14 ივნისში ლონდონში ერთ-ერთი ყველაზე პოპულარული მოვლენის მომსწრენი გახდნენ ადგილობრივები და სტუმრები - აღლუმისა Trooping the Colour ან The King's Birthday Parade. სინამდვილეში მეფის დაბადების დღე 14 ნოემბერსაა, თუმცა მას ოფიციალურად 14 ივნისს აღნიშნავენ. აღლუმის მთავარი ვარსკვლავი კვლავ 7 წლის პრინცი ლუი იყო, რომელსაც 11 წლის ჯორჯი აძლევდა პერიოდულად მითითებებს, და ასევე - 10 წლის პრინცესა შარლოტა და ქეით მიდლტონი, რომელიც ბოლო დროს შესანიშნავად გამოიყურება.
განსაკუთრებული ყურადღება მიიპყრო ქეითისა და მისი ქალიშვილის ერთმანეთს შეხამებულმა სამოსმა და ძვირად ღირებულმა, ცნობილმა ბროშებმა.
ქეითს ტრაგიკულად გარდაცვლილი პრინცესა დიანას - მისი ქმრის საყვარელი დედის პატივსაცემად მისი რამდენიმე ცნობილი კაბის მსგავსი კაბა ეცვა.
.jpg)
ირლანდიელ გვარდიელთა პოლკის გულსაბნევი ეკეთა და ბრილიანტის საყურეები, რომელიც ერთ დროს დედოფალ ელისაბედ მეორეს ეკუთვნოდა.
პრინცესა შარლოტას კი ის ძვირფასი ბროში ამშვენებდა, რომელიც ელისაბედ დედოფლის დაკრძალვაზე ეკეთა 2022 წელს. ეს ისტორიული გულსაბნევია Diamond Horseshoe, რომელიც საკმაოდ ძვირი ღირს და 1920-იან წლებში ელისაბედის დედა ატარებდა.
აღლუმის მეორე დღეს ევროპასა და ამერიკაში მამის დღე აღნიშნეს და ქეითმა მეუღლეს ახალი გადაღებული ფოტოთი მიულოცა ეს დღე.
