რა იწვევს კანის დაბერებას და როგორ შეგიძლიათ შეაჩეროთ ეს პროცესი - დერმატოლოგ ზაზა თელიას რჩევები
რა იწვევს კანის დაბერებას და როგორ შეგიძლიათ შეაჩეროთ ეს პროცესი - დერმატოლოგ ზაზა თელიას რჩევები

"ახალგაზრდობის ელექსირი"

დაბერების საწინააღმდეგო პროდუქტი ბუნებაში არ არსებობს!!!
ბევრი რამ იწვევს კანის დაბერებას. არსებობს რაღაცეები რასაც ვერ შევცვლით (ნატურალური დაბერება, შინაგანი დაბერება) და არსებობს რაღაცეები რისი შეცვლითაც ზეგავლენას მოვახდენთ და შევამცირებთ დაბერების პროცესს.
ნატურალურ დაბერებას და შინაგან დაბერებას (natural aging, “intrinsic aging”) ვერაფერს მოვუხერხებთ - ეს ბუნებრივი პროცესია.
მაგრამ შესაძლებელია სხვა ტიპის დაბერებაზე ვიმოქმედოთ, რომელსაც ნაადრევი დაბერება ეწოდება (premature aging) და ის გარემო ფაქტორებით და ცხოვრების წესით არის განპირობებული (“extrinsic aging ”).

პრევენციული ზომების მიღებით ჩვენ შეგვიძლია შევამციროთ ამ ტიპის დაბერების
პროცესი:

  1. ნაადრევ დაბერებაში ყველაზე დიდ როლს თამაშობს მზე. ამიტომ მნიშვნელოვანია მზის სხივებისგან რუტინული დაცვა, ყოველდღიურად. არ აქვს მნიშვნელობა ზღვის სანაპიროზე ვიმყოფებით თუ დავრბივართ. 15 წუთით ადრე მზეზე გასვლის წინ გამოიყენეთ მზისდამცავი - SPF30, UVA + UVB;
  2. კანის ფერის გასამუქებლად გამოიყენეთ აუტო-გასარუჯი (self-tanner), ვიდრე გაირუჯოთ მზეზე ან სოლარიუმში. ყოველი მზეზე გარუჯვის დროს თქვენი კანი ნაადრევად ბერდება;
  3. დაანებე თავი მოწევას - თამბაქო აჩქარებს დაბერების პროცესს. არამარტო კანის არამედ მთელი ორგანიზმის. ის აჩენს ნაოჭებს;
  4. თავიდან აირიდეთ ხშირი სახის მიმიკების მიღება. ამით თქვენ ახდენთ სახის კუნთების შეკუმშვას და წლების განმავლობაში ვითარდება ხაზები. გამოიყენეთ მზის სათვალე მზეზე ყოფნის დროს;
  5. ჭამეთ ჯანსაღის, ბალანსირებული საკვები. სხვადასხვა კვლევებით დადგენილია, რომ ბევრი ახალი ხილის და ბოსტნეულის მიღებით ხდება კანის დაზიანების პრევენცია,
    რომელიც ნაადრევ დაბერებას უწყობს ხელს;ასევე რამდენიმე კვლევამ აჩვენა, რომ საკვების მიღება, რომელშიც შედის ბევრი შაქარი, რაფინირებული ნახშირწყლები ხელს უწყობს და აჩქარებს დაბერების პროცესს;
  6. შეამცირე ალკოჰოლის მოხმარება. ის ახდენს კანის დეჰიდრატაციას;
  7. ივარჯიშე რუტინულად, სისტემატიურად კვირაში 4-5 ჯერ. კვლევებით დადგენილია რომ ვარჯიში ახდენს იმუნური სისტემის ბუსტირებას, ასევე ცირკულაციის გაუმჯობესებას;
  8. გაიწმინდე, დაიბანე კანი ნაზად. სკრაბმა შესაძლოა გააღიზიანოს კანი. მისი გამოყენება არ არის რეკომენდირებული. კანის გაღიზიანება აჩქარებს დაბერების პროცესს. ნაზი დაბანა აშორებს კანიდან ჭუჭყს, მაკიაჟს და სხვა ნივთიერებებს რომლებმაც შესაძლოა გააღიზიანოს კანი;
  9. დაიბანე სახე დღეში 2-ჯერ და გაოფლიანების შემდეგ. ქუდმა, ჩაფხუტმა ან სხვა ნივთმა შესაძლოა გააოფლიანოს სახის კანი. რეკომენდირებულია სახის დაბანა რაც შეიძლება სწრაფად გაოფლიანების შემდგომ;
  10. გამოიყენეთ სახის დამატენიანებელი ყოველდღიურად. ის "კეტავს" წყალს კანში, ატენიანებს და იცავს გარე გამაღიზიანებლებისგან. ამით კანი გამოიყურება უფრო ახალგაზრდულად;
  11. შეაჩერე კოსმეტიკური პროდუქტების გამოყენება რომლებიც იწვევს ჩხვლეტის ან წვის შეგრძნებას.
P.S დაბერების საწინააღმდეგო პროდუქტი ბუნებაში არ არსებობს. არ მოტყუვდეთ.
დაიცავით კანი მზისგან და დაიტენიანეთ რუტინულად.

დერმატო-ვენეროლოგი ზაზა თელია

altეპილაციის რომელი ხერხებია უკეთესი მოზარდებისთვის: "ყველა მშობელმა უნდა იცოდეს, რომ მოზარდისთვის ეპილაცია უსაფრთხოა და მითია, თითქოს მას უფრო მუქი თმა ამოჰყავს"


26495
ბეჭდვა
მოგვწერეთ თქვენი შეკითხვები და მოსაზრებები
კომენტარები (4)
თათა
1
ძალიან ძალია მნიშვნელოვანია მზისგან დაცვა და ზომიერად გარუჯვა. ვისაც არ გჯერათ, დააკვირდით სოფლად, მზის გულზე მომუშავე ადამიანებს – ღრმა ნაოჭები ადრეული ასაკიდანვე. მზის სხივები მიიღეთ ზომიერად, მხოლოდ დილას 11 საათამდე და საღამოს 5 საათის შემდეგ. წყალი ბევრი სვით, ხორცის მიღება შეამცირეთ, ხილი/ბოსტნეული რაც შეიძლება ბევრი. ატარეთ მზის სათვალე. საღამოს საფუძვლიანად გაიწმინდეთ სახე და წაისვით დამატენიანებელი. მინიმულ ეს მაინც უნდა გაუკეთოთ თქვენს თავს. არაა აუცილებელი ძვირფასი იყოს, ხანდახან ბავშვის კრემი უკეთ მუშაობს ან სახლში დამზადებული კრემები (კაკაოს ცხიმით,სპერმაცეტით და ა.შ. (მაქვს რეცეპტებიც). თვალის გარშემო იხმარეთ ჟოჟობას, ქოქოსის, ზეითუნის, ყურძნის წიპწის, ნუშის ზეთები. კაპიკები ღირს და იდეალურად კვებავს ნატურალური საშუალებები. ყველას გისურვებთ ჯანმრთელობას და ახალგაზრდობას !
11:35 / 03-06-2021
თათა
3
კვირაში მხოლოდ ერთხელ სახის გაწმენდა სკრაბით კანს აშორებს მკვდარ უჯრედებს და საჭიროა.
21:46 / 09-05-2021
მსგავსი სიახლეები