წერილი მეუღლეს: "მაპატიე, ჩემი სამზარეულო ასეთი მოუწესრიგებელი ხშირად იქნება, იმიტომ, რომ 3 შვილის დედა ვარ..."
წერილი მეუღლეს: "მაპატიე, ჩემი სამზარეულო ასეთი მოუწესრიგებელი ხშირად იქნება, იმიტომ, რომ 3 შვილის დედა ვარ..."
მრავალშვილიანმა დედამ თავისი ყოველღიური ცხოვრება გაგვიზიარა. შესაძლოა ამ ჩანახატში საკუთარი თავიც აღმოაჩინოთ.

ახლახანს ჯორდან ჰარელმა - მწერალმა და 3 შვილის დედამ, მეუღლისადმი მიწერილი ბარათი ფეისბუქზე გამოაქვეყნა, სადაც გარკვევით ახსნა, თუ რატომ ვერ ასწრებდა სახლში საქმის გაკეთებას. თავი და თავი ყოველივე ამისა სამზარეულოში გამეფებული უწესრიგობა აღმოჩნდა, რაც საღამოს - სამსახურიდან დაბრუნებულმა მეუღლემ ნახა.

"დილიდან სამზარეულოს დალაგება გადავწყვიტე და პირველ რიგში იქიდან სავარცხელი და თმის რეზინები სააბაზანო ოთახში გავიტანე". - წერს ჯორდანი.

სააბაზანოს კუთხეში ჭუჭყიანი პირსახოცების გროვა დახვდა და ჯორდანიც სარეცხის რეცხვაზე
გადაერთო. სარეცხი მანქანის ჩართვისთანავე ჯორდანმა სამზარეულოსკენ გამოსწია და გზად მშიერი და გაანჩხლებული "ბავშვი ნომერი -ბ" გადაეღობა.

ბავშვისთვის ყველიანი ჩხირების მიცემის შემდეგ ჯორდანმა დალაგების გაგრძელება გადაწყვიტა და უცებ გაახსენდა, რომ გოგონას მასწავლებლისთვის სასწრაფოდ ჰქონდა გასაგზავნი ელ. შეტყობინება.
mshoblebi
"ჩავრთე თუ არა კომპიუტერი, ყვირილით მომვარდა "ბავშვი ნომერი-"გ", რომელსაც თავსაბურავზე აწყვეტილი ელვა არასწორად დაემაგრებინა და მის გასწორებას მთხოვდა. მე ის გავასწორე, მაგრამ არც ისე კარგად, რამაც ბიჭის იატაკზე გართხმა და ისტერიული კივილი გამოიწვია.

ჯორდანმა ის დაამშვიდა და კვლავ კომპიუტერს მიუბრუნდა. 15 წუთში ჯორდანი ისევ სამზარეულოს დასალაგებლად მოემზადა და "ბავშვი ნომერი
-"ა"-ს სკოლიდან გამოყვანის დროც მოვიდა.

"ჰო, ჩემო მეგობარო, - წერს ჯორდანი. - სამზარეულო ჯერ კიდევ ვერ დავალაგე. მე ვერასდროს ვერაფერს ვალაგებ. ჩემი ცხოვრება მოუწესრიგებელი და ბოლომდე მიუყვანელი საქმეების მონაცვლეობაა და ამას გწერ იმიტომ, რომ არასოდეს არ მკითხო უწესრიგობის შესახებ".

დედებმა, რომლებმაც ეს წერილი წაიკითხეს, მრავალი საერთო აღმოაჩინეს სტატიის ავტორთან.

რაიმე მსგავსება თქვენც ხომ არ აღმოაჩინეთ ?
3409
ბეჭდვა
მოგვწერეთ თქვენი შეკითხვები და მოსაზრებები
კომენტარები (2)
ნიტა
0
ძილიც საჭიროა ორგანიზმისთვის. ძილის ნაკლებობამ შესაძლოა ლოგინადაც ჩააგდოს და ამიტომ ჯობია, სამზარეულო იყოს ნაკლებად დალაგებული და ბავშვებს ჰყავდეთ ცოცხალი და ჯანმრთელი დედა!
09:22 / 12-06-2018
ინგა
2
კარგი, რა ამას არ გაუგია დილით ადრე ადგომა ოჯახის წევრებზე 2 ან 2, 5 საათით და სწრაფი ხელი. თუ რა თქმა უნდა ჯანმრთელია. მაგრამ, თუ ქალის მხრებზეა ოჯახის მატერიალური უზრუნველყოფა ძნელია.
08:59 / 06-06-2018
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?