"მიჭირს ავხსნა მშობლის საქციელი... რატომ არცხვენთ შვილს სახალხოდ?" - მკითხველის ნაამბობი
"მიჭირს ავხსნა მშობლის საქციელი... რატომ არცხვენთ შვილს სახალხოდ?" - მკითხველის ნაამბობი
თითქმის ერთ კვირაზე მეტია, საქართველოს სკოლებში სწავლა განახლდა და არდადეგებიდან დაბრუნებულ მოსწავლეებს მათთვის ჩვეულ თუ უჩვეულო რეჟიმში უწევთ სასკოლო პროცესებთან "გამკლავება". ამ მხრივ მშობლებსაც ნაპოვნი აქვთ თავიანთი როლები, ზოგი უწყვეტ რეჟიმში აკონტროლებს იმას, თუ რა დავალებები აქვს შესასრულებელი შვილს, ზოგიც ენდობა ბავშვს და არ თვლის, რომ სკოლის მოსწავლეს გვერდზე უნდა მიუჯდეს გაკვეთილების მომზადებისას. სამწუხაროდ, არიან ისეთებიც, რომლებსაც საერთოდ არ აღელვებთ, რით არიან დაკავებული საგაკვეთილო პროცესში მათი შვილები.
სინამდვილეში ამხელა შესავალი
იმ ფაქტის გამო დავწერე, რომელსაც თბილისის ერთ-ერთი საჯარო სკოლის წინ შევესწარი. გამომდინარე იქედან, რომ მსგავს თემებს mshoblebi.ge აქტიურად აშუქებს, გადავწყვიტე, ეს ამბავი თქვენთვის მომეწერა:

სკოლის შესასვლელთან რამდენიმე მშობელი იდგა, სავარაუდოდ, პირველკლასელ შვილებს ელოდებოდნენ. მოულოდნელად ხმაური შემომესმა, დედა ჯიუტად უბრიალებდა შვილს თვალებს და უყვიროდა: "არ მაინტერესებს, აქვე დაწერ დავალებას". გოგონა დაახლოებით 8-9 წლის იქნებოდა, როგორც ჩანს, დედის გაბრაზების მიზეზი ის გახდა, რომ სხვა მშობლისგან გაიგო დავალების შესახებ, რომელიც შვილს არ ჰქონდა შესრულებული.

აქვე უნდა აღვნიშნო, რომ სკოლა არის გზის პირას და შესასვლეთ
ან, სადაც ეს ამბავი ხდება, უამრავი ადამიანი გადი-გამოდის. სულ რომ მოინდომოს ბავშვმა დავალების შესრულება, ჩნდება კითხვა, სად უნდა დაწეროს, რამდენ ხანში უნდა მოასწროს ან როგორ? თავი დავანებოთ იმას, რომ ასეთი წნეხის და ფსიქიკური ძალადობის ფონზე, რამდენად კარგად შეძლებს თავი გაართვას დედის მოთხოვნებს, ცალკე საკითხია...

ძალიან მიჭირს ავხსნა მშობლის საქციელი, რომელიც იმ წუთას ალბათ საკუთარ შვილზე მეტად ყველა დანარჩენს უწევდა ანგარიშს. ფიქრობდა იმაზე, როგორ შეიტყო სხვა მშობლისგან, რომ თურმე დავალება ჰქონია ბავშვს დასაწერი, ბავშვზე შეტევით წარმოაჩინა თავი მომთხოვნ დედად, რომელიც არასდროს დაუშვებს დავალების გარეშე შვილის სკოლაში გაშვებას... 

ცხადია, ყველას თავისი აღზრდის მეთოდები აქვს და საკუთარი დამოკიდებულება, თუ როგორ მისცეს შვილს განათლება, თუმცა ბავშვის ასე სახლახოდ შერცხვენით, მან იმაზე ბევრად მეტი დააშავა, ვიდრე მოსწავლის სკოლაში დავალების გარეშე მისვლაა“.

altროგორ იწყება გაუცხოება მშობლებსა და შვილებს შორის - ემოციური ვიდეო


მანანა, 36 წლის



altროგორ მოვამზადოთ სასკოლო დავალებები სტრესის გარეშე – რჩევები მშობლებს


5818
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
!
0
ეგ მშობელი წარმოიდგინეთ პედაგოგათ ოჰოჰო რა დღეში ჩააგდებდა პატარებს.. მეც ვიცი ბევრი მშობელი თავის შვილს ყველას დასანახად აძლევს შენიშვნას და უყვირის! ტომ აი მე კარგად ვზრდიო ბავშვს.შენიშვნა კი მაგრამ არა ასეთი ფორმით.. ბევრი ნებია ბაბუა კიდე ეგეთი რომ ერიდებათ თავისაზე კარგის თქმა..
15:09 / 07-10-2018
მსგავსი სიახლეები
ყველაზე კითხვადი
გამოკითხვა
რამდენ ლარს შეადგენს თქვენი ოჯახის ყოველთვიური შემოსავალი?
```