ბავშვის ინტელექტის განვითარება მარტივი ვარჯიშითაც შესაძლებელია - ნეოროლოგოპედი ამ მოძრაობებს გასწავლით
ბავშვის ინტელექტის განვითარება მარტივი ვარჯიშითაც შესაძლებელია - ნეოროლოგოპედი ამ მოძრაობებს გასწავლით
ბავშვის აქტიური მოძრაობა მისი ინტელექტუალური განვითარების ძალიან მნიშვნელოვანი წინაპირობა ყოფილა. ასე მიიჩნევს ნეიროფსილოგთა ერთი ნაწილი და მშობლებს ურჩევს, ბავშვების განვითარება ამ მეთოდით 2 წლიდან დაიწყონ.
ბევრს გაუჩნდება კითხვა, თუ მოძრაობა ინტელექტს ავითარებს, ესე იგი, ყველა მოძრავი და ცელქი პატარა მომავალი ეინშტეინია? აი, რას ამბობს უკრაინელი ნეიროლოგოპედი ელენა ტიმოშენკო:
„მოძრაობით-განვითარებითი პროგრამა ორი წლიდან იწყება. საუბარია ხელების, ფეხების აქტიურ მოძრაობაზე, ასევე კიდურების გადაჯვარედინებულ მოძრაობებზე. ეს ყველაფერი ტვინის ჰემოსფეროთა ურთიერთქმედებაზე ახდენს გავლენას. ტვინში დაწყებული ეს პროცესები კი სამომავლოდ ბავშვის სასწავლო უნარებს გააძლიერებს“.


როგორ
და რით დავიწყოთ?

უნდა დაიწყოთ ყველაზე ადრეული ასაკით და ყველაზე მარტივი მოძრაობებით. 2 წლისა კიბეზე უნდა ადი-ჩამოდიოდეს, ვიწრო ზედაპირზე წონასწორობას ინარჩუნებდეს, მაგალითად, ტროტუარის ბორდიურზე გაიაროს. 3 წლისა ბუქნაობდეს და პატარა სივრცეებში დაძრომიალობდეს.
ბავშვი უნდა იმახსოვრებდეს ამ მოძრაობებს, ასრულებდეს სწორად და თანმიმდევრულად - ეს ყველაფერი ტვინის იმ უჯრედების ფორმირებაში მონაწილეობს, რომლებიც მოტივაციასა და ქცევის რეგულირებაში ეხმარება ბავშვს.
5 წლის ასაკისთვის ბავშვები უკვე იდეალურად ასრულებენ მოძრაობათა მთელ პროგრამას. უნდა იცოდნენ ცურვა და სწავლობდნენ თხილამურებზე, გორგოლაჭებზე დგომას.
თუმცა ეს არ ნიშნავს ბავშვის ერთდროულად რამდენიმე სპორტულ სექციაზე ტარება. ჯობია, პროგრამით გათვალისწინებული მოძრაობები სახლში შეასრულოს.
მიაქციეთ ყურადღება, ბავშვის მოძრაობები მიზანმიმართული უნდა იყოს და არა ქაოტური. წინააღმდეგ შემთხვევაში ეს აქტივობა შედეგს არ
მოგვცემს, მხოლოდ დაღლის ბავშვს.

როგორ მივხვდეთ, რა შესაძლებლობები აქვს ბავშვს?

სცადეთ მასთან ერთად ვარჯიში. დააკვირდით, შეუძლია ერთ დავალებაზე კონცენტრირება, ასრულებს ვარჯიშებს თანმიმდევრობით? შემდეგ ეს ყველაფერი თქვენი მონაწილეობიოს გარეშე უნდა გაიმეოროს. თუ გაუჭირდა, უფრო მარტივი თანმიმდევრობა შესთავაზეთ, 2-3 მოძრაობა ან 2-3 ვარჯიში.

როგორ დაეხმარება ეს სწავლაში?

მოძრაობათა კონკრეტული წყება, რომელიც მოითხოვს სხეულის ნაწილების განსაზღვრული წესით განლაგებას, სივრცითი აზროვნების ფორმირებაში დადებით როლს ასრულებს. მოგვიანებით სწორედ ეს უნარი სჭირდება ბავშვს მათემატიკური აზროვნებისთვის, მეტყველების განვითარებისთვის.

როგორც ვავარჯიშოთ ბავშვი

თავიდან ერთად ივარჯიშეთ - ყველაფერი აჩვენეთ და აუხსენით. მუდმივად უბიძგეთ, რომ ეს ყველაფერი დამოუკიდებლად შეასრულოს. როცა გარკვეულ თანმიმმდევრობას ჩამოიყალიბებს, უთხარით, ეს მოძრაობები აღწეროს.

„მოძრაობის შეთავსება მეტყველებასთან ძალიან კარგად ავითარებს ბავშვის ტვინს. ამიტომ ხშირად ვურჩევთ მშობლებს, ბავშვები ატარონ ისეთ მუსიკალურ სექციებში, სადაც ცეკვას სიმღერას თანხლებით სწავლობენ“ - ამბობს ელენა ტიმოშენკო.

სცადეთ ბავშვთან ერთად წარმოთქვათ და შეასრულოთ ეს კომბინაციები:
  1. ხელები მაღლა
  2. ორჯერ ტაში
  3. ჩაჯდომა
  4. ადგომა

როდის ვასწავლოთ კითხვა?

სკოლისთვის მზადება 5 წლის ასაკიდან დაიწყეთ. ნუ ასწავლით ცალკეულ ასო ბგერებს, უკითხეთ მარტივი სიტყვები, ჯერ მისი ხმოვანი ჟღერადობა მოასმენინეთ რამდენჯერმე და შემდეგ წააკითხეთ.
„ბავშვები ასოებს მალე სწავლობენ, მაგრამ მათი მარცვლებად ქცევა უჭირთ. სასკოლო მომზადებას გარკვეული დრო უნდა დაუთმოთ, თუმცა ფიზიკურ აქტივობას ნუ დაივიწყებთ. ასეთი შესვენებები ტვინს ინტელექტუალური ამოცანებიდან მოძრაობით შესასრულებელ ამოცანებზე გადართავს, რაც გონებისთვის საუკეთესო ვარჯიშია“ - ამბობს უკრაინელი ექპერტი.


1334
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები
ყველაზე კითხვადი
სასარგებლო ინფორმაცია