რატომ ირჩევს ბავშვი კონკრეტულ სათამაშოს და რა ემოციურ კავშირს ამყარებს მასთან - მშობლები

სათამაშოები ბავშვობის სამყაროს აუცილებელი ატრიბუტია. ამავდროულად, დათუნიები ან თოჯინები ბავშვს მხოლოდ გასართობად არ სჭირდება. ხშირად, პატარებს „ამოჩემებული“ სათამაშო აქვთ, რომელთან ერთადაც იძინებენ, სეირნობენ, თამაშობენ და ძალიან განიცდიან, თუ შემთხვევით დაკარგავენ.

რატომ არის საყვარელი სათამაშო ასე მნიშვნელოვანი ბავშვისთვის? როგორ შეუძლია მას დაეხმაროს მშობლებს საგანმანათლებლო პროცესში? და საერთოდაც, როგორ ირჩევს ბავშვი „იმ ერთადერთ“, კონკრეტულ დათუნიას, თოჯინას ან რბილ სათამაშოს? — პასუხი ხშირად არც ისე მარტივია, მაგრამ ამ კითხვის მიღმა იმალება ერთი ძალიან მნიშვნელოვანი ფსიქოლოგიური ფაქტი: ბავშვებისთვის ამოჩემებული სათამაშო ბევრად მეტია, ვიდრე უბრალოდ საყვარელი ნივთი.

ემოციური ბალანსი – როცა სათამაშო ხდება „უსაფრთხოების კუნძული“

ბავშვებისთვის საყვარელი სათამაშო ერთგვარი „გარდამავალი ობიექტია“. გარდამავალი ობიექტის კონცეფცია ჯერ კიდევ 1950-იან წლებში ბრიტანელმა პედიატრმა და ბავშვთა ფსიქოანალიტიკოსმა დონალდ ვინიკოტმა შემოიღო და შეისწავლა. ის ეხმარება ბავშვს იმ რთულ ეტაპზე, როცა დედასთან მუდმივი ფიზიკური ყოფნიდან დამოუკიდებლობისკენ პირველ ნაბიჯებს დგამს. ამ პროცესში, რბილი სათამაშო ხდება ის, ვინც მასთან ერთად იძინებს, მიდის ბაღში, „იზიარებს“ მის განცდებს და მუდამ ხელმისაწვდომია. ეს ემოციური კავშირი ამყარებს ბავშვის შინაგან სტაბილურობას. ბავშვი სწავლობს თანაგრძნობას, თანაცხოვრებას და საკუთარი გრძნობების გამოხატვას – ავითარებს სოციალურ-ემოციურ უნარებს, რომლებიც მომავლის ურთიერთობების საწყისს წარმოადგენს.

კრეატიული თამაში – ფანტაზიის ფრთები ერთ პატარა მეგობართან ერთად

საყვარელი სათამაშო ხშირად ხდება ფანტაზიის მთავარი გმირი. ბავშვი დგამს სცენებს, იგონებს ამბებს, ესაუბრება და იღებს პასუხებს. ეს ყველაფერი ეხმარება მას სამყაროს გააზრებაში, ასწავლის პრობლემის გადაჭრას, როლების ცვლას, ემპათიის განვითარებას. ფსიქოლოგები ერთხმად აღნიშნავენ, რომ ისეთი სათამაშო, რომელსაც ბავშვი თავად ირჩევს და არ მოხვდა მის ხელში „შემთხვევით“, მნიშვნელოვნად აუმჯობესებს პატარას კრეატიული აზროვნების ფორმირებას.

რატომ არის მნიშვნელოვანი, რომ ბავშვმა თავად აირჩიოს ან შექმნას საკუთარი სათამაშო?

საყვარელი სათამაშოსადმი სიყვარული მაშინ ღრმავდება, როცა ბავშვი თავად ირჩევს ან უკეთეს შემთხვევაში — ქმნის მას. აქ ის საკუთარ სურვილებს აძლევს ფორმას, ფერს, ხმას, არქმევს სახელსაც კი. ეს მხოლოდ თამაში აღარაა, არამედ თვითგამოხატვის პროცესი, რომელიც აძლიერებს თვითშეფასებას და ინდივიდუალურობის განცდას.

სწორედ ამ იდეაზე დაფუძნდა Build-A-Bear — ბრენდი, რომელმაც ბავშვებს მისცა შესაძლებლობა, რომ მხოლოდ სათამაშო კი არ ეყიდათ, არამედ თავად შეექმნათ ის

იდეა, რომ სათამაშოს შექმნა შეიძლება იყოს ემოციური გამოცდილება, 1997 წელს მაქსინ კლარკის ერთმა პატარა მეგობარმა გააჟღერა, როდესაც გაუცნობიერებლად წარმოთქვა ფრაზა: "თუ ვერ ვპოულობთ სათამაშოს, რატომ არ ვაკეთებთ თვითონ?"

სწორედ ბავშვის სიტყვებმა ჩაუყარა საფუძველი, ამ გენიალური იდეის განხორციელებას. დღეს, Build-A-Bear მსოფლიოს ათეულობით ქვეყანაში ერთგვარი რიტუალია. ბავშვები თავად ირჩევენ და ქმნიან რბილ მეგობარს, ურჩევენ მას ხმას, სუნს, ამატებენ გულს და სახელსაც კი არქმევენ. ეს პროცესი ხშირად პირველი კრეატიული გადაწყვეტილებაა, რომელსაც ბავშვი დამოუკიდებლად იღებს და ასეთი სათამაშო, როგორც წესი, ხდება “ის ერთადერთი“.

ასე რომ, თუ თქვენს შვილს უკვე აქვს ამოჩემებული სათამაშო, ნუ წაართმევთ მას! და თუ არ აქვს, მაშინ თქვენთვის სასიამოვნო სიახლე იქნება ის ფაქტი, რომ ეს გამოცდილება სულ მალე საქართველოშიც გახდება ხელმისაწვდომი.

მშობლებს და ბავშვებს ექნებათ შანსი შექმნან ისეთი სათამაშო, რომელიც შეიძლება მთელი ცხოვრება თბილ მოგონებად დარჩეს.

Build-A-Bear-ის მაღაზიაში შესვლისას, ბავშვები და მათი მშობლები გადიან უნიკალურ პროცესს, 6 მარტივ ნაბიჯს, თუ როგორ შექმნან უნიკალური რბილი მეგობარი:

1. ამირჩიე: მომხმარებელი ირჩევს რბილ სათამაშოს — დათუნიას, კურდღელს, ძაღლს და სხვა.
2. მომისმინე: ამატებს მელოდიას ან ხმოვან ეფექტს თავის რბილ მეგობარს. თათზე ხელის დაჭერით უსმენს ხმას.
3. შემავსე: მომხმარებელი ამატებს შიგთავსს, ხმებს, სურნელს, გულს და სხვა დეტალებს.
4. ჩამაცვი: ირჩევს ტანსაცმელს და მხიარულ დეტალებს მეტი თამაშისთვის.
5. გაიღიმე ჩემთვის: მომხმარებელი იღებს რბილ მეგობართან შეხვედრის პირველი წამის ფოტოს.
6. წამიყვანე სახლში: აღმოაჩინეთ ერთად თქვენი ახალი სამყარო.

პირველი ადგილი, სადაც შეძლებთ თავად შექმნათ რბილი სათამაშო - „XS სათამაშოების“ მაღაზიაა, რომელიც „გალერეა თბილისში“ მდებარეობს.

R