მსახიობ მარიამ ნადირაძეს, ასევე მსახიობ გიორგი მახარაძის მეუღლეს, არაერთხელ დაუფიქსირებია საკუთარი პოზიცია ძუძუთი კვებასთან დაკავშირებით. ის ბევრი ცნობილი დედის კვალდაკვალ უწევს პროპაგანდას ბავშვების ბუნებრივ კვებას. ცოტა ხნის წინ ამ თემას ფოტოები და ტექსტიც მიუძღვნა:
"ძუძუთი კვება ოჯახური საქმეა... განვმარტავ და გაგიზიარებთ ჩემს გამოცდილებას... ამას დრო, პრაქტიკა და მოთმინება სჭირდება. მახსოვს, სამშობიაროში მე იმდენად გაბრუებული ვიყავი, რომ არც მესმოდა წესიერად, რას მეუბნებოდნენ, გიორგი იმახსოვრებდა, როგორ ჩაგვედო ნიკასთვის ძუძუ და პირველი თვეები ყოველთვის მეხმარებოდა, რადგან ვიყავი ძალიან დაძაბული და მოუქნელი, დაბნეული. ალბათ გიორგიც იყო დაბნეული, მაგრამ ძალიან დიდი მხარდაჭერა იყო, ფაქტიურად ერთად ვკვებავდით ნიკას.
ძალიან დამეხმარა ლიკა, წინასწარ ვყავდი მომზადებული ამ ყველაფრისთვის და არ შემიძლია ასევე არ აღვნიშნო გაგუას კლინიკა, სადაც ძალიან დიდი მონდომებით გიხსნიან, როგორი მნიშვნელოვანია ძუძუთი კვება. კარგია, ბავშვის დაბადებამდე გაერკვეთ ძუძუთი კვების საფუძველში. ჩემი გამოცდილებიდან გამომდინარე, ეს დაგეხმარებათ ძალიან შემდეგი ეტაპებისთვის. ფოტოებისთვის მადლობა ნინის...
p.s. გიორგის ტატუს ვახატავ და არ გვაცდის".
სულ ახლახან კი კიდევ ერთი ფოტო გამოაქვეყნა წარწერით: "მაქვს უფლება, ჩემი შვილი ვკვებო სადაც მოუნდება, როცა მოუნდება და როგორც მოუნდება".