"რატომ რისკავთ ბავშვების სიცოცხლეს სულელური ფოტოების გამო?" - აღშფოთებული მშობლის ნაამბობი
"რატომ რისკავთ ბავშვების სიცოცხლეს სულელური ფოტოების გამო?" - აღშფოთებული მშობლის ნაამბობი
"დღეს მთაწმინდაზე ვიყავი შვილთან ერთად - საბავშვო ფესტივალს დავესწარით. უამრავი ბავშვი და მშობელი იყო. ნამდვილად არ ვარ კრიტიკოსი, სკეპტიკოსი ან ისეთი ადამიანი, ყველაფერში რომ ცუდს ხედავს, თუმცა მშობლების საოცარმა ქცევებმა წყობიდან გამომიყვანა და მინდა, აუცილებლად გაგიზიაროთ...

ჯერ იყო და მინიმუმ 5-ჯერ მაინც (რაც ჩემი იქ ყოფნის დროს გავიგე) დაკარგეს მშობლებმა შვილები. ატირებული პატარები სცენასთან მიჰყავდათ უცნობებს და იქ აცხადებდნენ, რომ მშობლებს ელოდნენ. ბავშვები ამ დღეში იყვნენ და ზოგიერთი მშობელი (ერთისა ბებია იყო) ისეთი აუღელვებელი მოდიოდა, ვითომ არაფერი...

თუმცა ამაზე მეტად
სხვა რამის მოყოლა მინდა. ალბათ უმრავლესობა თქვენგანი ნამყოფია მთაწმინდაზე და ფუნიკულიორთან უნახავს დიდი მოაჯირი, საიდანაც მთელი ქალაქი მოჩანს და უამრავი ადამიანი იღებს ფოტოებს. მოაჯირს მიღმა დამრეცი მთაა, ანუ საკმაოდ საშიშია...

ჰოდა, წარმოიდგინეთ ასეთი სურათი: მიდის დედა და მამა ამ მოაჯირთან (არა ახალგაზრდები - ანუ ახალგაზრდა ასაკს ვერ დავაბრალებთ ამ "სითამამეს"), სვამენ მოაჯირზე დაახლოებით 1-2 წლის პატარას... მამა კარგად ამზადებს, ხელს უშვებს... და დედა ამ დროს ცდილობს, კარგი კადრი დაიჭიროს და ფოტო გადაიღოს... ვერ წარმოიდგენთ, რა დამემართა. გული კინაღამ გამიჩერდა... ერთი მოძრაობა და ბავშვი მოაჯირს იქით იყო გადავარდნილი... ვერც ხმა ამოვიღე საჩხუბრად, იმის შიშით,
ყურადღება არ მოედუნებინათ და ბავშვი არ გადავარდნოდათ იქიდან... ისე ცუდად გავხდი, გამოვედი და იქვე ბართან, წყალი დავლიე... 

არ ვიცი, რა აუცილებელია თოთო ბავშვს ასეთ ხედზე გადაუღო ფოტო, ასეთი რისკის ფასად? რომ მერე სოციალურ ქსელში დადო და თავი მოიწონო? ამდენი უბედურება ხდება და განგებ რატომ ვრისკავთ ასეთი სისულელის გამო? რამდენჯერ მინახავს ექსკურსიებზე, მშობლები ლამის კლდის ქიმზე აყენებენ შვილებს, რომ "კარგი ფოტო" გადაუღონ... არ მესმის და რა ვქნა? დამიძახეთ გოიმი და ჩამორჩენილი, ბავშვს ეს ფოტოები ნამდვილად არ სჭირდება, მშობლებს ჰგონიათ რატომღაც, რომ ასეთი ფოტოების დადებით უფრო მეტ მოწონებას და აღტაცებას დაიმსახურებენ... ათასობით ადამიანი შეეწირა სარისკო სელფების გადაღების სურვილს, თუმცა ეს გაკვეთილი რატომღაც არაა საკმარისი... იქნებ ცოტა მეტად ვიფიქროთ ამაზე? ღირს "საოცარი კადრი" ბავშვის სიცოცხლის გარისკვად?"

ნინი, 30 წლის

altფოტოქურდობა სოციალურ ქსელში – ახალი საფრთხე მშობლებისთვის


5609
ბეჭდვა
მოგვწერეთ თქვენი შეკითხვები და მოსაზრებები
კომენტარები (2)
ნიკა
0
კარგით რაა, ამდენი შეუგნებელი მშობლის ხელში კიდევ კარგად არიან ეს ბავშვები, მაგალითად 6 წლის ბავშვს რომ ფეისბუქს გაუკეთებ და ამით მის უსაფრთხოებას ეჭვქვეშ აყენებ, რაღა დედა ხარ? 4 შვილის დედას ამაზე მეტი საქმე ნუთუ არ აქვს? ფესბუქი, როგორც ვიცი 14 წლამდე კრძალავს ბავშვის დარეგისტრირებას სოციალურ ქსელში.
17:55 / 05-11-2018
!
0
იმიტომ რომ ფეისბუკში მოიწონონ თავი.. ადრე რატომ არ აკეთებდნენ ამას.?. იმიტომ რომ თავის ფოტოალბომს მთელ ქვეყანას ვერ აჩვენებდნენ.. ეხლა კი ვირტუალური სამყარო .ლაიკები მერე კომენტარები რა საყვარელი ხაარ მიყვარხაარ გაკოცეე მომენატრეეე და ასე შემდეგ! მთელი თავიანთი ცხოვრება გამოფენილი აქვთ ფეისბუკზე.. რომ არ გენახოს დიდი ხანი ფეისბუკში შეხვალ და იცი ვინ რას აკეთებს !ისე სხვათა შორის ეს ქართველებს უფრო ახასიათებთ..
15:14 / 07-10-2018
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?
```