უკვე ყველა ლაპარაკობს და ჩვენი ჯერ ჩუმადაა... - როცა ბავშვი ლაპარაკს აგვიანებს
უკვე ყველა ლაპარაკობს და ჩვენი ჯერ ჩუმადაა... - როცა ბავშვი ლაპარაკს აგვიანებს
2-3 წლის ასაკში თუ ბავშვი აქტიურად არ ლაპარაკობს, ეს შეიძლება მშობლების ნერვიულობის სერიოზული მიზეზი გახდეს. მოდით გავარკვიოთ, რა არის პატარის სიჩუმის მიზეზი და ამის შემდეგ მივხვდებით, გაქვთ თუ არა ნერვიულობის საბაბი.

ბავშვის ნორმალური მეტყველების განვითარებისთვის აუცილებელია შემდეგი პირობები:
  • ნორმალური ჯანმრთელობის მდგომარეობა, რაც გულისხმობს მუცლადყოფნის პერიოდსაც;
  • ცენტრალური ნერვული სისტემის ნორმალური ფუნქციონირება;
  • ბავშვის ნორმალური ფსიქიკური განვითარება;
  • სმენისა და მეტყველების აპარატის ჯანმრთელი მდგომარეობა;
  • კეთილგანწყობილი სალაპარაკო გარემო.
რათა დარწმუნდეთ ბავშვის აბსოლუტურ ჯანმრთელობაში, მიმართეთ ოტოლარინგოლოგსა და ნევროლოგს.

ისინი შეამოწმებენ
ბავშვის სმენის, სალაპარაკო აპარატის და ნერვული სისტემის მდგომარეობას. ასევე უნდა გაიაროთ საექიმო-პედაგოგიური გამოკვლევა. რადგან რაც უფრო ადრე გამოვლინდება დაგვიანებული მეტყველების მიზეზები, მით ეფექტური იქნება კორექცია.

თუ თქვენ გაიარეთ ყოველმხრივი კვლევა, დადგინდა, რომ ბავშვს არანაირი პათოლოგია არ აღენიშნება, მაშინ შესაძლებელია ხანგრძლივი დუმილი - ეს ინდივიდუალური მახასიათებელია.

მაგრამ ნებისმიერ შემთხვევაში, პრობლემა მაინც რჩება. ნუ დაიმშვიდებთ თავს ფრაზებით: "დაილაპარაკებს, როცა ამის დრო მოვა", "მეც გვიან დამიწყია ლაპარაკი"... დაიწყეთ მოქმედება!
mshoblebi

რა მოვიმოქმედოთ?

უარი თქვით "ველოსიპედის გამოგონებაზე". კვალიფიცირებულ პასუხს მოგცემთ ფსიქოლოგი, რომელიც დაამყარებს ბავშვთან ემოციურ კონტაქტს, მოუხსნის დაძაბულობას, ჩართავს კოლექტიურ თამაშებში. ამის შემდეგ, დიდი ალბათობით, პატარას გაუჩნდება სალაპარაკო ურთიერთობის აუცილებლობა.

დეფექტოლოგი განუვითარებს ყურადღებას, აღქმას, აზროვნებას, მეხსიერებას, მისცემს გარკვეულ ცოდნას,
რომელსაც ბავშვი თამაშის დროს გამოიყენებს.

ლოგოპედი გამოავლენს მეტყველების აპარატის დეფექტებს და სპეციალური არტიკულარული ვარჯიშებით გაუმაგრებს ენის, ტუჩების და ქვედა ყბის კუნთებს.

საბოლოოდ ბავშვის მეტყველების განვითარებაზე თქვენ უნდა იზრუნოთ. რა მოეთხოვება მშობელს:
  • შექმნას პოზიტიური ემოციური გარემო;
  • ზუსტად შეასრულოს სპეციალისტის მითითებები, გაუმყაროს ბავშვს შეძენილი უნარები სახლის პირობებში;
  • გამოიყენოს მიღებული ცოდნა ბავშვის განვითარებისთვის.
  • ელაპარაკეთ ბავშვს ხშირად, უკითხეთ ლექსები, წიგნები. ელაპარაკეთ გამართულად და არა მოჩლექით.
  • სწორედ ასეთი კომპლექსური მიდგომა მოგცემთ სასურველ შედეგს. თქვენი შვილი კი გაჩვენებთ არაჩვეულებრივ შედეგს, რასაც სალაპარაკო ურთიერთობა ჰქვია.

 

altმეტყველების პრობლემები ბავშვებში - ფსიქოთერაპევტის პასუხები ყველაზე გავრცელებულ კითხვებზე


alt4 ნიშანი იმისა, რომ ბავშვს მეტყველების პრობლემები აქვს


 

3760
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
alexandre
0
და თქვენ რაღა გჭირთ? რატომ დაბლოკეთ ჩემი კომენტარი?
14:26 / 02-07-2019
მსგავსი სიახლეები
ყველაზე კითხვადი
გამოკითხვა
რომელია თქვენი ბავშვის საყვარელი მულტფილმი?