„შავი პარასკევის“ კვირეულის ფარგლებში, გამომცემლობა „პალიტრა L” განსაკუთრებულ ფასდაკლებებს გვთავაზობს სხვადასხვა ჟანრის წიგნებზე. მათ შორის, საბავშვო ლიტერატურაზეც.

ეს შენსანიშნავი დროა, შეიძინოთ ახალი წიგნები თქვენი პატარებისთვის, ან საჩუქრად.

ჩვენ შეგირჩიეთ 5 წიგნი, რომელიც შესანიშნავი საჩუქარი იქნება და აუცილებლად დაიმსახურებს პატარა მკითხველის აღფრთოვანებას:

ძველი საბერძნეთი - წიგნი მოძრავი ნახატებით

აღმოაჩინეთ ძველი საბერძნეთის წარმოუდგენელი სამყარო 3D-ში 8 საოცარი მოძრავი ილუსტრაციის მეშვეობით! თქვენ გელით დაუვიწყარი მოგზაურობა, სადაც ესტუმრებით ზევსს ოლიმპოს მთაზე, დაეხმარებით გმირებს საგმირო საქმეების შესრულებაში, ბრძოლაში გამოწვევთ მინოტავრს, მონაწილეობას მიიღებთ ოლიმპიურ თამაშებში... და გაიმარჯვებთ! ეს უნიკალური გამოცდილება თქვენს თვალწინ გაცოცხლებს ანტიკურ საბერძნეთს და საშუალებას მოგცემთ, შეიგრძნოთ გმირებისა და ღმერთების ეპიკური ეპოქა!

ჩემი თავგადასავლების დიდი წიგნი

ველურ ბუნებაში ამ ხუთი დაუვიწყარი მოგზაურობის დროს დაუჯერებელი ამბები, უამრავი მინიშნება და თავსატეხი შეგხვდებათ. მიჰყევით მინიშნებებს, იპოვეთ გზა, ამოხსენით თავსატეხები, რუკებზე მონიშნეთ თქვენი მარშრუტები და ჩამოწერეთ ყველა ის არსება, რომელსაც გზად შეხვდებით. ხუთი ინტერაქციული თავგადასავალი ილუსტრირებულ სასაჩუქრე გამოცემაში.

კოსმოსი - წიგნი მოძრავი ჩანართებით

გადაფურცლეთ წიგნი მოძრავი ჩანართებით და აღმოაჩინეთ კოსმოსის საოცრებანი დედამიწის ორბიტიდან შორეულ გალაქტიკებამდე! წიგნიდან შეიტყობთ, რა პროცესი მიმდინარეობს ვარსკვლავების წიაღში, რას წარმოადგენს პლანეტები და როგორ არის აგებული კოსმოსური ხომალდი. გაეცნობით საოცარ ფაქტებს და დაათვალიერებთ ილუსტრაციებს, რომელთა საშუალებით ჩვენს საოცარ სამყაროს უკეთ გაიცნობთ.

გასაოცარი საგანძური - ანტიკური რომი

ეს ლამაზად ილუსტრირებული წიგნი იმპერატორებისა და ცენტურიონების ძველ სამყაროში გადაგიყვანს. გაიცანი რომაელი ხალხი და აღმოაჩინე მათი დიდებული იმპერიის საგანძური. გლადიატორის ჩაფხუტითა და გველის ფორმის ოქროს სამაჯურით დაწყებული, ჩახლართული მოზაიკებით, ელვარე საომარი იარაღითა და ბავშვის სათამაშო ცხენით დამთავრებული, შთამბეჭდავი ილუსტრაციების საშუალებით ძველი რომის გასაოცარ საგანძურს გაეცნობი.თითოეულ ნივთს თავისი ისტორია აქვს. ასე რომ, შეგიძლია გაიგო, როგორი იყო გლადიატორის, ჯარისკაცის ან რომაელი ბავშვის ცხოვრება, გაეცნო იმპერატორებისა და იმპერატრიცების ცხოვრებას,შეაბიჯო მითების სამყაროში. აღმოაჩინე ანტიკური რომის ყველა საოცრება ამ დიდებულ სამახსოვრო წიგნში, რომელსაც არაერთხელ მიუბრუნდები.

ხმოვანი წიგნი - ხმაურიანი მანქანები

გრუხუნი! ჩხაკუნი! გრიალი! ზუზუნი! ეს ხმაურიანი, ფაქტებით სავსე წიგნი გასწავლით ყველაფერს მანქანების შესახებ. გეძლევათ ყველა ტიპის მანქანის გაცნობის საოცარი შესაძლებლობა, რაშიც 10 განსხვავებული ხმა და ჩანართები დაგეხმარებათ.

R