"4-5 წლის ბავშვი სულ მარტო იდგა ქუჩაში და ტრანსპორტს ელოდა" - გვაქვს თუ არა უფლება, ამ დროს სოციალური მომსახურების სააგენტოს მივმართოთ?
"4-5 წლის ბავშვი სულ მარტო იდგა ქუჩაში და ტრანსპორტს ელოდა" - გვაქვს თუ არა უფლება, ამ დროს სოციალური მომსახურების სააგენტოს მივმართოთ?
ცოტა ხნის წინ ჩვენმა მკითხველმა მოგვაწოდა ინფორმაცია, რომ მის სახლთან ახლოს დაახლოებით 4-5 წლის ბავშვი მარტო იყო ქუჩაში გამოსული და ელოდებოდა საზოგადოებრივ ტრანსპორტს, დიდი ხნის განმავლობაში.

"დილით, სახლთან ახლოს ვხედავ ბავშვი მარტო დგას და ელოდება ტრანსპორტს. ირგვლივ არავინაა.
ვეუბნები, დედა ან მამა მოვა? არაო.
- აბა, სად არიან?
- ჩამომიშვეს და "მარშუტკას" ველოდები.
- ვინმემ ხომ არ უნდა გამოგიაროს, ნაცნობმა?
...არა, "მარშუტკას" ელოდება ჩვეულებრივად, ეს პატარა ბავშვი, უმეთვალყურეოდ..." - გვწერდა
მკითხველი.


დავინტერესდით ამ შემთხვევით და გადავწყვიტეთ გაგვერკვია, გვაქვს თუ არა მსგავს სიტუაციებში უფლება, მივმართოთ სოციალური მომსახურების სააგენტოს და ზოგადად, რა დროს შეგვიძლია განვაცხადოთ აღნიშნულ სააგენტოში.

გვესაუბრება გაეროს ბავშვთა ფონდის სოციალური კეთილდღეობის პროგრამის ხელმძღვანელი ქეთევან მელიქაძე:

- რაიმე საეჭვოს თუ ნახავთ, მაგალითად, ბავშვი ქუჩაშია მარტო, მზრუნველის გარეშე, ეს არის საეჭვო და ასევე საფრთხის შემცველი მისთვის. ასეთ შემთხვევაში ნებისმიერ ცხელ ხაზზე შეგიძლიათ დარეკოთ, იქნება ეს 112 თუ 15 05, რომელიც არის სოციალური მომსახურების ცხელი ხაზი. შემდეგ, შეგიძლიათ დაელოდოთ, ეს უკვე თქვენზეა დამოკიდებული, სანამ მოვა ეს სამსახური, მაგრამ აუცილებლობა არ არის. მთავარი ისაა, რომ შეაფასოთ საფრთხეები, რომელშიც ბავშვი იმყოფება. ბავშვი, რომელიც ქუჩაში მარტოა, უდავოდ საფრთხეშია და
უნდა გადასცეთ ეს ინფორმაცია ცხელ ხაზებს. 

- კიდევ რა შემთხვევაში შეგვიძლია მივმართოთ სოციალური მომსახურების სააგენტოს?

- ზოგადი წესი, რა თქმა უნდა, არ არსებობს, მაგრამ თუ ატყობთ, რომ ბავშვის მიმართ განხორციელდა ან ხორციელდება ძალადობა, თუ ბავშვს საფრთხე ექმნება იმიტომ, რომ ის მარტოა, თუნდაც ოჯახურ გარემოში, ეს არის თქვენთვის მიზეზი იმისათვის, რომ შეატყობინოთ ამის შესახებ შესაბამის ორგანოებს. ეს ორგანო ორია - ან ჯანდაცვის სამინისტრო ან პოლიცია.
მსგავს შემთხვევებში, სოციალური მომსახურების სააგენტოს ვალდებულებაა, მივიდნენ ადგილზე და გაეცნონ ფაქტს, რომლის შესახებაც მოქალაქე იტყობინება.

ჩვენი მხრივ კი, კიდევ ერთხელ შევახსენებთ მშობლებს, რომ განსაკუთრებით ჩვენს დაძაბულ და უსიამოვნო შემთხვევებით სავსე დროში, მაქსიმალურად შეიკავონ თავი განსაკუთრებით მცირე ასაკის ბავშვების უმეთვალყურეოდ დატოვებისგან და შეეცადონ, მათ გვერდით იყვნენ. 

თამარ იაკობაშვილი


altრა უნდა ასწავლოთ ბავშვს, რომ არ დაიკარგოს


 

altუსაფრთხოების ზომები, რომლებიც გადაარჩენს ბავშვის სიცოცხლეს


 

1788
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
irakli
0
მე კიდევ გუშინ შევესწარი ასეთ ამბავს, გლდანი მოლში ერთერთი მაღაზიის გასასვლელში პატარა გოგო 5-6 წლის დაცვის წევრის გვერდით იდგა და ტიროდა. დაცვას რომ ვკითხეთ, რატომ ტირის თქო, "უკმეხად მითხრა მე რა ვიცი რატომ ტირისო". მერე გავარკვიე რომ დედა დაეკარგა და ადგილობრივ თანაშრომელს ვუთხარი, მიიყვანეს გამყიდველებთან და იქიდან მხოლოდ ერთხელ გამოაცხადეს, ისიც გაუგებრად. მოკლედ მაგარი გაცივებულია ეს ხალხი და რა ეშველება გაუგებარია.
16:55 / 25-02-2019
მსგავსი სიახლეები
```