თბილისის საქალაქო სასამართლოს მანდატურის მიმართ, სამსახურებრივი მოვალეობის შესრულების დროს განხორციელებული თავდასხმის ფაქტზე ბრალდებულ სამოქალაქო აქტივისტს,ნინო დათაშვილსაღკვეთის ღონისძიების სახით პატიმრობა შეეფარდა.
დღევანდელ სხდომაზე დათაშვილის მიმართ აღკვეთის ღონისძიების შეფარდებაზე იმსჯელეს. სახელმწიფო ბრალდება ყველაზე მკაცრი აღკვეთის ღონისძიების - პატიმრობის გამოყენებას, დაცვის მხარე კი 20 000-ლარიანი გირაოსა და დამატებით შემზღუდავი ღონისძიებების გამოყენებას შუამდგომლობდა.
სიტყვით ისარგებლა თავად ბრალდებულმაც, აღნიშნა, რომ მას შეეძლო დაკავებამდე ქვეყნიდან წასულიყო, თუმცა, ის ასე არ მოიქცა. ამასთან, დათაშვილი მიუთითებდა, რომ მას ჰყავს შვილი და აქვს მასზე ვალდებულებები. მისი რამდენიმე ფრაზა, რომელიც მოსამართლემ უკომენტაროდ დატოვა, დღეს ბევრჯერ გაჟღერდა სოციალურ ქსელში: „არ დამაშოროთ ჩემს აბიტურიენტ შვილს, ცხოვრების ამ ძალიან მნიშვნელოვან ეტაპზე..." "ერთი თვით მაინც რომ ვიყო თავისუფლებაზე?“
ეკა ბარბაქაძემ პროკურატურის შუამდგომლობა დააკმაყოფილა.
ცნობისთვის, ნინო დათაშვილი 9 ივნისს, თბილისის საქალაქო სასამართლოში მომხდარი ფაქტის გამო 20 ივნისს დააკავეს. მას ბრალდება საქართველოს სისხლის სამართლის კოდექსის 353-ე სეკუნდა მუხლის მე-3 ნაწილით წარედგინა, რაც საჯარო მოსამსახურეზე თავდასხმას მის მიერ სამსახურებრივი მოვალეობის შესრულების დროს გულისხმობს. აღნიშნული სასჯელის სახედ და ზომად ჯარიმას, ან 4-დან 7 წლამდე თავისუფლების აღკვეთას ითვალისწინებს.
საზოგადოებისთვის ცნობილმა ადამიანებმა, ნინოს კოლეგებმა, თანამოაზრეებმა თუ უბრალოდ გულშემატკივრებმა სოციალურ ქსელში მას მხარდაჭერა გამოუცხადეს. გთავაზობთ რამდენიმე მათგანის ღია განცხადებას:
ნინო დობორჯგინიძე: