იწვის თუ არა სინამდვილეში ნამდვილი შოკოლადი - განმარტება ცეცხლმოკიდებულ შოკოლადებზე
იწვის თუ არა სინამდვილეში ნამდვილი შოკოლადი - განმარტება ცეცხლმოკიდებულ შოკოლადებზე
ბოლო დროს ინტერნეტში ცეცხლმოკიდებული შოკოლადების უამრავი ვიდეო გავრცელდა. ინტერნეტმომმხმარებლები სხვადასხვა ფირმის შოკოლადს ცეცხლს უკიდებენ და მაყურებელს აფრთხილებენ, რომ შოკოლადი, რომელიც ასე იწვის, საშიშია ჯანმრთელობისთვის. რა ხდება სინამდვილეში, ეკიდება თუ არა ცეცხლი ნატურალურ შოკოლადს და რა არის შოკოლადის აალების მიზეზი?

ამ კითხვას რომ პასუხი გავცეთ, კიდევ ერთხელ უნდა გავიხსენოთ შიკოლადის შემადგენლობა.

რისგან შედგება შოკოლადი

შოკოლადის 50 პროცენტი ცხიმისგან შედგება, რომელიც, სხვათა შორის, იწვის. გარდა ამისა, შეიცავს სრესილ კაკაოს და კაკაოს ცხიმს.
გარდა
ამისა, შავი შოკოლადი შეიცავს:
  • გოგორდს,
  • ფოსფორს,
  • კალიუმს,
  • მაგნიუმს,
  • რკინას
  • სპილენძს.
mshoblebi
კაკაოს ცხიმსაც რთული შემადგენლობა აქვს:
  • თეობრომინი,
  • ანტიოქსიდანტები,
  • არომატული ნივთიერებები,
  • კოფეინი
  • ცხიმოვანი მჟავა.

იწვის თუ არა ნამდვილი შოკოლადი?

ინტერნეტში გავრცელებულ ვიდეოს, სადაც შოკოლადს ცეცხლი წაუკიდეს, უამრავი გამოხმაურება მოჰყვა. იმის დასადგენად, ნატურალურია თუ არა შოკოლადი, ცეცხლის მოკიდებამდე ჯერ თარიღს შეხედეთ. ნატურალურის ვადა 6-8 თვეს არ უნდა აღემატებოდეს. გარდა ამისა, თუ შოკოლადი ასდვილად ალდება, ესე იგი მასში არა სრესილი კაკაოს მარცვლები, არამედ კაკაოს ფხვნილია დამატებული. ეს ფხვნილი მარცვლების გადამუშავებისას წარმოქმნილი ნარჩენია და იაფფასიან ნედლეულს წარმოადგენს. თუ ეტიკეტზე წერია, რომ შოკოლადი არა სრესილი კაკაოთი, არამედ კაკაოს ფხვნილითაა დამზადებული, ესე იგი უხარისხო ნაწარმი გიჭირავთ ხელში.
mshoblebi
უხარისხო შოკოლადში კაკაოს ცხიმიც სხვა ცხიმებითაა ჩანაცვლებული,
დამატებული აქვს სოიო ან სხვა ცილოვანი პროდუქტი.

როგორ უნდა იწვოდეს ნატურალური შოკოლადი?

თუ პროდუქტი სწრაფად აალდა, თქვენ წინაში ყალბი შოკოლადია. თუმცა ცეცხლი რომ ეკიდება, ჯერ კიდევ არ ნიშნავს, რომ ის უვარგისი პროდუქტია.
კაკაოს ცხიმის გარდა მწარმოებელი ხშირად ქოქოსის, პალმის ან ნაღების კარაქს იყენებს. რომ გავარკვიოთ, უნდა იწვოდეს თუ არა შოკოლადი, ამ საკონდიტრო პოდუქტის შემადგენლობას კიდევ ერთხელ უნდა ჩავეძიოთ. განვიხილოთ პირველი ინგრედიენტი - სრესილი კაკაო: ის არ იწვის, სამაგიეროდ გაჯერებულია შაქრითა და ცხიმით, რაც მკვრივ ფილას ქმნის.
იდეალურ შემთხვევაში ცეცხლთან მიახლოებისას შოკოლადი ჯერ უნდა დადნეს, ჩამოღვენთავს თუ არა, ეს დამოკიდებულია ცხიმის შემაგდგენლობასა და რაოდენობაზე, ასევე შაქრის რაოდენობაზე.


როგორ მზადდება შოკოლადი [VIDEO]


ცხიმის შემადგენლობაზეა დამოკიდებული მასის დნობის სისწრაფეც. ცნობილია, რომ ნებისმიერი ცხიმი გათბობისას ლღვება და იღვენთება. თუ შოკოლადი ცხიმით გაჯერებული არაა, შოკოლადის ფილა ცეცხლთან მიახლოებისას იწვის. ამ შემთხვევაში დამდნარი ნაწილი ხვდება დამწვარ ადგილზე და იწყებს დამოუკიდებლად წვას, როგორც სანთელში იწვის პარაფინი. იმის მიუხედავად, როგორი შოკოლადი იწვის, თავდაპირველად შოკოლადი უნდა გადნეს და მხოლოდ ამის შემდეგ აალდეს. ეს განპირობებულია იმით, რომ კარაქის გარდა საკონდიტრო ნაწარმი შაქარსაც შეიცავს, რომელიც იწვის, თუმცა ასანთით მისი აალება არცთუ ისე იოლია.
ხელნაკეთი შოკოლადები კი მინარევებს თითქმის არ შეიცავენ, ძირითადად, მხოლოდ კაკაოს ცხიმითა და სრესილი კაკაოთია დამზადებულია, ამიტომ სწრაფად იღვენთება და აალებას ვერ ასწრებს.
შოკოლადის თეფში - გააკეთეთ ბავშვთან ერთად, ეს ძალიან მარტივი და სახალისოა! [VIDEO]

როგორი უნდა იყოს ნამდვილი შოკოლადი?

  • შოკოლადი უნდა შეიცავდეს კაკაოს ცხიმს და სრესილ კაკაო-მარცვალს (არანაირი კაკაოს ფხვნილი ან ცილის დანამატი).
  • შენახვის ვადა არ უნდა აღემატებოდეს 6-8 თვეს.
  • ნამდვილი შოკოლადი უნდა დნებოდეს პირში და არ უნდა იზილებოდეს ხელში.
  • მას არ უნდა ჰქონდეს სარკესავით პრიალა ზედაპირი.
  • გატეხვისას ტკაცუნის ხმა უნდა ჰქონდეს.შოკოლადში ამოვლებული ბავშვი [VIDEO]

შოკოლადის თერმირება

ნებისმიერ პროდუქტს გადნობისა და ალების საკუთარი ტემპერატურა აქვს. რაც შეეხება ნატურალურ შოკოლადს, ის 45-50 გრადუსზე დნება. თუმცა აქვე უნდა ვახსენოთ თერმირების ანუ კრისტალიზაციის პროცესი. კაკაო-კარაქის თერმირება საჭიროა იმისთვის, რომ მივიღოთ სხვადასხვა კრისტალის სტაბილური ზომა. ამისათვის შოკოლადის პროდუქტს ადნობენ და განსაზღვურ ტემპერატურაზე აცივებენ. თერმირებულ შოკოლადს საკონდიტრო შედევრების შესაქმნელად იყენებენ. მას იდეალური იერი და კარგი გემო აქვს. გადნობისა და გაცივების შედეგად ვიღებთ პრიალა, მყარ და მტვრევად შოკოლადს.
თერმირების მიზანი:
  • იმისათვის, რათა შოკოლადის ზედაპირზე არ წარმოიქმნას თეთრი ზოლები და ნადები.
  • შოკოლადის მასისგან საკონდიტრო ნაწარმის შექმნის პროცესის დასაჩქარებლად.
  • რათა საკონდიტრო ნაწარმს მიმზიდველი და კონკრეტული ფორმა ჰქონდეს.

იმის შესამოწმებლად იწვის თუ არა შოკოლადი შინაურულ პირობეში, გირჩევთ დაიცვათ უსაფრთხოების ზომები: ექსპერიმენტის დროს თქვენ გვერდით არ უნდა იყოს სწრაფად აალებადი ნივთები.
წაიკითხეთ ასევე:
  1. რომელი ასაკიდან მივცეთ ბავშვს შოკოლადი და რა რაოდენობით
  2. მშობლებო, უფრთხილდით შოკოლადს - პედიატრების საშიში დასკვნა
  3. ყველაზე მადის აღმძვრელი დესერტი ერთი ფილა შოკოლადით!
7450
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები
გამოკითხვა
რომელია თქვენი ბავშვის საყვარელი მულტფილმი?
ყველაზე კითხვადი