როგორ მოვამზადოთ ბავშვი სკოლისთვის და შევაჩვიოთ მეცადინეობას
როგორ მოვამზადოთ ბავშვი სკოლისთვის და შევაჩვიოთ მეცადინეობას
თამაშით სწავლა - ეს ის მიდგომაა, რომელსაც მსოფლიო აღიარებს. მიჩნეულია, რომ ბავშვი ყველაზე კარგად თამაშის დროს ვითარდება, უჩნდება და უვითარდება ახალი უნარ-ჩვევები, იღებს ცოდნას და გამოცდილებას, რომელიც მერე მთელი ცხოვრების განმავლობაში გაჰყვება და მისი ხასიათის განმსაზღვრელიც გახდება.

თამაშს გადამწყვეტი როლი აქვს პიროვნების სრულფასოვან ჩამოყალიბებაში. მოზარდი თამაშით იძენს არამხოლოდ მნიშვნელოვან ცოდნასა და უნარებს, თამაშზეა დამოკიდებული მისი გონებრივი, ფიზიკური და ემოციური განვითარება.

განვითარებულ ქვეყნებში დიდი ხანია სასწავლო პრეცესში თამაშიც ჩართეს. რადგან კვლევებმა არაერთხელ დაადასტურა, რომ თამაში ბავშვისთვის სწავლის ყველაზე კარგი საშუალებაა. საქართველოში
ეს მიდგომა ნელ-ნელა ვითარდება. ამაში დიდი წვლილი მიუძღვის გამომცემლობებსაც, რომლებიც ამზადებენ არაერთ სპეციალურ წიგნს თუ კრებულს და ბავშვებს თამაშით სწავლაში ეხმარებიან. ქართულ ბაზარზე გამორჩეულია პალიტრა L-ის სერია „მოემზადე სკოლისთვის“, რომლის ფარგლებში გამოცემული წიგნებიც ბავშვს ეხმარება ყველა იმ აუცილებელი უნარის განივითარებაში, რომელიც მას სკოლის დასაწყებად ან სკოლაში კარგად სწავლისთვის სჭირდება. სერია აერთიანებს მხატვრულ, სამეცნიერო, სავარჯიშო წიგნებს.

სპეციალისტები აღნიშნავენ, რომ მსგავსი წიგნები განსაკუთრებით აქტუალურია სკოლის დაწყებამდე პერიოდში, რადგან ბავშვები მეტ-ნაკლებად ეჩვევიან სწავლას, ვარჯიშს, წესრიგს. შემდეგ კი სკოლაში მეცადინეობა აღარ უჭირთ. აღნიშნული წიგნები მათ სხვადასხვა უნარის განვითარებაში ეხმარება, მაგალითად, იმაში, რომ წაიკითხონ ინსტრუქცია და გაიგონ, რა
მოეთხოვებათ, ან მოემზადონ ციფრებისა და ასოების გამოსაწერად, მიეჩვიონ ელემენტარულ მიმატება-გამოკლებას. უფრო პატარებს კი მოტორიკის განვითარებაში ეხმარება. ყოველდღიურად მსგავსი დავალებების შესრულების შემდეგ ბავშვები სკოლაში სწავლას, დავალებების შესრულებას მიეჩვევიან და რეჟიმში ყოფნა აღარ გაუჭრდებათ, სწავლის პროცესი კი სახალისო და მარტივი იქნება.
mshoblebi
ეს ყველაფერი განსაკუთრებით მნიშვნელოვანია მათთვის, ვინც სკოლაში პირველად მიდის. აუცილებელია სწორად შეარჩიოს მშობელმა სამეცადინო სახელმძღვანელო, რათა სწავლა მოსაწყენი და მოსაბეზრებელი არ გახდეს. ამისათვის კი საჭიროა შვილი სკოლისითვის თამაშ-თამაშით, ხალისით მოვამზადოთ.

გარდა იმისა, რომ ზემოთ აღნიშნული წიგნები არაჩვეულებრივი შენაძენია საკუთარი შვილებისთვის, ასევე გამორჩეული და სასიამოვნო საჩუქარი შეიძლება იყოს ნებისმიერი ახლობელი ბავშვისთვის. წიგნებში გადმოცემული ილუსტრირებული და ფერადი სამყარო ხომ ყველაზე მეტად ეხმარება პატარებს შემეცნების პროცესში.
431
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?