ცუდი მშობლის 7 თვისება - იცოდეთ, რათა არ დაემსგავსოთ მათ
ცუდი მშობლის 7 თვისება - იცოდეთ, რათა არ დაემსგავსოთ მათ
დარწმუნებულები ვართ, რომ ჩვენი საიტის მკითხველები ერთმანეთზე უკეთესი მშობლები არიან. თუმცა ზოგჯერ კარგი მშობლებიც იქცევიან არასწორად. გაეცანით სტატიაში ჩამოთვლილი თვისებებს, რათა რაც შეიძლება იშვიათად დაემსგავსოთ ცუდ დედას.

ყვირილი
შეადარეთ ფრაზები: "რატომ დაყარე სათამაშოები?" და "გთხოვ, აალაგე სათამაშოები". თავად რომელ შემთხვევაში აალაგებდით სათამაშოებს? ხმაურიანი განცხადებები ბავშვს აშინებს და მასში პროტესტის გრძნობას იწვევს. ყვირილს არანაირი დადებითი ფუნქცია არ მოაქვს. გარდა დედის ემოციური განტვირთვისა, მაგრამ ამ უკანასკნელისთვის არსებობს იოგა, ფინჯანი ჩაი ან ყავა ტკბილეულთან ერთად და დაქალები.
mshoblebi
თუ ბავშვს მხოლოდ ყვირილით ელაპარაკებით, როცა
გაიზრდება, მისთვის ხმის მისაწვდენად მეგაფონიც აღარ გიშველით. იმისათვის, რომ ბავშვთან ყვირილით საუბარს გადაეჩვიოთ, წარმოიდგინეთ, რომ ყვირილის დროს თქვენი პირიდან საშიში არსების შავ-წითელი სახე ამოდის. შეიძლება, ასეთმა წარმოსახვამ ემოციების მოთოკვას მიგაჩვიოთ.

ფიზიკური დასჯა
ძალის გამოყენებით თქვენ ბავშვს ასწავლით, რომ:
1. პატარების ცემა შეიძლება;
2. დიდი გოგონები ისე იქცევიან, რომ საპასუხო დარტყმას მოითხოვენ;
3. კამათში საბოლოო არგუმენტი ძალაა.
სხვა სიტყვებით რომ ვთქვათ, თქვენ ზრდით ადამიანს, რომელიც სუსტებს ფიზიკურად გაუმკლავდება, თავზე ძლიერს კი უსიტყვოდ დაემორჩილება.

არათანმიმდევრობა

დედების უმრავლესობას ნერვული შეტევა ეწყება, როცა ბავშვი მათ სურვილს არ ასრულებს. გაიხსენეთ ექსპერიმენტი პავლოვის ძაღლზე, რომელსაც საჭმლის ფიალასაც აძლევდნენ და
პარალელურად დენსაც ურტყამდნენ. საცოდავი ცხოველი შეშინებულ ნევროტიკად გადაიქცა. თუ არ გსურთ, თქვენი შვილსაც გაუფუჭდეს ნერვები, შეთანხმდით მამასთან და ბებია-პაპებთან, რომ ბავშვის მიმართ მოთხოვნები იყოს ერთნაირი. თუ ითხოვთ, რომ იყოს აკურატული, მოთმინებით აღიჭურვეთ და არც ბავშვი ააჩქაროთ.

დამცირება
კომედიებში ხშირად ჩნდება დოყლაპია, რომელსაც ყველაფერი ხელიდან უვარდება, ნივთებს კარგავს, პასუხის გაცემის ნაცვლად წითლდება და საბოლოოდ, სახეში ტორტი ხვდება. ასეთი ადამიანი შეიძლება გაიზარდოს ბავშვი, რომელსაც მუდამ ნაკლოვანებებზე მიუთითებენ. როგორ მოიქცევა ბავშვი, რომლის დედაც ამბობს: "ასეთ დებილ ბავშვს არც ერთ სკოლაში არ მიიღებენ" ან "ასეთ ჭუჭყიან კაბაში რომელ ბიჭს მოეწონები?". ასეთ სიტუაციაში მოხვედრილი ბავშვი გულწრფელად განიცდის მომხდარს და ოცნებობს, რომ მიწამ ჩაიტანოს, ოღონდ დედის ასეთი სიტყვები არ ისმინოს.
mshoblebi
მოფერებისგან თავის შეკავება
თუ ბავშვისთვის მხოლოდ იშვიათ შემთხვევებში იმეტებს კოცნასა და მოფერებას, მას დაუცველობისა გრძნობა უჩნდება. ძველად მიაჩნდათ, რომ ბავშვის მოფერება და კოცნა საჭირო არ იყო. გამოთქმა: "შვილი მტრად გაზარდე, მოყვრად გამოგადგება" დაივიწყეთ, ასეთმა მოპყრობამ სიკეთე არავის მოუტანა. დედის სიცივე ბავშვზე ფიზიკური აგრესიასავით მოქმედებს; იგი უხილავ ბარიერს ქმნის დედასა და შვილს შორის მთელი სიცოცხლის მანძილზე. ამიტომ, რაც შეიძლება მეტი მოფერება და კოცნა გაიმეტეთ თქვენი შვილისთვის.

დანაშაულის გრძნობის პროვოკაცია
დედის მიერ ნათქვამი ფრაზების - "შენ გამო ღამეები არ მეძინა", "შენს გამო რამდენ სიამოვნებაზე ვთქვი უარი", "ნეტავ, რისთვის გაჩნდი" - გააზრება ბავშვს დეპრესიაში აგდებს, ხოლო გარდატეხის პერიოდში შეიძლება სუიციდამდეც მიიყვანოს. ამიტომ, ფრთხილად, ფრაზებთან, რომელსაც ბავშვს ეუბნებით, ნუ ატკენთ სათუთ გულს. მას ისედაც უამრავი გულსიტკენა ელის ცხოვრებაში.
mshoblebi
ტყუილი
მშობელი პატარა ბავშვს ხშირად ატყუებს. ეს ზოგჯერ მის სასიკეთოდაც ხდება. ასაკის მატებასთან ერთად, ეცადეთ, ბავშვისთვის ნათქვამი ტყუილები შეამციროთ. ყველაფერი მისთვის გასაგებ ენაზე, მშვიდად აუხსენით. ბავშვი თუ ერთხელ მიხვდა, რომ ატყუებთ, ის აღარასდროს გენდობათ.
65729
ბეჭდვა
მოგვწერეთ თქვენი შეკითხვები და მოსაზრებები
კომენტარები (14)
ლაილა
2
ახლა კარგი მშობლები არიან? ნუ მაცინებთ რაა, კარგი კი არა მსგავსი უვარგისი დედები თაობებს არ ახსოვს.(ყველას არ ეხება). ქალი რომელიც ბავშვს გადააგდებს სანაგვეში რაზეა საუბარი, ასეთი შემთხვევები ხშირია. შორს არ წავალ ნამდვილ ამბავს გეტყვით; ახალგაზრრდა ქალმა წაიყვანა თავისი შვილი 8 თვის იყო ბავშვი ზღვაზე, თავის დაქალთან ერთად. პლიაჟზე დატოვა ბავშვი დაქალთან ერთად, თვითონ კატერზე საკატაოდ წავიდა. ამ დეგენერატმა (დაქალმა) ბავშვს ყურადღება არ მიაქცია . თბილისში რომ ჩამოვიდნენ ბავშვი მთელი ორი თვის მანძილზე ქვიშას აყოლებდა ფეკალურ მასებს(ბებიამისმა თქვა).იმის მერე ახლა 14 წლისაა გაწამებულია კუჭის ტკივილებით. თავისი სიამოვნებისთვის ახლანდელი ქალები ყველაფერს დათმობენ.
11:44 / 03-05-2018
სუსი
15
იაპონელები სხვა ჯიშისანი არიან, მათი მიბაძვა არ გამოგვადგება. ბავშვს ზომიერი სიმკაცრე სჭირდება, ზოგს მეტიც. არა ცემა, ყვირილი არ აწყენს, გათამამდება, ჩვენ კი ისეთ სტრესულ გარემოში ვცხოვრობთ თავს ვერ შევიკავებთ, როცა ბავშვი ზედმეტად ჯიუტობს და ურჩობს. მაგ. ითხოვს საშიშ რამეს რაც დააზიანებს, აუხსენი მაგრამ არ შვრება, რა უნდა ქნა. უნდა დაუღრიალო, სხვა გზას არ გიტოვებს. ვითომ არ იცით, რას მალაპარაკებთ...
14:49 / 24-03-2018
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?