ერთმანეთის ჩაგვრა, დამცირება, ფსიქოლოგიური და ფიზიკური ძალადობა ბავშვებისა და მოზარდების ნაწილის ყოველდღიურობაა. ახალგაზრდებს შორის ქუჩური გარჩევები არც თუ ისე იშვიათი მოვლენაა, რასაც ზოგიერთ შემთხვევაში ფატალური შედეგიც მოსდევს. ბოლო წლებში მოზარდებს შორის სისხლიანმა დაპირისპირებამ არა ერთი ახალგაზრდის სიცოცხლე იმსხვერპლა, ნაწილის ცხოვრება კი მიღებული სტრესიდან და ფსიქოლოგიური თუ ფიზიკური ტრავმებიდან გამომდინარე, სამუდამოდ შეცვალა.
როდის და რატომ ყალიბდება ბავშვი მოძალადედ? რა ფაქტორები ახდენს გავლენას მის აგრესორად ჩამოყალიბებაზე, როგორ უნდა მიხვდეს მშობელი, რომ მოზარდი ძალადობის მსხვერპლია და რა ტიპის დახმარებას საჭიროებენ ისინი? ფსიქოლოგი, დავითიანნის ფსიქოლოგიის ცენტრის ხელმძღვანელი ნინო კერესელიძე საუბრობს "პალიტრანიუსზე" "დღის თემაში".