"ჩემი შვილის დაბადება საკუთარი ხელით გადავიღე" - ქართველმა ჟურნალისტმა საკეისრო კვეთისას შვილის სიცოცხლის პირველი წუთები თავად აღბეჭდა
"ჩემი შვილის დაბადება საკუთარი ხელით გადავიღე" - ქართველმა ჟურნალისტმა საკეისრო კვეთისას შვილის სიცოცხლის პირველი წუთები თავად აღბეჭდა
ჟურნალისტმა მერი ბლიაძემ საკეისრო კვეთის დროს თავისი ქალიშვილის სიცოცხლის პირველი წუთები საკუთარი ხელით გადაიღო. ამის შესახებ ჟურნალისტი  სოციალურ ქსელში წერს და პატარა ლილეს ფოტოებსაც ურთავს. როგორც თავად ამბობს, უფროსი შვილები ნარკოზის ზემოქმედების ქვეშ გააჩინა და შესაბამისად, მათი სიცოცხლის პირველი წუთები "გამოეპარა". მესამე საკეისრო კი ადგილობრივი გაუტკივარებით ჩაუტარდა და თავისი თვალით უყურა პატარის დაბადებას. ამ შთამბეჭდავ წუთებსა და ემოციებზე მერი თავად წერს:
"არ მინდა, ბანალური ვიყო, მაგრამ ისე ვარ აფორიაქებული, არც ორიგინალურობა
გამომივა. თუმცა, სიმართლე გითხრათ, ეს ნაკლებად მადარდებს. უფალმა მესამედ მომცა შანსი განმეცადა ის ბედნიერება, რასაც შვილის დაბადებით განიცდის დედა. ვფიქრობ, დედობა ქალისთვის ყველაზე დიდი ღირსება, საამაყო სტატუსი და ამავე დროს, დიდი პასუხისმგებლობაა...
mshoblebi
შეიძლება ითქვას, შვილებთან ერთად გავიზარდე. უფროსი შვილი 18 წლის ასაკში გავაჩინე, მეორე - 21 წლისამ. ახლა უკვე 30–ს გადაბიჯებული ვარ. სამწუხაროდ, სამივე შვილი საკეისრო კვეთით გავაჩინე. გიორგის და ლიზის დაბადების შემდეგ ბევრს ვფიქრობდი, რა მოხდებოდა, მეც მქონოდა ბედნიერება საკუთარი თვალით დამენახა ჩემი შვილების პირველი შეხვედრა სამყაროსთან, პირველი ამოსუნთქვა, გამეგო მათი პირველი ტირილი. ის კი არა, ნარკოზიდან გამოსულმა, გაბრუებულმა ძლივს გავიაზრე, რომ დედა გავხდი. საბედნიეროდ, მესამე შვილზე ეს დანაკლისი შევივსე. თითქოს პირველად გავხდი
დედა. ჩემი შვილის დაბადება საკუთარი თვალით ვნახე და საკუთარი ხელით გადავიღე. განსაკუთრებით ველოდებოდი ამ მომენტს, ამიტომ მინდოდა, მთელი ეს ბედნიერი წუთები ჩემი ხელით გადამეღო. მე ეს შევძელი, თუმცა კიდევ არ მჯერა. გული ყელში მებჯინებოდა, ტელეფონი კინაღამ ხელიდან გამივარდა, როცა პატარას ხმა გავიგონე, ჩემს წინ ჩამოფარებული ფარდიდან თავი ამოყო და თავისი დიდრონი თვალები შემომაფეთა.
mshoblebi
მადლობა კლინიკა „ბაიების“ დამფუძნებელს ქალბატონ ნია ონიაშვილს, რომ მომცა ამის საშუალება. მისი ძალისხმვით ჩემი გოგონა ჯანმრთელი მოევლინა ამ ქვეყანას. ასევე უღრმესი მადლობა ჩემი კონსულტაციის ექიმს ნინო ლაცაბიძეს, რომელიც ცხრა თვე ზრუნავდა ჩვენს ჯანმრთელობაზე და სწორად განვითარებაზე. დღეიდან ახალი და ძალიან საინტერესო ეტაპი იწყება ჩვენი ოჯახი ცხოვრებაში" - წერს ჟურნალისტი.
მერი სწორედ ჩვენი საიტის, Mshoblebi.ge-სა და ჟურნალ "შინის" ჟურნალისტია. მთელი რედაქცია ვულოცავთ მას პატარა ლილეს დაბადებას და ბედნიერ დედობას ვუსურვებთ.
mshoblebi
mshoblebi
mshoblebi
mshoblebi
5254
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
111111
2
გილოცავთ!!!!! ნეტა არ გაგიჟდებოდეთ!!!!
18:22 / 30-01-2020
მსგავსი სიახლეები
გამოკითხვა
რომელია თქვენი ბავშვის საყვარელი მულტფილმი?