"ბლის კურკა რომ გადაყლაპოს, საშიშია? ამბობენ, მომწამვლელ ნივთიერებას შეიცავსო" - როდის და რამდენი ბალი უნდა მისცეთ ბავშვს და როგორ უნდა მოიქცეთ კურკის გადაყლაპვისას - მშობლები

"ჩემი შვილი3 წლისა და 5 თვისაა. წლინახევრიდან ვაძლევთ ალუბალსა და ბალს, ოღონდ შუაზე გახლეჩილს, უკურკოდ. მისი ტოლები ვხედავ, რომ თავისით აცლიან კურკას. რომ მივცე და კურკა გადაყლაპოს, საშიშია? ამბობენ, რომ კურკა მომწამვლელ ნივთიერებას შეიცავს, ეს სიმართლეა?" - ან შეკითხვით სოციალური ქსელიდან მოგვმართეს. ვფიქრობთ, პასუხი ბევრი მშობლისთვის იქნება საინტერესო.

პირველ რიგში ბალი ბავშვის რაციონში 8 თვიდან უნდა შეიტანოთ. ამ ასაკისთვის პატარა უკვე იცნობს სხვადასხვა პროდუქტებს (ბოსტნეული, ხილი, ფაფები), მისი საჭმლის მომნელებელი სისტემა ადაპტირებულია დამატებით საკვებზე.

პირველ დღეს ვაძლევთ რამდენიმე წვეთ წვენს. თუ ახალ პროდუქტს კარგად მიიღებს, მეორე დღეს შევთავაზებთ ნაყოფს კანის გარეშე.

ძირითადი რეკომენდაციები ასაკის მიხედვით:

• 1 წლის- 3-4 მარცვალი, ნახევრად დაჭრილი და კურკების გარეშე
• 2 წლის შემდეგ - მთელი მარცვლები, მაგრამ წინასწარ ავუხსნათ, რომ კურკი უნდა გამოაგდოს
• 2-3 წლის- დღეში დაახლოებით 100 გრამი (15-20 ცალი)

ალერგიის შესახებ

ალერგიული რეაქციები ბალზე იშვიათია, მაგრამ შესაძლებელია. ნეგატიური რეაქციების გამოჩენისას (გამონაყარი, ქავილი, განავლის შეცვლა) უნდა შევწყვიტოთ მარცვლების მიცემა ორგანიზმის სრული აღდგენამდე.

რა უნდა გავაკეთოთ, თუ ბლის კურკას ჩაყლაპავს

ბალის კურკა საკმაოდ პატარაა, მისი ზედაპირი გლუვია და არ აქვს მკვეთრი კიდეები. ის ადვილად ხვდება კუჭში, შემდეგ ნაწლავებში და გამოდის ბუნებრივი გზით. შემთხვევით ჩაყლაპული კურკა ვერ მიაყენებს ზიანს ვერც ზრდასრულ ადამიანს, ვერც ბავშვს.

თუ, რა თქმა უნდა, ეს არ არის მთელი მუჭა ჩაყლაპული კურკა! ამ შემთხვევაში შეიძლება ნაწლავური გაუვალობა ან აპენდიციტის პრობლემები დაიწყოს, რაც ექიმთან სასწრაფოდ მიმართვის მიზეზია.

ჩაყლაპული კურკა ვერ გახდება ასევე ციანისტური მჟავით მოწამვლის მიზეზი. ნამდვილად, ბევრი მცენარის კურკა შეიცავს ნივთიერება ამიგდალინს. გარკვეულ პირობებში ამიგდალინი იშლება და ციანისტურ მჟავას გამოყოფს. მაგრამ ამ მჟავით მოწამვლისთვის საკმარისი არაა დიდი რაოდენობის კურკის ჩაყლაპვა, არამედ მათი კარგად ღეჭვა და ნაწლავში არანაკლებ ერთი კვირის განმავლობაში დაყოვნება.

ძირითადი რჩევები

• 8 თვემდე არ მივცეთ ბალი ბავშვს
• დავიწყოთ წვენით, შემდეგ კანგაცლილი რბილობით
• 1 წლამდე - 3-4 ნახევრად დაჭრილი მარცვალი კურკების გარეშე
• 2 წლის შემდეგ - მთელი მარცვლები, კურკის ამოღების ტექნიკის სწავლებით
• შემთხვევით ჩაყლაპული კურკა საშიში არ არის
• მრავალი კურკის ერთდროულად ჩაყლაპვისას - დაუყოვნებლივ ექიმთან!

რატომ არის საშიში ვაშლის კურკის გადაყლაპვა, რა ზიანი მოაქვს გამწვანებულ კარტოფილს და რატომ არის აუცილებელი ლობიოს პირველი ნახარშის გადაღვრა - ექიმები ცნობილი პროდუქტების საფრთხეებზე