თავის ტვინის სისხლძარღვთა შევიწროების მკურნალობა, როგორც წესი, მეტისმეტად გვიან იწყება ხოლმე.
თუ თავის ტკივილის ძლიერი შეტევები გაწუხებთ, თავბრუ გეხვევათ, მეხსიერება გაგიუარესდათ, გავიწყდებათ ნივთების ადგილმდებარეობა, ან მნიშვნელოვანი თარიღები, თავის ტვინის სისხლძარღვებში სისხლის მიმოქცევა დარღვეული გაქვთ.
ამ პრობლემას თავის ტვინის სისხლძარღვთა შევიწროებას, ან ათეროსკლეროზს უწოდებენ.
დაავადებას არტერიების კედლებზე ქოლესტერინის დაგროვება იწვევს, ტვინში მოძრავი სისხლის მოცულობა მცირდება, ირღვევა ჟანგბადითა და საკვები ნივთიერებებით ტვინის მომარაგება. ამ ყველაფრის შედეგი გაუარესებული მეხსიერება და თავის ტკივილებია.
აღნიშნული დაავადება იწყება კისრის სისხლძარღვების - საძილე არტერიების შევიწროვებით, რაც იწვევს ტვინის ჟანგბადოვან შიმშილს, არტერიული წნევის მატებას და სხვა სერიოზულ პრობლემებს.
დაავადების პროვოცირებას სტრესი, გადაღლა, ნერვული გაღიზიანება, შფოთვა, უმოძრაო ცხოვრების წესი, ცხიმიანი და ქოლესტერინის შემცველი საკვების ჭარბად მიღება, იწვევს.
სისხლძარღვთა პროფილაქტიკისთვის საუკეთესო საშუალებებია: ფიჭვის ნაყენი, სამყურა და კუნელი.