ხელის მოძრაობით დაწყებული განვითარება – როგორ ეხმარება ბავშვებს საკანცელარიო ნივთები სწავლის უნარის გაუმჯობესებაში - მშობლები

ბავშვის განვითარების ადრეულ ეტაპზე გონებრივი და ფიზიკური განვითარება ერთმანეთთან მჭიდრო კავშირშია. ჯერ მსხვილი, შემდეგ კი წვრილი მოტორული უნარების განვითარების შედეგად ბავშვებს უვითარდებათ ინტელექტუალური უნარებიც. კვლევები აჩვენებს, რომ წერის, ხაზვის და სხვა მსგავსი აქტივობებისას ტვინის ის უბნები აქტიურდება, რომლებიც პასუხისმგებელია საუბრის, მეხსიერების და ყურადღების განვითარებაზე.

მნიშვნელოვანია, რომ პატარებს ამ პროცესში დავეხმაროთ, მცირე ასაკიდანვე მივაწოდოთ მრავალფეროვანი საკანცელარიო ნივთები და ჩავრთოთ სხვადასხვა საქმეში. შედეგად ბავშვების მოტორული უნარები დაიხვეწება, კრეატიული აზროვნება განვითარდება და სწავლისადმი ინტერესი გაუძლიერდებათ.

მეორე მხრივ, ალბათ, ხშირად გაგიგიათ, რომ მშობლები მცირეწლოვან ბავშვებს ფერად ფანქრებსა თუ მარკერებს, მაკრატელსა თუ წებოს არ აძლევენ იმის შიშით, რომ რამეს გააფუჭებენ, დასვრიან ან თუნდაც თითს გაიჭრიან. ეს კი სრულიად არასწორი მიდგომაა. რადგან თითოეული მათგანი სხვადასხვა მოტორული უნარის გაძლიერებას ახდენს, რაც უკიდურესად მნიშვნელოვანია. წვრილი მოტორიკა ანუ წვრილი კუნთების კოორდინაციის უნარი წერისა და სხვა აკადემიური აქტივობებისთვის უმნიშვნელოვანესია. იცოდით, რომ:

• ფანქრისა თუ კალმის ჭერა აძლიერებს თითების კუნთებს, ავითარებს ხელის მოტორიკას;
• ფერადი ფანქრები და მარკერები ავითარებს ფერების აღქმასა და შესაბამისობას, სივრცით აღქმას, ხატვის უნარებს, ფანტაზიას;
• მაკრატლით ჭრა ხელს უწყობს ორი ხელის, ასევე ხელ-თვალის კოორდინაციას, მოძრაობის სიზუსტეს. ის ხელს უწყობს უსაფრთხოების განცდის გაჩენას;
• სახაზავი ავითარებს სივრცეში ორიენტაციის, ზომის და სიზუსტის აღქმის უნარებს;
• რვეული და ბლოკნოტი ინფორმაციის ორგანიზების უნარს უჩენს ბავშვს;
• საკანცელარიო წებო ხელს უწყობს ხელების კოორდინაციის, სიზუსტის განვითარებას. ის ასევე ეხმარება კონსტრუქციული მიდგომების ჩამოყალიბებას, რადგან წებოს საშუალებით სხვადასხვა კომპოზიციისა და კოლაჟის გაკეთებაა შესაძლებელი;
• ფერადი ფურცლები ხელს უწყობს ვიზუალური მეხსიერების გაუმჯობესებას.

საკანცელარიო ნივთები ის პროდუქტებია, რომელთა გამოყენებასაც პატარები ადრეულ ასაკში იწყებენ. დამოუკიდებელი საქმიანობა, მაგალითად, როგორიცაა გაფერადება, გამოჭრა ან სხვა, აძლიერებს თვითშეფასება და უმაღლებს დამოუკიდებლობის განცდას. მეორე მხრივ, ბავშვები სწავლისადმი პოზიტიურ დამოკიდებულებას ავითარებენ, როდესაც დამოუკიდებლად ქმნიან რამეს.

კარგად განვითარებული წვრილი მოტორიკა და შემოქმედებითი უნარები პირდაპირ უკავშირდება სასკოლო წარმატებას. ბავშვები, რომლებიც ადრეულ ასაკში მეტ დროს უთმობენ წერის, ხაზვისა და თუნდაც მაკრატლით ჭრის აქტივობებს, ადვილად სწავლობენ ანბანსა და ციფრებს. ისინი უკეთ ახერხებენ საგნებზე ფოკუსირებას, მეტი თავდაჯერებულობით ერთვებიან საკლასო დავალებებში.

აქვე გირჩევთ, თუ რომელ ასაკში რომელი საკანცელარიო ნივთის შეთავაზებაა რეკომენდებული:

2–5 წლის ბავშვები - ფერადი ფანქრები, მარკერები, სპეციალური მრავალპირიანი მაკრატელი, წებო, ფერადი ფურცლები,

6–8 წლის ბავშვები - ფანქრები, მარკერები, სახაზავი და სამკუთხედი, მაკრატელი, სტიკერები, ბლოკნოტები და დღიურები.

მშობლებმა უნდა გააძლიერონ ბავშვების წვდომა ხარისხიან და მრავალფეროვან საკანცელარიო საშუალებებზე, რათა ხელი შეუწყონ მათ სრულფასოვან განვითარებას. ხარისხიანი პროდუქციის შეძენა შესაძლებელია „ბიბლუსის“ ქსელში მთელი საქართველოს მასშტაბით ან ონლაინ ვებგვერდზე www.biblusi.ge.

R