რომელი ნიშნით დაბადებულ პატარას, რა სახის თანადგომა და ყურადღება დასჭირდება თქვენგან ჩვენი მკითხველები ძალზე ხშირად მოგვმართავენ შეკითხვებით, რომელიც ბავშვებს და მათი სწორად განვითარების საკითხებს უკავშირდება. ევროპულ ქვეყნებში და უკვე ჩვენთანაც, მკვიდრდება ტრადიცია რომ პატარა ადამიანს, მისი პირადი რუკის გათვალისწინებით მშობელმა დასაწყისშივე შეუწყოს ხელი არსებული ნიჭისა და პოტენციალის განვითარებაში, რომელიც მას პირადი ასტროლოგიური რუკის მიხედვით მოეპოვება. თუმცა, ამჯერად ისევ ზოგად სტატისტიკას მიმოვიხილავთ და გაგაცნობთ ინფორმაციას იმის შესახებ თუ რომელი ნიშნით დაბადებულ პატარას, რა სახის თანადგომა და ყურადღება დასჭირდება თქვენგან მცირე ასაკში.
ცეცხლის სტიქიის პატარები, როგორც წესი, კარგი იმუნიტეტით, ძლიერი სასიცოცხლო პოტენციალით და ფიზიკური აქტიურობით გამოირჩევიან. ამიტომ თუ თქვენ ლომის, ვერძის ან მშვილდოსნის მშობელი ხართ ბავშვის ჯანმრთელობაზე მეტად იმაზე მოგიხდებათ ზრუნვა, რაიმე ხიფათიანი გართობის მსხვერპლი არ გახდეს იგი ან ოჯახის წევრებიც არ დააზარალოს ამ მხრივ. მოარიდეთ აალებადი, მჭრელი და ბასრი ნივთები ასეთ ბავშვებს. მათთვის აკრძალვები არ მოქმედებს, ამიტომ თითის დაქნევით მორალის კითხვას აჯობებს მისი მოუსვენარი ფსიქიკა რაიმე ტიპის სპორტული აქტივობით დააკაოთ.
კვების საკითხში ხშირად ქმნიან პრობლემებს მშობლებისთვის მიწის სტიქიის პატარები. კურო, ქალწული და თხის რქა ბავშვობაში ცოტა სუსტი ჯანმრთელობის, ან პრეტენზიული ბავშვი შეიძლება იყოს. კუროებს სიმსუქნისკენ გააჩნიათ მიდრეკილება