუძლია ერთნაირად საინტერესო და საყურადღებო ამბები ამოიკითხოს როგორც "საქართველოს ისტორიაში", ასევე სხვა ქვეყნების. თუმცა, უფრო ხშირად, კითხვები საქართველოს ისტორიიდან აქვთ, მათ შორის, ე.წ. "დაფარული" თემებიდან. ("მართალია, მასწ...?!")
- ზემოთქმულს გავიმეორებ: არ არსებობს ადამიანი წარსულისა და მომავლის გარეშე! ეს განცდა მხოლოდ ადამიანისთვის არის დამახასიათებელი! "შენ ადამიანი ხარ"!
- დიახ. ეროვნული გამოცდის ჩაბარება ისტორიაში, პროგრამის სიდიდის გამო, ადვილი არ არის, თუმცა, ბევრი რამ კეთდება იმისათვის, ეს სირთულეები რომ დაიძლიოს! ამჟამად, პროფესიონალთა საკმაოდ დიდი გუნდი სწორედ ამ საკითხზეც მუშაობს.
- მომავალო აბიტურიენტებო! არ შეუშინდეთ სირთულეებს! 2024 წლის ეროვნულ გამოცდებზე ყველაზე კარგი შედეგი, ყველაზე ნაკლები ბარიერგადაულახავი სწორედ ისტორიაში დაფიქსირდა!