17 წლის იყო, როცა პირველი შვილი ეყოლა, დღეს 12 შვილი ჰყავს - "ამდენი შვილი თუ მეყოლებოდა, ვერასოდეს წარმოვიდგენდი"
17 წლის იყო, როცა პირველი შვილი ეყოლა, დღეს 12 შვილი ჰყავს - "ამდენი შვილი თუ მეყოლებოდა, ვერასოდეს წარმოვიდგენდი"
დედები ხშირად ვუზიარებთ ერთმანეთს გამოცდილებას, რჩევებს. ვფიქრობ, განსაკუთრებით საინტერესოა მრავალშვილიანი და გამოცდილი დედების რჩევა. ჩვენი დღევანდელი სტუმარი 12 შვილის დედა, თამილა კირთაძეა. 17 წლის იყო, როცა პირველი შვილი ეყოლა, თუმცა მაშინ ვერც წარმოიდგენდა, რომ 12 შვილის დედა გახდებოდა.

- 40 წლის ვარ. ვცხოვრობ ქალაქ ფოთში. 24 წელია მე და ჩემი მეუღლე დავქორწინდით. მაშინ 16 წლის ვიყავი. პირველი შვილი 17 წლის ასაკში მეყოლა. პატარა პირველად რომ ავიყვანე ხელში, ენით აღუწერელი ემოცია

ვიგრძენი. დედობა ალბათ ყველაზე საოცარი გრძნობა და დიდი პასუხისმგებლობაა.


- გათხოვებამდე ბევრ შვილზე გიფიქრიათ?

- ოთხი შვილი მინდოდა, ხშირად მიფიქრია ამაზე, მაგრამ ამდენი შვილი თუ მეყოლებოდა, ვერასოდეს წარმოვიდგენდი.


- თქვენს შვილებზე მოგვიყევით...

- უფროსი შვილი 23 წლისაა. მას უკვე თავისი ოჯახი აქვს. ჰყავს ერთი შვილი, წლის და ცხრა თვის ბიჭი. ჩემი ოთხი შვილი სკოლაში დადის. ბაღში არც ერთი არ გამიშვია, მირჩევნია ჩემთან იყვნენ. უფროსი ბიჭები სპორტით არიან დაკავებულები, პატარებიც მათ ბაძავენ. ვცდილობ ყოველთვის იყვნენ ჩართული აქტიურ ცხოვრებაში.


- თქვენი მეუღლე იღებდა მათ აღზრდაში მონაწილეობას?

- მეუღლე იშვიათად მეხმარებოდა, რადგან სულ მუშაობდა, ღამის ცვლაშიც კი. მოგეხსენებათ რთულია ამხელა ოჯახის შენახვა, ბავშვებს ძალიან ბევრი რამე სჭირდებათ. ამიტომ ბავშვებს

მარტო ვზრდიდი.

mshoblebi

- უფროსი შვილები თუ გეხმარებიან პატარების აღზრდაში?

- კი, უფროსები ძალიან მეხმარებიან პატარების გაზრდაშიც და სახლის საქმეშიც. მათი იმედი მაქ ყველაფერში, თორემ ამდენს მარტო ვერ შევძლებდი.


- როგორ ახერხებთ დროის განაწილებას? როდისმე ყურადღების დეფიციტი ქონიათ უფროსებს, თუ უეჭვიანიათ ერთმანეთზე?

- ვცდილობდი ყურადღება და სითბო თითოეულზე ერთნაირად გადამენაწილებინა. ეს ადვილი არის, თუმცა მეტნაკლებად გამომდიოდა. რა თქმა უნდა, ეჭვიანობის მომენტები იყო, მაგრამ მნიშვნელოვანი არაფერი. ზოგჯერ კინკლაობენ კიდეც, როგორც ყველა დედმამიშვილი, მაგრამ თორმეტივეს ძალიან უყვართ ერთმანეთი.


- რა შეგრძნებაა, როცა მრავალშვილიანი დედა ხართ?

- არ მინდა ბანალური ვიყო... დიდი პასუხისმგებლობაა, მაგრამ ამავე დროს დიდი ბედნიერებაც. დედისთვის იმაზე დიდი სიხარული არფერია, როცა ამდენი შვილი გყავს და ყველა ბედნიერები და ჯანმრთელია.


- საკუთარი თავისთვის თუ ახერხებთ დროის გამონახვას? რა დროს ისვენებთ?

- ეს მარტივი საქმე არ არის, თუმცა ვცდილობ ჩემი თავისთვისაც გამოვნახო მცირედი დრო. მაგრამ ჩემთვის უპირველესი მაინც შვილები და ოჯახია.


- დღეს, ყველაზე ხშირად რა პრობლემები აწუხებთ მრავალშვილიან ოჯახებს?

- სხვების სახელით გამიჭირდება საუბარი. ალბათ ჩემი გადმოსახედიდან პირველ რიგში უმუშევრობაა დიდი პრობლემა. დაბალი ანაზღაურებით ამდენი შვილი გაზარდო, ამხელა ოჯახი შეინახო, დამეთანხმებით, ადვილი არ არის.

mshoblebi

- როცა საქმე შვილების კეთილდღეობას ეხება, თქვენთვის დაუძლეველი პრობლემა არსებობს?

- მარტო ჩემთვის კი არა, ალბათ ამ დროს არც ერთი დედისთვის არ არსებობს დაუძლეველი პრობლემა. შვილები ღვთის საჩუქარია. ჩვენ კი ვალდებული ვართ, მათ გავუფრთხილდეთ და დავიცვათ.

მერი ბლიაძე

 

alt"მინდა დავამსხვრიო სტერეოტიპი, რომ მრავალშვილიანი დედა მოუვლელი უნდა იყოს... 9 შვილი მყავს, 9 ბედნიერება..."


 


12448
ბეჭდვა
მოგვწერეთ თქვენი შეკითხვები და მოსაზრებები
კომენტარები (12)
ნათია
0
ღმერთმა გაგიზარდოთ და გიდღეგრძეკოთ შვილები. ჩვეულებრივი უფრო გაჭირვებული ოჯახი მქონდა, იმის გამო რომ ძალიან პატარა ერთოთახიან ბინაში ვცხოვრობდი, სხვა არაფერი არ მაკლდა, საჭმელი სულ გვქონდა სურილის მიხედვით და არც ჩაუცმელობას ვუჩიოდითმ ნ~მაგრამ ორი ბავშვი მყავდა და ძალიან განვიცდიდი. ძალიან მინდოდა მესამე შვილი და მეუღლემ არ გამიშვა გამეჩინა, სამს როგორ მოუვლიო. დღემდე არ ვპატიობ ამას თავს, ისე ორ შვილს ძალიან ბევრი შრომა ვუძღვენი. თავის დროზე ჭამა, თავის დროზე გასეირნება, ტავის დროზე თეატრში წაყვანა, თავის დროზე ინგლისური, ბიჭი მსროლელი იყო და სპორტის გარდა ვაიძულებდი წიგნი ეკითხა, რადგან ძალიან მეჯავრებოდნენ და არც ახლა ვეტრფი უწიგნურ ადამიანებს. არავინ არ გვყავდა მომხმარე, არაფერს არ მინდოდა დაკლებოდნენჩემი შვილები, დ~გოგოძალიან ნიჭიერი იყო და მიმყავდა და მომყავდა საითაც დაუძახებდნენ, უღმერთოდ ვიღლებოდი. მეუღლესულ იმის ცდაშიიყო ბავშვებს არაფერი მოკლებოდათ, ყოველ ზაფხულში ჯერ მთაში, მერე ზღვაზე. მამამთილს ცაში ავყავდი ისე უხაროდა რომ ბავშვებს ასე ყველა საშუალებასთან მიუწვდებოდათ ხელი.ვერ წარმომედგინა რამე სურვილი არ ასრულებოდათ. ახლა მაინც თქვენი მშურს კეთილი შურით, შეიძლება ვტყუივარ,შეიძლება არა, მაგრამ ძალიან მინდა კიდევ მყავდეს თუნდაც ორი შვილი. მართალია ისინი ბევრ რამეს გადაიტანდნენ, მაგრამ სულ ეყოლებოდათ გვერდით საყვარელი ადამიანი. მერე ორივე ვნანობდით, მეც და ჩემი მეუღლეც, მაგრამ მერე, ყველაფერი გვიანი იყო. არ ვიცი ვის ეს როგორ მიაქვს გულთან, მაგრამ ბევრი შვილები ბევრ გულისტკივვილს გადაიტანენ, საბოოლოოდ კი მაინც ბედნიერები იქნებიან,.
17:25 / 17-12-2019
nene
0
ყველას თავისი არჩევანი აქვს. ზოგს 1 შვილიც ღლის, ზოგი კი 12-ს მოვლით ბედნიერია. რამდენიც გინდა და რამდენის მოვლა-რჩენის თავიც გაქვს, მგონია, რომ იმდენი უნდა გააჩინო. სხვისი დახმარების იმედად შვილების გაჩენა დიდი უსინდისობა მგონია. ჩენი გადასახედიდან, 3-4 შვილი სრულიად საკმარისია. ქალი ძალიან ცოდვაა. ბევრი ორსულობა და მშობიარობა ფიტავს, რომ აღარაფერი ვთქვათ შემდგომ ტვირთზე. ამ ქალბატონს ჯანმრთელობასა და დღეგრძელობას ვუსურვებ!
13:01 / 16-10-2019
მსგავსი სიახლეები
გამოკითხვა
რომელია თქვენი ბავშვის საყვარელი მულტფილმი?
ყველაზე კითხვადი