რა შეიძლება იყოს მამისთვის ყველაზე მოსაწყენი საქმე? რა თქმა უნდა, მძინარე ბავშვის საწოლთან "ყურყუტი" და დარაჯის როლის შესრულება. თუმცა, "გაჭირვებული" მამა ოთხ კედელს შორისაც მოახერხებს გასართობის პოვნას. რეცეპტი მარტივია: აიღეთ ხრაშუნა საუზმის ფანტელები და მძინარე ბავშვის სხეულზე პირამიდების აგება დაიწყეთ... საჭიროა სიზუსტე, აკურატულობა და კატის მოქნილობა. ერთი სიტყვით, მოცლილი კაცის საქმეა, თუმცა ამის მომგონმა ძალიან ბევრი მამა აიყოლია და ეს მამები დღეს დიდი აზარტით "რთავენ" მძინარე პატარებს ამ ჰაეროვანი  კოშკებით.

ამ თამაშის წამომწყები პატრიკ კვინია. მისი შთაგონების წყარო, რა თქმა უნდა, მოწყენილობა იყო, როცა ცოლმა 3 წლის მძინარე შვილის დარაჯობა დააკისრა. სულ არ ელოდა, მაგრამ მის წამოწყებას ასობით მამა შეუერთდა. ლამის ჩემპიონატი მოაწყვეს ამ კოშკების აგებაში.

ჩემპიონის ტიტულისთვის აქამდე 16 სართულიანი კოშკი კმაროდა. სხვათა შორის, ამხელა მიღწევა თავად კვინს არასოდეს ჰქონია.

ახლახან კი ამ საერთაშორისო მარათონს ახალი ჩემპიონი გამოუჩნდა - მან მძინარე შვილის ლოყაზე 22 სართულიანი კოშკი ააგო.

ვისაც ხრაშუნა ფანტელები გაუთავდა, კანფეტებით განაგრძო ასპარეზობა.

სხეულზე რამდენიმე პირამიდის აგებაც არ გახლავთ იოლი საქმე


შენება ფხიზელ ბავშვზეც შეიძლება. "სოსკა" ყველანაირ ხმას დაახშობს.

ახალბედა მამას შეიძლება სპორტისთვის არ ეცალოს, მაგრამ კოშკობანას ჩემპიონატისთვის ყოველთვის მოიცლის.