მეცნიერებმა დაადგინეს, რომელი ასაკის მოზარდებისთვის სოციალური ქსელები განსაკუთრებით საშიში
მეცნიერებმა დაადგინეს, რომელი ასაკის მოზარდებისთვის სოციალური ქსელები განსაკუთრებით საშიში
კემბრიჯისა და ოქსფორდის უნივერსიტეტების ფსიქოლოგთა, ნეირომეცნიერთა და სხვა სპეციალისტთა ჯგუფმა 10-დან 21 წლამდე ასაკის დაახლოებით 17,5 ათასი ბავშვისა და მოზარდისა მონაცემები გააანალიზა. მეცნიერები, რომელთა სტატია ჟურნალ Nature Communications-ში გამოქვეყნდა, დაინტერესდნენ მოზარდების მიერ სოციალური ქსელების გამოყენების დონესა და მათი ცხოვრებით კმაყოფილების ხარისხს შორის კავშირით.
mshoblebi
შედეგად, მკვლევრებმა შეძლეს, დაედგინათ ძირითადი ასაკობრივი პერიოდები, როდესაც მოზარდები სოციალური ქსელის ნეგატიური ინფორმაციისა და კონტენტის მიმართ გამნსაკუთრებით მგრძნობიარენი არიან. რაც უფრო მეტ დროს ხარჯავს მოზარდი ამ პერიოდში სოციალურ ქსელში, მით უფრო დაბალია მისი ცხოვრებით კმაყოფილება ერთი წლის
შემდეგ. ხოლო მეცნიერების თქმით, რაც
უფრო ნაკლებად იყენებს ამ ასაკში ბავშვი სოციალურ ქსელს, მით უფრო კმაყოფილია თავისი ცხოვრებით.

დასკვნის მიხედვით, გოგონებისთვის 11-დან 13 წლამდე ასაკი საშიში პერიოდი აღმოჩნდა, ხოლო ბიჭებისთვის - 14-დან 15 წლამდე მონაკვეთი. მეცნიერები ვარაუდობენ, რომ ეს განსხვავება შეიძლება სხვადასხვა სქესის წარმომადგენლებში ტვინის სტრუქტურების განვითარების თავისებურებებით იყოს გამოწვეული, ასევე იმით, რომ ბიჭები უფრო გვიან აღწევენ სქესობრივ მომწიფებას, ვიდრე გოგონები.
mshoblebi
გარდა ამისა, მკვლევრებმა სოციალური ქსელის გამოყენების კიდევ ერთი საშიში ასაკი გამოავლინეს, რომელიც ერთნაირია როგორც გოგონებისთვის, ასევე ბიჭებისთვის. საუბარია 19 წლის ასაკზე. შესაძლოა, ამ ასაკში ახალგაზრდები სოციალური ქსელის მიმართ განსაკუთრებით დაუცველები იმიტომ ხდებიან, რომ მათ ცხოვრებაში ბევრი მნიშვნელოვანი ცვლილება ხდება. მაგალითად, ფიქრობენ დამოუკიდებლად ცხოვრებაზე, სწავლასა და მუშაობის დაწყებაზე.

1475
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
ასევე დაგაინტერესებთ
მსგავსი სიახლეები