"მომაცილეთ აი ბაღნები აქედან! ბაღნებს მარტო გაჩენა უნდა?" - ოჯახი, სადაც წყევლა-კრულვა სასაუბრო ენაა
"მომაცილეთ აი ბაღნები აქედან! ბაღნებს მარტო გაჩენა უნდა?" - ოჯახი, სადაც წყევლა-კრულვა სასაუბრო ენაა
ოჯახი ათასნაირი არსებობს თავისი წესებითა და ჩვეულბებით. ისეთებიც კი, როგორზეც იტალიაში მცხოვრები ქართველი მთარგმნელი, მაია ტურაბელიძე წერს, აუცილებლად გეცნობათ. მოგისმენიათ, ალბათ, როგორ წყევლის ხოლმე დედა მოუსვენარ შვილებს. გთავაზობთ მაია ტურაბელიძის პოსტს ამჯერად ქუთაისიდან:

"ჩემს მეზობლად წვრილშვილიანი ოჯახი ცხოვრობს, რომელშიც 18-მდე შვილიშვილი იზრდება. ყველა ბავშვს ბიბლიური სახელი ჰქვია, ალბათ, დიდი რწმენის დამადასტურებლად: იაკობი, იოანე, ლაზარე, მათე, მარიამი, გიორგი, ნიკოლოზი... იესო არ არის მხოლოდ; ეტყობა, ვერ გაბედეს ამ სახელის დარქმევა.
რწმენა რწმენაა, მაგრამ ესენი ასე გამოხატავენ მას, თავისებურად: - ლაზარე, გამოდი აქეთ,
შენი კუბო დავდგი! იოანე, რა გაბღავლებს, შენ ჩაგიცივდა ენა! მარიამ, უზრდელო, მოუკვდი შენს გამჩენს! მათე, ამოგიწყდა ჯიში, შე ამოსაგდებო! ლაზარე, რატომ დაებადე დედაშენს, დეიწვა შენი დაბადების საათი!..
ეს სიტყვები ისმის დილის რვა საათიდან ღამის თორმეტ საათამდე. გამოდის ქვრივი, შავებში ჩაცმული მსუქანი ბებია და ყვირის: - მომაცილეთ აი ბაღნები აქედან! ბაღნებს მარტო გაჩენა უნდა?
ძროხა ჰყავთ კიდევ ერთი, ოჯახის მარჩენალი: - გამოადგი ფეხი, შენ გამოადგი უკანასკნელად! შეეთრიე დროზე, მოუკვდი შენს პატრონს!..
სწამთ ღმერთი, თანაც ძალიან... მთავარია, ბიბლიური სახელები ჰქვიათ და დანარჩენი...
ჰო, სიძე შემოუვიდათ ოჯახში, სახელად ჯემალიკო, 19 წლის..." - წერს ტურაბელიძე. სხვათა შორის,
უწმინდესსა და უნეტარესს ილია მეორეს ქადაგებებში არაერთხელ უსაუბრია მშობლის წყევლაზე, რასაც ძალიან დიდი ძალა აქვს... წაიკითხეთ, რას ამბობს ილია მეორე მშობლის წყევლაზე. 

altილია მეორე: "გვახსოვდეს, რომ მშობლის მიერ შვილის დაწყევლა ძალიან საშიშია და ხშირ შემთხვევაში ეს წყევლა სრულდება"


4063
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
ნია
0
მერე პრეტენზია გვაქვს სრულფასოვან საზოგადოებაზე.ეს ბავშვები და ბევრი სხვა ბავშვი რომელიც ანალოგიურ სიტუაციაში იზრდება ვერასდროს იქნებიან სრულფასოვანი ადამიანები.ვერასდროს განვითარდებიან, რადგან ის ბავშვები თავის მხრივ იძალადებენ, თავის შვილებზე და არამარტო შვილებზე ,ის შვილები კიდევ თავის შვილებზე და ასეთმა არასრულფასოვანმა ადამიანებმა როგორ უნდა განავითარონ ქვეყანა.
14:31 / 10-08-2018
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?