მეცნიერები ამბობენ, რომ ყველაზე ჭკვიანი ბავშვები მაღალი IQ-ს და კარგი განათლების მქონე დედებისგან იბადებიან. არის ფაქტორები, რომლებიც დაბადებამდე, წინასწარ არის განსაზღვრული და მათი შეცვლა შეუძლებელია. მაგრამ არის ისეთებიც, რომლებზე შეიძლება გავლენის მოხდენა ბავშვის დაბადებამდეც კი.
ორსულობის პერიოდში ფიზიკური აქტივობა ხელს უწყობს წონისა და განწყობის კონტროლს და კარგ გავლენას ახდენს გულისა და ფილტვების მუშაობაზე. ის ასევე სასარგებლოა ნაყოფის გონებრივი განვითარებისთვის.
2006 წელს მეცნიერებმა ჩაატარეს ექსპერიმენტი ორსულ თაგვებზე. ცხოველები ორ ჯგუფად დაყვეს: ზოგს 24-საათიანი წვდომა ჰქონდა სარბენ ბორბალთან, ზოგი კი უბრალოდ პატარა გალიაში იჯდა. იმ თაგვების შთამომავლებში, რომლებიც ფიზიკურად აქტიურები იყვნენ, 40%-ით მეტი ნერვული უჯრედი წარმოიქმნა ჰიპოკამპში, ტვინის ნაწილში, რომელიც პასუხისმგებელია სწავლაზე.
სხვა კვლევაში, რომელიც 1996 წელს ჩატარდა, მკვლევარებმა დაადგინეს, რომ ბავშვები, რომელთა დედები ორსულობის დროს ვარჯიშობდნენ ან ძალიან აქტიურები იყვნენ, უკეთესად ასრულებდნენ ინტელექტუალურ ტესტებს.
ექიმები გვირჩევენ, რომ მომავალმა დედებმა მეტი დრო გაატარონ სუფთა ჰაერზე, დაკავდნენ ცურვით, მსუბუქი ვარჯიშით და ველოსიპედით. მთავარია ზომიერების ფარგლებში. თუ ორსულობა გართულებებით მიმდინარეობს, უნდა მიმართოთ ექიმს.
ცნობილია, რომ მომავალი დედების 70%-ს აქვს D ვიტამინის დეფიციტი. მეცნიერებმა ერთხელ ვარაუდობდნენ, რომ ეს ვიტამინი მნიშვნელოვან როლს თამაშობს ბავშვის ნერვული სისტემის და გონებრივი შესაძლებლობების განვითარებაში. მაგრამ კვლევის შედეგებმა აჩვენა, რომ ეს ასე არ არის.
თუმცა, პრენატალური D ვიტამინის დეფიციტი გავლენას ახდენს ბავშვის განვითარებაზე და ზრდის აუტიზმის რისკს.ჯერჯერობით, აუტიზმის მიზეზები ბოლომდე არ არის შესწავლილი. 2007 წელს მეცნიერებმა ვარაუდობდნენ, რომ აუტისტური სპექტრის აშლილობები ზოგჯერ ჩნდება იმის გამო, რომ ექიმები მომავალ დედებს მზის აბაზანების მიღებას უკრძალავენ.
ვიტამინი B9, უფრო ცნობილი, როგორც ფოლიუმის მჟავა, მნიშვნელოვანია მომავალი ბავშვის ნერვული სისტემის სწორი განვითარებისთვის. წყალში ხსნადია, არ ინახება ორგანიზმში და მუდმივად უნდა მიეწოდოს საკვების სახით.
B ვიტამინები სხვადასხვა ფუნქციებს ასრულებენ ორგანიზმში, ისინი მნიშვნელოვანია ნერვული სისტემის ნორმალური ფუნქციონირებისთვის. ბევრმა იცის, რომ თუ ორსული ქალის ორგანიზმს ეს ნივთიერება აკლია, განსაკუთრებით ადრეულ სტადიაზე, ბავშვს შეიძლება ნერვული მილის დეფექტი და განვითარების მძიმე დეფექტები განუვითარდეს. ეს ფოლიუმის მჟავას დეფიციტის ყველაზე საშიში, მაგრამ არა ერთადერთი შედეგია.
კვლევებმა აჩვენა, რომ ორსულობის დროს ვიტამინი B9-ის მიღება ამცირებს აუტიზმის რისკს, რაც 3 წლამდე მეტყველების მწვავე შეფერხებას იწვევს. თუ ორსულის ორგანიზმში ფოლიუმის მჟავას ნაკლებობაა, ბავშვს ემოციური დარღვევების რისკი იზრდება.
დაიმახსოვრე "მოცარტის ეფექტი"
1993 წელს ფსიქოლოგმა ფრენსის რაუშერმა ჩაატარა კვლევა, რომელშიც სუბიექტები უსმენდნენ მოცარტის მუსიკას და შემდეგ ასრულებდნენ სხვადასხვა დავალებებს. რაუშერის დასკვნებით, დიდი კომპოზიტორის ნამუშევრები ხელს უწყობს სივრცითი აზროვნების გაუმჯობესებას.
მოგვიანებით, მეცნიერებმა ჩაატარეს ექსპერიმენტი ლაბორატორიულ თაგვებზე: ორსულ თაგვებს მოცარტის მუსიკას, ფილიპ გლასის ნამუშევრებს, თეთრ ხმაურს ასმენინებდნენ ან სიჩუმეში ჰყავდათ. თაგვების შთამომავლები, რომლებიც მოცარტს "უსმენდნენ", უფრო ჭკვიანები აღმოჩნდნენ: ეს ცხოველები უფრო წარმატებულები იყვნენ ლაბირინთიდან გამოსავლის პოვნაში და ნაკლებ შეცდომებს უშვებდნენ.
თუმცა, მოცარტის ეფექტი საკმაოდ საეჭვოა. ბევრი მეცნიერი მას აკრიტიკებს და თვლის, რომ ექსპერიმენტების ყველა შედეგი შემთხვევით იქნა მიღებული. ასეა თუ ისე, 18 კვირის ნაყოფს უკვე შეუძლია მუსიკის მოსმენა, ახალშობილს კი „ახსოვს“ თუ რა მელოდიებს უსმენდა დედა ორსულობისას.