დღეს, 17 ოქტომბერს, "საშიში სავსემთვარეობაა"... - რა უნდა გავაკეთოთ, რომ ნეგატიური გავლენა ავირიდოთ? - მშობლები

17 ოქტომბერს, საღამოს ვერძის ნიშანში საშიში სავსე მთვარე გველოდება. როგორც ასტროლოგები ამბობენ, ბევრი ადამიანისათვის ეს განსაკუთრებით ემოციური დღე იქნება. ვერძის ნიშანში სავსე მთვარე კონკურენციას, ემოციურ არასტაბილურობას, რისხვას, შურისძიების სურვილს გააღვიძებს და შესაძლოა, ამ დღემ კონფლიქტების გარეშე ვერ ჩაიაროს.

იმისათვის, რომ ნეგატიური შედეგები თავიდან აირიდოთ, შეეცადეთ დრო მშვიდად გაატაროთ, ფიზიკურად არ გადაიტვირთოთ და ალკოჰოლის მიღებისაგან თავი შეიკავოთ. ასტროლოგები ამბობენ, რომ ვერძის ნიშანში სავსე მთვარე ძალიან აგრესიული და პირდაპირია. ამიტომ, ჯობს, ამ დღეს ხალხმრავალ შეკრებებს განსაკუთრებით მოერიდოთ.

გარდა ამისა, კიდევ ერთი დეტალია საყურადღებო. როგორც ასტროლოგები ამბობენ, ვერძი ამ დღეს თქვენს ყველა მოწინააღმდეგეს ბუმერანგს გაუგზავნის და გარემოს თვალთმაქცი, მოღალატე ადამიანებისაგან გაათავისუფლებს. ყველაფერს, რაც ზედმეტია, იქნება ეს ტყუილი, ანგარება თუ სხვა, ამ დღეს ვერძის ნიშანი განსაკუთრებით შეებრძოლება და შეეცდება, ადამიანების რეალური ზრახვები გაამჟღავნოს. შედეგად, სამართლიანობა აღდგება. თუმცა, ეს პროცესი მარტივი და უმტკივნეულო არ იქნება. შესაძლოა, იმედგაცრუების შეგრძნება გქონდეთ, სამაგიეროდ, თქვენს ცხოვრებაში სიცხადე შემოვა და გეცოდინებათ, ვისთან უნდა გააგრძელოთ ურთიერთობა.

ამ დღეს არა მხოლოდ მოძველებული და არასაჭირო ურთიერთობებისაგან, არამედ ზედმეტი ნივთებისგანაც უნდა გავთავისუფლდეთ. ამიტომ, ასტროლოგები გვირჩევენ სახლი საფუძვლიანად დავალაგოთ და ზედმეტი ნივთები გავიტანოთ. გარდა ამისა, როგორც ასტროლოგები ამბობენ, მნიშვნელოვანი და რადიკალური გადაწყვეტილებების დროა. ამ დღეს ბევრი ადამიანი საბოლოო არჩევანის წინაშე დადგება, რომელსაც ვეღარ გადადებთ.

ასტროლოგების რჩევაა, რომ სავსემთვარეობა საყვარელ ადამიანებთან ერთად გაატაროთ, რათა დადებითი ემოციებით დაიმუხტოთ. როგორც აღვნიშნეთ, ჯობს ხალხმრავალ შეკრებებსა და ღონისძიებებს, შორ მანძილზე გადაადგილებას მოერიდოთ.

როგორც ასტროლოგები ამბობენ, მარტოხელა ადამიანებისათვის სავსემთვარეობას მნიშვნელოვანი სიურპრიზი აქვს. შესაძლოა, სწორედ ახლა შეხვდეთ მას, ვინც ბევრ ბედნიერ დღესა და სასიამოვნო თავგადასავალს მოგიტანთ.

მათთვის, ვინც სამსახურს ეძებს და გასაუბრებას ესწრება, სავსე მთვარე სასიხარულო ამბავს მოიტანს. ხოლო, თუ უკვე დასაქმებული ხართ, შესაძლოა, მნიშვნელოვანი შეთავაზება მიიღოთ და ამ კუთხითაც, არჩევანის წინაშე აღმოჩნდეთ.

პირად ურთიერთობებშიც და საქმიან სფეროშიც 17 ოქტომბრის სავსემთვარეობა ყველაზე იღბლიანი ვერძის, თევზების, ლომის, მშვილდოსნის, ტყუპებისა და მერწყულის ნიშნის წარმომადგენლებისათვის იქნება.

სასწორის, თხის რქის, კირჩხიბის, კუროსა და მორიელის ნიშნის წარმომადგენლებისათვის ეს დღე შედარებით ემოციური და სტრესული იქნება. ამიტომ, შეეცადეთ, მიჰყვეთ თქვენს გეგმას, შეასრულოთ რეკომენდაციები და დრო საყვარელ აქტივობებსაც დაუთმოთ.