პასკის მოზელვის სწორი თანმიმდევრობა, რომელიც საფუარს ყველაზე კარგად გააქტიურებს და ცომი საუკეთესოდ ამოვა - მშობლები

იდეალური პასკისთბის ერთ-ერთი ყველაზე მნიშვნელოვანი პროცესი ცილის ამოფუებაა. არავინ არის დაზღვეული იმისგან, რომ ცომს ამოსვლა გაუჭირდეს. როგორც აღმოჩნდა, საფუვრის აქტიურობის ერთ-ერთი შემაფერხებელი ფაქტორი ბევრი შაქარია. გთავაზობთ ცომის მოზელის სწორ თანმიმდევრობას, რომელიც არც შაქარს და არც ზედმეტ ფქვილს არ მისცემს საფუვრის "მოკვლის" შესაძლებლობას.

პასკის ცომის მოზელვის სწორი თანმიმდევრობა:

1. საფუარის გააქტიურება (15 წუთი):

   • თბილ რძეში (35–38°C) გახსენით საფუარი, 1 ჩ.კ. შაქარი და 1–2 ს.კ. ფქვილი.
   • დააცადეთ, აფუშფუშდეს და გაიზარდოს მოცულობაში.

2. სითხის ბაზა: დიდ თასში ჩაყარეთ:

   • კვერცხი
   • დარჩენილი შაქრის ⅔ ნაწილი,
   • ვანილი, ცედრა თუ სხვა არომატები,
   • აურიეთ კარგად.

3. საფუარის დამატება:

   • უკვე აფუებული საფუარი შეურიეთ კვერცხიან მასას და კარგად აურიეთ.

4. ფქვილის ეტაპობრივი დამატება:

   • დაამატეთ ფქვილი ნაწილ-ნაწილ და მოზილეთ. თავიდან ცომი თხელია, მაგრამ ფქვილს რომ შეიწოვს, უფრო მკვრივი გახდება.

5. მარილი და დარჩენილი შაქარი:

   • როცა ცომი უკვე ფორმას იღებს, დაამატეთ მარილი და დარჩენილი შაქარი.

6. კარაქი/ცხიმი ბოლოს:

   • როცა ცომი ელასტიურია და აღარ ეკრობა ხელებს, ეტაპობრივად დაამატეთ დარბილებული კარაქი. კარგად უნდა შეიზილოს ცომში.

7. ზელვა:

   • ზილეთ ცომი 10–15 წუთის განმავლობაში — უნდა გახდეს რბილი, ელასტიური და ოდნავ წელვადი.

8. პირველი ამოსვლა:

   • დაფარეთ ცომს, დადგი თბილ ადგილას 1.5–2 საათით ან სანამ ორჯერ არ გაიზრდება.

9. გაბრტყელება, ჩირი და ფორმირება:

   • შემდეგ გააბრტყელეთ ცომი, დაამატეთ ჩირეული და ფორმებში გადაანაწილეთ.

10. მეორე ამოსვლა ფორმებში:

• დააყოვნეთ 30–60 წუთი თბილ ადგილას, სანამ ცომი აივსება ფორმის ¾-მდე.