6-მილიონდოლარიანი ნიშნობის ბეჭედი, დოლჩე და გაბანას და დიორის კაბები, 55-მილიონიანი ცერემონია, ცნობილი და გავლენიანი სტუმრები - ფოტორეპორტაჟი "საუკუნის ქორწილიდან" - მშობლები

სანამ პლანეტის რამდენიმე ნაწილი ომით არის მოცული და მსოფლიო ღელავს იმაზე, თუ როგორ განვითარდება მოვლენები, არანაკლები აჟიოტაჟი გამოიწვია დედამიწის უმდიდრესი ადამიანის ჯეფ ბეზოსის ქორწილმა. მას "საუკუნის ქორწილიც" უწოდეს და რამდენიმე თვეა, ანონსდება, რომ 61 წლის მილიარდერი და მისი 55 წლის რჩეული, რომლის გამოც მრავალწლიანი ოჯახი დაანგრია, ვენეციაში იქორწინებდნენ. მართლაც, ეს დღეც დადგა და სამდღიანი საქორწილო ცერემონია, რომლის ბიუჯეტი 55 მლნ დოლარია, დაიწყო.

როგორც ივარაუდებოდა, პატარძალმა რამდენიმე უძვირფასესი კაბა უკვე მოირგო - დოლჩე და გაბანას, დიორის.

საპატარძლო კაბა 900 საათი იკერებოდა ხელით. დ ის რომ მოერგო, პატარძალს სერიოზული დიეტა დაუცავს ცოტა ხნით ადრე და რამდენიმე კილოგრამი დაუკლია.

ასევე განსაკუთრებული ყურადღება მიიპყრო ბეჭდებმა, რომლებიც ლორენ სანჩეს ბეზოსს ეკეთა. ერთი, 20-კარატიანი და 2,5 მლნ დოლარის ღირებულების და მეორე, 45-კარატიანი, 6 მლნ დოლარის ღირებულების. როგორც წერენ, სულ სამდღიან ღონისძიებებზე ლორენი 20-30 მლნ დოლარის ღირებულების სამკაულებს შეიმკობს.

რაც შეეხებ სტუმრებს, თავად წყვილი ამბობს, რომ საკმაოდ ვიწრო წრე დაპატიჟეს და "ინტიმური" გარემო დაგეგმეს. სინამდვილეში კი ეს ვიწრო წრე 200 ადამიანია. აქედან, მათივე თქმით, 70 ნათესავები არიან.

სტუმრებს შორის, რომლებიც გონდოლებით გადაიყვანეს ღონისძიებაზე, იყვნენ ივანკა ტრამპია, დედოფალი რანია, ლეონარდო დიკაპრიო, კარდაშიანების მთელი ოჯახობა, სიდნი სუინი, ორლანდო ბლუმი და ა.შ.