ყველა პრობლემის მიზეზი: 5 მთავარი ნიშანი იმისა, რომ კარმული ვალი გაქვთ და ამიტომ არ გიმართლებთ - მშობლები

კარმის კანონის თანახმად, ჩვენი ქმედებები წარსულში ჩვენსავე აწმყოს განსაზღვრავს. წარსულში დაშვებული შეცდომები კარმულ ვალებს ქმნის, რაც გავლენას ჩვენს ბედზე ახდენს. როგორც ამბობენ, გადაუხდელი ვალი შეიძლება განვითარების დაბრკოლებად იქცეს და შინაგანი კონფლიქტებისა და განმეორებადი პრობლემების სახით გამოვლინდეს.

როგორ გავიგოთ, გვაქვს თუ არა კარმული ვალი და როგორ გავუმკლავდეთ მას?

არსებობს რამდენიმე ნიშანი, რაც მიგვანიშნებს, რომ ე.წ. კარმული ვალი გვაქვს:

ერთი და იგივე პრობლემა მეორდება

ერთი და იმავე პრობლემის მქონე პარტნიორები გხვდებათ? ყველა მცდელობის მიუხედავად, ფინანსური პრობლემებიდან ამოსვლას ვერ ახერხებთ? - შესაძლოა ამ ყველაფერს, ანუ განმეორებად პრობლემებს კარმული ვალები იწვევდეს და აწმყოში ის სწორედ ამ ფორმით ვლინდებოდეს.

როგორ აღვადგინოთ ბალანსი:

დაფიქრდით, რა სიტუაციები ან კანონზომიერებები წარმოიქმნება მუდმივად თქვენს ცხოვრებაში. შესაძლოა, ეს წარსული შეცდომების ან გარკვეული გაკვეთილების ანარეკლია, რომელთა მოგვარებაც საჭიროა. ყურადღება თვითგანვითარებაზე გაამახვილეთ და სამყაროს ახლებურად შეხედეთ. მოიშორეთ მოძველებული ჩვევები და ქცევები და შეეცადეთ, გათავისუფლდეთ იმ ყველაფრისგან, რაც ბედნიერებაში ხელს გიშლით.

ენერგიას ხარჯავთ იმ ადამიანებზე, რომლებიც ამას არ იმსახურებენ

თუ გამუდმებით უძღვნით თავს მათზე ზრუნვას, ვისაც არ სურს ან არ იმსახურებს თქვენგან ამდენ ყურადღებას, შესაძლოა, წარსულში გამოვლენილი ეგოიზმის ვალს იხდიდეთ. სამყარო ყოველთვის ბალანსს მოითხოვს. თუ წარსულ ცხოვრებაში მხოლოდ საკუთარ თავზე იყავით ორიენტირებული, ახლა მთელ თქვენს ენერგიას სხვებს უთმობთ.

როგორ აღვადგინოთ ბალანსი:

ნუ მიუძღვნით მთელ ცხოვრებას თავგანწირვას. მხარი დაუჭირდეთ იმ ადამიანებს, რომლებსაც მართლა სჭირდება თქვენი დახმარება და საკუთარ თავსაც ნუ დაივიწყებთ.

კარმულ ურთიერთობაში ხართ

კარმული ურთიერთობები, რაოდენ ამაღელვებლად და დადებითად არ უნდა იწყებოდეს, ხშირად ტოქსიკური და დამღლელია. თუმცა, პარალელურად, თითქოს, იმ ადამიანის მიმართ რაღაც დაუძლეველ მიჯაჭვულობას გრძნობთ.

როგორ აღვადგინოთ ბალანსი:

უპირველეს ყოვლისა, უნდა აღიაროთ, რომ "არასწორ" ურთიერთობაში ხართ და ყველაფერი გააკეთოთ გათავისუფლებისთვის. შესაძლოა, თავდაპირველად ეს ნაბიჯი რთული იყოს, მაგრამ აუცილებელია იმ ადამიანისაგან თავდახსნა, რომელიც ემოციურად გაზიანებთ და განვითარებაში ხელს გიშლით.

ხშირად აღმოჩნდებით სიტუაციებში, რომლებიც მნიშვნელოვან რამეზე დაფიქრებას გაიძულებთ

კარმული ვალები ხშირად სიტუაციების სახით ვლინდება. შინაგან დისკომფორტს განიცდით, მაგრამ ვერ ხვდებით რატომ. პარალელურად კი, მნიშვნელოვან გაკვეთილს იღებთ.

როგორ აღვადგინოთ ბალანსი:

დროა, შეჩერდეთ და საკუთარ თავთან გულწრფელად ისაუბროთ. დაფიქრდეთ, რა გაკვეთილი და გამოცდილება მიიღეთ. თვითანალიზი და სიტუაციების ობიექტურად შეფასება წინსვლაში დაგეხმარებათ.

ზოგჯერ ადამიანებს კარმული ვალები დაბადებიდან დაჰყვებათ და როგორც სპეციალისტები ამბობენ, ის მათი დაბადების თარიღშიც კია "ჩაშენებული".

როგორ გამოვთვალოთ, გვაქვს თუ არა დაბადებიდან კარმული ვალი?

კარმული რიცხვის გამოსათვლელად, დაბადების თარიღის ყველა ციფრი უნდა შეკრიბოთ. მაგალითად, თუ თქვენი დაბადების თარიღია: 21.12.1991, ფორმულა ასეთი იქნება: 2 + 1 + 1 + 2 + 1 + 9 + 9 + 1 = 26. შემდეგ 2 და 6 შეკრიბეთ და 8-ს მიიღებთ.

თუ ჯამი 13, 14, 16 ან 19 მიიღეთ, ეს ნიშნავს, რომ კარმული ვალი გაქვთ. ყველა სხვა შემთხვევაში ის არ არსებობს.

რას ნიშნავს კარმული ვალის რიცხვები?

რიცხვი 13: ეგოიზმი, სიზარმაცე, უაზროდ ყოფნა. უფრო პასუხისმგებლიანი ადამიანი გახდით და სხვებზე ზრუნვა ისწავლეთ.

რიცხვი 14: ძალაუფლების ბოროტად გამოყენება. ისწავლეთ პასუხისმგებლობების დელეგირება და სხვა ადამიანების მანიპულირების გარეშე დამოუკიდებლობის შენარჩუნება.

რიცხვი 16: ეგოიზმი, ამაოების შეგრძნება. განივითარეთ თანაგრძნობა, ისწავლეთ სხვების მოსმენა და მათი ემოციების გაზიარება.

რიცხვი 19: ეგოიზმი, მანიპულირება. ნუ შეგეშინდებათ დახმარების თხოვნის და ამავდროულად, სხვებისათვის მხარდაჭერის გამოცხადების.

როგორ დავფაროთ კარმული ვალები?

• ყველაზე მნიშვნელოვანია, რომ კარმული ვალის არსებობა აღიაროთ და მასზე მუშაობა დაიწყოთ.
• აპატიეთ საკუთარ თავსაც და სხვა ადამიანებსაც ყველა ის წყენა, რაც გაქვთ.
• ისწავლეთ სირთულეებზე სწორად რეაგირება, რაციონალურად, შეგნებულად მოქცევა.
• იმუშავეთ საკუთარ თავზე, განივითარეთ დადებითი თვისებები და მოერიდეთ ძველი შეცდომების გამეორებას.
• თუ გრძნობთ, რომ დამოუკიდებლად ვერ უმკლავდებით პრობლემას, სპეციალისტს დაუკავშირდით.