დედები ხშირად ვუზიარებთ ერთმანეთს გამოცდილებას, რჩევებს. ვფიქრობ, განსაკუთრებით საინტერესოა მრავალშვილიანი და გამოცდილი დედების რჩევა. ჩვენი დღევანდელი სტუმარი 12 შვილის დედა, თამილა კირთაძეა. 17 წლის იყო, როცა პირველი შვილი ეყოლა, თუმცა მაშინ ვერც წარმოიდგენდა, რომ 12 შვილის დედა გახდებოდა.
- 40 წლის ვარ. ვცხოვრობ ქალაქ ფოთში. 24 წელია მე და ჩემი მეუღლე დავქორწინდით. მაშინ 16 წლის ვიყავი. პირველი შვილი 17 წლის ასაკში მეყოლა. პატარა პირველად რომ ავიყვანე ხელში, ენით აღუწერელი ემოცია ვიგრძენი. დედობა ალბათ ყველაზე საოცარი გრძნობა და დიდი პასუხისმგებლობაა.
- ოთხი შვილი მინდოდა, ხშირად მიფიქრია ამაზე, მაგრამ ამდენი შვილი თუ მეყოლებოდა, ვერასოდეს წარმოვიდგენდი.
- უფროსი შვილი 23 წლისაა. მას უკვე თავისი ოჯახი აქვს. ჰყავს ერთი შვილი, წლის და ცხრა თვის ბიჭი. ჩემი ოთხი შვილი სკოლაში დადის. ბაღში არც ერთი არ გამიშვია, მირჩევნია ჩემთან იყვნენ. უფროსი ბიჭები სპორტით არიან დაკავებულები, პატარებიც მათ ბაძავენ. ვცდილობ ყოველთვის იყვნენ ჩართული აქტიურ ცხოვრებაში.
- მეუღლე იშვიათად მეხმარებოდა, რადგან სულ მუშაობდა, ღამის ცვლაშიც კი. მოგეხსენებათ რთულია ამხელა ოჯახის შენახვა, ბავშვებს ძალიან ბევრი რამე სჭირდებათ. ამიტომ ბავშვებს მარტო ვზრდიდი.
- კი, უფროსები ძალიან მეხმარებიან პატარების გაზრდაშიც და სახლის საქმეშიც. მათი იმედი მაქ ყველაფერში, თორემ ამდენს მარტო ვერ შევძლებდი.
- ვცდილობდი ყურადღება და სითბო თითოეულზე ერთნაირად გადამენაწილებინა. ეს ადვილი არის, თუმცა მეტნაკლებად გამომდიოდა. რა თქმა უნდა, ეჭვიანობის მომენტები იყო, მაგრამ მნიშვნელოვანი არაფერი. ზოგჯერ კინკლაობენ კიდეც, როგორც ყველა დედმამიშვილი, მაგრამ თორმეტივეს ძალიან უყვართ ერთმანეთი.
- არ მინდა ბანალური ვიყო... დიდი პასუხისმგებლობაა, მაგრამ ამავე დროს დიდი ბედნიერებაც. დედისთვის იმაზე დიდი სიხარული არფერია, როცა ამდენი შვილი გყავს და ყველა ბედნიერები და ჯანმრთელია.
- ეს მარტივი საქმე არ არის, თუმცა ვცდილობ ჩემი თავისთვისაც გამოვნახო მცირედი დრო. მაგრამ ჩემთვის უპირველესი მაინც შვილები და ოჯახია.
- სხვების სახელით გამიჭირდება საუბარი. ალბათ ჩემი გადმოსახედიდან პირველ რიგში უმუშევრობაა დიდი პრობლემა. დაბალი ანაზღაურებით ამდენი შვილი გაზარდო, ამხელა ოჯახი შეინახო, დამეთანხმებით, ადვილი არ არის.
- მარტო ჩემთვის კი არა, ალბათ ამ დროს არც ერთი დედისთვის არ არსებობს დაუძლეველი პრობლემა. შვილები ღვთის საჩუქარია. ჩვენ კი ვალდებული ვართ, მათ გავუფრთხილდეთ და დავიცვათ.
მერი ბლიაძე