როგორ უნდა გაირეცხოს ბავშვის თეთრეული და რა უნდა იცოდეთ აუცილებლად
როგორ უნდა გაირეცხოს ბავშვის თეთრეული და რა უნდა იცოდეთ აუცილებლად
თქვენს ოჯახში ახალი, ყველაზე მნიშვნელოვანი წევრი გამოჩნდა? მაშ დროა, იფიქროთ ცვლილებებზე და სწორედ მას მოარგოთ ყველაფერი გარშემო. პირველ რიგში, პატარას სჭირდება მყუდრო, მოსიყვარულე ოჯახი, სიმშვიდე, სისუფთავე და დადებითი ემოციები. 
მერე კი, რა თქმა უნდა, სჭირდება უსაფრთხო, ხარისხიანი და კარგად შერჩეული ტანსაცმელი, პირადი ნივთები, თეთრეული და ა.შ. სწორედ მათზე ვისაუბრებთ ამჯერად. 

როგორ შევურჩიოთ ბავშვს ლოგინის თეთრეული

ერთი შეხედვით ლოგინის თეთრეულის შერჩევას დიდი ფიქრი არ სჭირდება, მაგრამ თუ ეს თეთრეული ბავშვისთვის გინდათ, რამდენიმე ფაქტორის გათვალისწინება მაინც მოგიწევთ. სწორად შერჩეულ თეთრეულზე მნიშვნელოვნად არის დამოკიდებული
ბავშვის ჯანსაღი ძილი.

რეკომენდებულია, რომ თეთრეული პატარას კვირაში ერთხელ გამოუცვალოთ, ზაფხულის ცხელ დღეებში ან ავად ყოფნის პერიოდში - უფრო ხშირად.
როგორც წესი, ბავშვისთვის დედები ფერად თეთრეულს ყიდულობენ, ჭრელი ფერები კი რეცხვისას ხუნდება. ამიტომ ნუ გარეცხავთ ზეწრებს 60 გრადუსზე უფრო მაღალ ტემპერატურაზე. ყოველგვარი მავნე მიკროორგანიზმის გასანადგურებლად ეს ტემპერატურაც სავსებით საკმარისია. გასაშრობად სუფთა ჰაერზე გაფინეთ, რადგან
ულტრაიისფერი სხივები ქსოვილის დეზინფექციას მოახდენს. გარდა ამისა, რაც შეეხება ფერებს, ბავშვის სიმშვიდისთვის გაცილებით ჯობს, პასტელური, დამჯდარი ფერები შეარჩიოთ და არა ძალიან მკვეთრი, მით უმეტეს - წითელი, რომელიც აღმგზნებ და გამაღიზიანებელ ფერად მიიჩნევა და საძინებელში ამ ფერის გამოყენებას საერთოდაც არ
ურჩევენ ხოლმე.

ლოგინის თეთრეულის შერჩევისას გაითვალისწინეთ შემდეგი:
  • რაც უფრო უბრალო და ნატურალურია ქსოვილი, მით უკეთესი. ხელოვნური ქსოვილის შემჩნევა შეუიარაღებელი თვალითაც შეიძლება.
  • დააკვირდით ნაკერებს, გვირისტი ძალიან სწორი და აკურატული უნდა იყოს. არავითარი გამოძენძილი და დაწყვეტილი ძაფები. სხვათა შორის, ძაფის ფერი ქსოვილის ფერთან შესაბამისი უნდა იყოს.
  • ხარისხიანი თეთრეული მთლიანი ქსოვილისგან უნდა იყოს შეკერილი და შუაში გადაბმის ნაკერი არ უნდა ჰქონდეს.
  • ნუ მოგერიდებათ და ყიდვის წინ დაყნოსეთ კიდეც ქსოვილი - მას არც ნესტის და არც საღებავის სუნი არ უნდა ჰქონდეს.
  • ხელით მოსინჯეთ ქსოვილი - უხეში არ უნდა იყოს. თან შეფუთვასაც დააკვირდით - ბაზრის წესები გვეუბნება, რომ რაც უფრო დახვეწილია შეფუთვა, მით უფრო ხარისხიანია ქსოვილი. ეტიკეტზე გარკვევით უნდა ეწეროს მწარმოებლის შესახებ ინფორმაცია, კომპლექტის ზომები და შემადგენლობა, ასევე მისი მოვლის წესები.
  • კარგი თეთრეულის პრინტი ზედმეტად მკვეთრი და მყვირალა არ არის. ყურადღება მიაქციეთ ფასს - ხარისხიანი თეთრეული იაფი ვერ იქნება.
ასევე კარგი ხარისხის, რბილი და კარგად შერჩეული უნდა იყოს ტანსაცმელი, რაზეც ჯობს, მანამდე იზრუნოთ, რომ თქვენი სურვილით გააკეთოთ არჩევანი და მერე სხვების არჩევანზე არ დაიწყოთ წუწუნი, როგორც ხშირად ემართებათ ხოლმე დედებს. 

გარდა ბავშვის საწოლისა, რომელიც ჯობს, ხის იყოს, ეკოლოგიურად სუფთა, უნდა იზრუნოთ კარგ, ხარისხიან მატრასზე, კომფორტულ და ასევე ხარისხიან გამოსაცვლელ მაგიდაზე, რომელიც კარგ სამსახურს გაგიწევთ, ბავშვის ჭურჭელიც უნდა იყოს მაქსიმალურად კარგად შერჩეული და ბავშვის პირველი სათამაშოებიც. 

mshoblebi

რაც შეეხება პატარის ნივთების და თეთრეულის რეცხვას:

  • ბავშვის სამოსისა და თეთრეულისთვის ცალკე უნდა გქონდეთ სპეციალური, საბავშვო სარეცხი საშუალებები.
  • ექიმები დაჟინებით გვირჩევენ, მაქსიმალურად ავაცილოთ ბავშვს საყოფაცხოვრებო ქიმიასთან კონტაქტი, რადგან ეს მასში ალერგიების განვითარების სერიოზული ფაქტორია. ათასგვარი სარეცხი და საწმენდი საშუალება უამრავ ქიმიურ ნივთიერებას შეიცავს, რაც ნეგატიურ გავლენას ახდენს ბავშვის ნაზ კანზე. ახალშობილის სამოსი, ასევე მისი სათამაშოები, ჭურჭელი არ უნდა ირეცხებოდეს ქლორსა და ფოსფატებზე დაფუძნებული საშუალებებით.
  • არც მათეთრებელის გამოყენება შეიძლება და განსაკუთრებით – ქლორის შემცველის, ამას ჩვეულებრივი გამოხარშვა სჯობს.
  • ძლიერი არომატების მქონდე კონდიციონერების გამოყენებასაც არ გვირჩევენ რეცხვის დროს – ბავშვის სამოსის სარეცხი საშუალებები არ უნდა იყოს მკვეთრი სუნის და რაც შეიძლება ნაკლებ დანამატს შეიცავდეს, რომ არ გამოიწვიოს სხვადასხვაგვარი ალერგიები.
  • ეცადეთ, გამოიყენოთ ბავშვის ან 72%-იანი სარეცხი საპონი ან მათზე დაფუძნებული საბავშვო ფხვნილები, ოღონდ თუ ხელით რეცხავთ, ისინიც გულმოდგინედ უნდა გაავლოთ, რომ საპნის კვალი არ დარჩეს. თუ სარეცხ მანქანაში რეცხავთ სარეცხს, ორჯერ გაავლეთ და მთავარი პირობა – სამ წლამდე ბავშვის სარეცხი ყოველთვის ცალკე გარეცხეთ, არ შეურიოთ მოზრდილების სამოსში და ბავშვის დასვრილი
  • ნივთებისთვისაც ცალკე უნდა გქონდეთ კალათა ან სხვა სათავსო, სადაც მხოლოდ მათ შეინახავთ და არ შეურევთ მოზრდილის ნივთებში. მოზრდილები შეიძლება, აბსოლუტურად ჯანმრთელები იყვნენ, მაგრამ სხვადასხვა ინფექციის მატარებელნიც. მოზრდილი ადამიანის კანიდან სოკო, ბაქტერია და სხვა მიკროორგანიზმები შეიძლება, მის სამოსზე გადავიდეს, იქიდან კი – ბავშვისაზე და პატარის დასნებოვნება გამოიწვიოს.
  • გარეცხილი ნივთები – სამოსი თუ თეთრეული, აუცილებლად ორი მხრიდან უნდა გააუთოოთ, განსაკუთრებით პირველი 3-4 კვირა, სანამ ჭიპლარი მთლიანად არ შეუხორცდება, რათა ჭრილობაში ინფექცია არ მოხვდეს.
  • ამ დროის გასვლის შემდეგ არ არის აუცილებელი ორი მხრიდან გაუთოება, ჩვეულებრივ გააუთოვეთ. არც ზედმეტ სტერილურობას გვირჩევენ – ბოლო დროს საწოვარებისა და მატყუარების გასტერილებაზეც კი უარს ამბობენ ექიმები, რადგან მეტისმეტმა სტერილურმა მოვლამ და აბსოლუტურმა სისუფთავემ ბავშვებს იმუნიტეტი დაუკარგა სხვადასხვა ალერგიების მიმართ.

3709
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები
ყველაზე კითხვადი
გამოკითხვა
რამდენ ლარს შეადგენს თქვენი ოჯახის ყოველთვიური შემოსავალი?
```