რა შემთხვევაში იკრძალება ნათლობით დაკავშირებულ ადამიანებს შორის ქორწინება
რა შემთხვევაში იკრძალება ნათლობით დაკავშირებულ ადამიანებს შორის ქორწინება
იმასთან დაკავშირებით, თუ რა საეკლესიო კანონები მოქმედებს ნათლია-ნათლულებს შორის იოანე ღვთისმეტყველის სახელობის ტაძრის დეკანოზი, გიორგი (სხირტლაძე) საუბრობს:

"სულიერი ნათესაობის მიხედვით ქორწინების აკრძალვა თავდაპირველად ბიზანტიაში გვხვდება იმპერატორ იუსტინეს კანონებში. მე–6 მსოფლიო საეკლესიო კრების მიხედვით, სულიერი ნათესაობა ხორციელს უტოლდებოდა და დაუშვებელი იყო ქორწინება. მე–19 საუკუნეში კი საეკლესიო კანონებში არ იყო მოხსენიებული მეორე თაობის შემდგომ სულიერი კავშირის გამო ქორწინების აკრძალვის აუცილებლობა. ამგვარ სიტუაციაში ქორწინების უფლება დაეკისრა ადგილობრივი ეკლესიების კანონმდებლებს თუ ეპისკოპოსებს. ანუ საეკლესიო
კანონიკით, განსაზღვრული წესის მიხედვით, მირონით ნათესავებს შორის ქორწინების უფლება მიენიჭა ეპისკოპოსს ან ადგილობრივი ეკლესიის წმინდა სინოდს, რომელსაც შეუძლია გამოიტანოს შესაბამისი გადაწყვეტილება და დაუშვას ასეთი ქორწინებები. ამას ეწოდება იკონომია, ანუ შეწყალება, განგება.

შეუძლიათ თუ არა ერთი ნათლიის მიერ მონათლულ ადამიანებს, ანუ სულიერ და–ძმებს ქორწინება, ყველა ქვეყნის მართლმადიდებლური ეკლესია ინდივიდუალურად წყვეტს. მაგალითად, საბერძნეთის და რუმინეთის თანამედროვე მართლმადიდებლური ეკლესია ამგვარ ქორწინებებს უშვებს. რუსეთის მართლმადიდებლურ ეკლესიაში კი შეუღლება იკრძალება მხოლოდ ნათლიასა და ნათლულის მშობელს შორის. სწორედ ამგვარი კანონი არსებობს ძველ ქართულ საეკლესიო სამართალშიც, სადაც მხოლოდ ნათლიასა და ნათლულის მშობელს შორის ქორწინება იკრძალება.
გაგრძელება
8134
ბეჭდვა
მოგვწერეთ თქვენი შეკითხვები და მოსაზრებები
კომენტარები (3)
inkognito
0
ღმერთო შენ დაგვიფარე ეგეთი რამეც თუ შეიძლებოდა არმეგონა გავგიჯდი რას არ წაიკითხავს თვალები რა?
23:38 / 19-01-2015
jobia kompetentur
0
ჯობია ვინმე კომპეტენტურტან გაარკვიო
21:38 / 19-01-2015
მსგავსი სიახლეები
ყველაზე კითხვადი
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?