დედის სამუშაო დღე იწყება 6:23 წთ, ხოლო მთავრდება მინიმუმ - 20:13-ზე
"იყო დედა - ნიშნავს სრულ განაკვეთზე მუშაობას" - ალბათ ხშირად გაგიგონიათ ეს ფრაზა. ეს სრული სიმართლეა. კვლევებმა, რომელიც ამერიკელმა სპეციალისტებმა ჩაატარეს, აჩვენა: რომ საშუალოდ დედა ბავშვების მოვლაში კვირაში 93 საათს ხარჯავს - 2,5-ჯერ მეტს, ვიდრე ისინი, ვინც ყოველდღე 8 საათს მუშაობენ.
კვლევის ავტორებმა გააანალიზეს 5-დან 12 წლამდე ბავშვების 2000 დედის გრაფიკი და აღმოაჩინეს, რომ დედის სამუშაო დღე იწყება 6:23 წთ, ხოლო მთავრდება მინიმუმ - 20:13-ზე. ამასთან, თითოეულს თავისუფალი დრო რჩება საშუალოდ 1 საათი და 7 წთ (დედების უმეტესობა უპირატესობას ანიჭებს, ეს დრო მარტოობაში გაატაროს (მიიღოს აბაზანა ან გაერთოს სოციალურ ქსელში).
"გამოკვლევის შედეგებმა კიდევ ერთხელ თვალნათლივ აჩვენა ის ძლიერი წნეხი, რომელსაც დედები ყოველდღე განიცდიან, ასევე პრობლემები, რომელსაც ისინი წყვეტენ", - ამბობს კეისი ლუისი, იმ კომპანიის წარმომადგენელი, რომელმაც შეუკვეთა ეს გამოკითხვა.
და ამას თუ დავუმატებთ იმას, რომ დედები, რომლებიც სამსახურშიც დადიან და იქ ასრულებენ სამუშაოს, მერე კი შინ აქვთ ყველაფერი ის მოსასწრები და გასაკეთებელი, რასაც მშობლობა "მოითხოვს", დასაქმებულ დედებს ხანდახან კიდევ უფრო დაუჯერებელი გრაფიკი გამოსდით... და კიდევ ამ ყველაფერს თუ ემოციურ ფონს, სტრესებს და დაძაბულობას დავურთავთ, რაც ახლავს დედობას? რაღა შეგვიძლია დავამატოთ - გაძლება, ჯანმრთელობა და ამტანობა ყველა დედას!