შვილებიანი ქალისთვის ხშირად წონა დიდ პრობლემად რჩება. იწყება გაუთავებელი ექსპერიმენტები, დიეტები, გასახდომი საშუალებების ძებნა. არადა, წონის დასაკლებად ზოგჯერ მხოლოდ ერთი გზის არჩევა საკმარისი არაა - მაგალითად, მხოლოდ ვარჯიში ან მხოლოდ დიეტა. გახდომა კომპლექსური პროცესია და ბევრ წვრილმანზეა დამოკიდებული.
ამჯერად სწორედ ასეთ წვრილმანს გთავაზობთ - სპეციალურ ცხიმების მწველ კოქტეილს, რომელსაც შინ ადვილად დაამზადებთ.
კოქტეილისთვის დაგჭირდებათ:
უცხიმო, 1%-იანი კეფირი
დარიჩინი
კოჭა
წითელი წიწაკა

ეს კომპონენტები ხშირად ხვდებიან გახდომისთვის ყველაზე შესაფერის პროდუქტებს შორის, ერთად კი უნიკალურ "ცხიმებისდამწველ" საშუალებას ქმნიან.
კეფირში დანის წვერით ჩაყარეთ წითელი მწარე წიწაკა, ½ ჩაის კოვზი დაფქული კოჭა და ამდენივე დარიჩინი. ათქვიფეთ მიქსერით ან ბლენდერით, ან უბრალოდ კარგად აურიეთ.
დალიეთ ღამით - ასე უფრო ეფექტურია.
კეფირი კუჭ-ნაწლავის მოქმედებას აუმჯობესებს და ნივთიერებათა ცვლის დაჩქარებას უწყობს ხელს. ეს ნარევი შესანიშნავად ჩაანაცვლებს გვიან ვახშამს, რაც ისედაც კარგი წამოწყებაა გახდომისთვის.
დანარჩენი სანელებლები ნივთიერებათა ცვლას ააქტიურებენ, საკვების მონელების პროცესს სტუმულს აძლევენ, ორგანიზმს ტოქსინებისგან გათავისუფლებაში ეხმარებიან. კარგად მოქმედებენ ცხიმების დაშლის პროცესზე და აიძულებენ ორგანიზმს, ცხიმის მარაგი დახარჯოს. წითელი წიწაკა მთელ ორგანიზმს, მათ შორის სისხლს, ძალიან კარგად წმენდს.
დარიჩინი მადასაც თრგუნავს. თუ კუჭის პრობლემები გაქვთ, წითელი წიწაკის რაოდენობა მინიმუმამდე დაიყვანეთ. სამაგიეროდ, შეგიძლიათ მთლიანი ჩაის კოვზი დარიჩინი გამოიყენოთ.
კოქტეილი ყოველ საღამოს 2-3 კვირის განმავლობაში მიიღეთ. შეგიძლიათ დიეტის ნაწილად აქციოთ. არ არის აუცილებელი მაინცდამაინც ღამით დალიოთ. შეგიძლიათ მისგან ლანჩი ან სამხარი მოაწყოთ. მთავარია, არ დალიოთ უზმოზე, რადგან კუჭის ლორწოვანი გარსი გაღიზიანდება.