"15 წლისას ორი შვილი მყავდა... ახლა 24 წლის ვარ და მეხუთე შვილზე ვარ ორსულად" - ქართველი გოგონას ნაამბობი
"15 წლისას ორი შვილი მყავდა... ახლა 24 წლის ვარ და მეხუთე შვილზე ვარ ორსულად" - ქართველი გოგონას ნაამბობი
სამწუხაროა, მაგრამ ნაადრევი ქორწინების თემა საქართველოში კვლავაც საკმაოდ აქტუალური და ამოუწურავია. არა მხოლოდ წარსულის, თანამედროვე ამბებიც სულის შემძვრელია. ყოველ ახალ სტატიას აღნიშნულ თემაზე ახალ-ახალი გამოხმაურებები მოჰყვება ხოლმე და მორიგ გამაოგნებელ ამბავს ვისმენთ. ამჯერად წარსულში ჩვენი უახლოესი წინაპრების ნაადრევ ქორწინებებზე ნაამბობს (იხილეთ სტატია), რამდენიმე კიდევ უეფო საინტერესო ისტორია მოჰყვა. ერთი ალბათ განსაკუთრებულია და ამიტომაც, მასზე ცალკე უნდა დაიწეროს.

ეს გოგონა 24 წლის თიკოა. როგორც თავად გვიამბო, 15 წლისას უკვე 2 შვილი ჰყავდა. ახლა კი 24 წლისაა და მეხუთე შვილს ელოდება.

"13
წლის ვიყავი, ჩემმა ქმარმა რო მომიტაცა. ის 14 წლის იყო. შეყვარებულები ვიყავით, თუმცა ჩემები იყვნენ წინააღმდეგი. მათემატიკაზე დავდიოდი და გაკვეთილის მერე მომიტაცა. ახლაც უდევს მანქანაში ჩემი მათემატიკის წიგნი...
კარგა ხანს ვერ მომაგნეს და მართალია, მეც არ მინდოდა გათხოვება, უარი რომ მეთქვა, ციხეში გაუშვებდნენ და ამიტომ ბოლოს ვთქვი, რომ ჩემი ნებით გავთხოვდი.
საკმაოდ მალე დავორსულდი, თუმცა სკოლაში სიარული არ შემიწყვეტია. სანამ სკოლას დავამთავრებდი, მეორეც მეყოლა. თუმცა ვერ გეტყვით, რომ სწავლაში ხელი შემეშალა - დედამთილი ყველაფერში მეხმარებოდა. პირველი შვილი რომ მყავდა, სულ ვამბობდი,
ღამე არ ტირის-თქო, თავს ვიწონებდი. არადა, თურმე ჩემს დედამთილს გაჰყავდა და მთელი ღამე ის უვლიდა, რომ მე არ შევწუხებულიყავი.
სკოლის დამთავრების შემდეგ უნივერსიტეტში ჩავაბარე და ამასობაში მესმაე მეყოლა. ახლა 24-ის ვარ და მეხუთე შვილს ველოდები... თან მილებს ვიკეტავ...
ახლანდელი გადასახედიდან, რა თქმა უნდა, ვფიქრობ, რომ ძალიან ადრე იყო ეს ყველაფერი. მე უბრალოდ გამიმართლა, რომ კარგი ოჯახი შემხვდა. ჩემი ქმარი ჩემზე გაცილებით მომზადებული იყო და უფრო მალე შედგა მამად... და პრაქტიკულად, დედამთილმა გამიზარდა შვილები. რეალურად, მეოთხე რომ გავაჩინე, მაშინ გამიჩნდა ნამდვილი დედობის განცდა.
ერთადერთი, რაზეც მწყდება გული, საზღვარგარეთ სწავლა მინდოდა და ვერ შევძელი".

61589
ბეჭდვა
მოგვწერეთ თქვენი შეკითხვები და მოსაზრებები
კომენტარები (23)
mm
0
რე შენი აზრით როგორ ფიქრობ საშუალება რომ არ ქონდეს 5შვილს გააჩენდა? მარტო შხამის გადმონთხევა არ იყო საჭირო, შენითაც უნდა მიხვდე ელემენტარულს.
13:59 / 19-09-2018
საბედნიეროდ, ამ ისტორიის ყველა პერსონაჟი მოწოდების სიმაღლეზე აღმოჩნდა: დედამთილი - სუპერ, ქმარი - კაცი და ამ "ჭყინტ" დედას მანამდე ედგნენ მხარში, სანამ არ დაქალდა. კარგია, დედამთილის ამაგს რომ ხაზს უსვამს! ბარაქალა!
0
ნაადრევი ქორწინება კარგი არ არის, მაგრამ ამ შემთხვევაში პიროვნულმა ღირსებებმა გაიმარჯვა და სასიხარულოა, ნგრევას რომ შენებამ აჯობა! იხარეთ და იმრავლეთ! დედამთილს - "მაი ფერსონალ რესფექთ" (ჩვენს ახალ "მშობლიურ" ენაზე - ესეც "შუტკა"!)
14:08 / 30-08-2018
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?